དྲུག་པ། སྐྱེ་བོ་དམ་པ་བསྟེན་པའི་སྐོར།^p1
六 亲仁^p2
同是人 类不齐 流俗众 仁者希^p4
མི་རྣམས་འདྲ་ན་ཡང༌། །^p5
རིགས་ལ་སྣ་ཚོགས་ཡོད། །^p6
ཐ་ཤལ་དམན་པ་མང༌། །^p7
དམ་པའི་སྐྱེ་བོ་ཉུང༌། །^p8
འཇིག་རྟེན་འདི་ན་འཚོ་བ་ལ་རོལ་བའི་མི་རྣམས་སྤྱི་ཁྱབ་ནས་བལྟས་ན་ཐམས་ཅད་ཕལ་ཆེར་འདྲ་ན་ཡང་། ནང་གསེས་ཀྱི་རིགས་ལ་རིག་པ་རྣོ་རྟུལ་གཤིས་ཀ་འཇམ་རྩུབ་ཀུན་སྤྱོད་བཟང་ངན་སོགས་རྣམ་པ་མི་འདྲ་བ་སྣ་ཚོགས་ཡོད་ལ། དེ་དག་ལས་ཚེ་འདི་ཕྱི་གཉིས་ཀྱི་དོན་ལ་མི་སེམས་པར་དོན་མེད་རྣམ་གཡེང་གི་དུས་འདའ་བའི་སྐྱེ་བོ་ཐ་ཤལ་དམན་པ་ནི་ཆེས་མང་ཞིང༌། དད་པ་དང་ཤེས་རབ་སྙིང་རྗེའི་ཡོན་ཏན་ལྡན་པའི་སྐྱེ་བོ་དམ་པ་ནི་ཉིན་མོའི་སྐར་མ་བཞིན་ཆེས་ཉུང་བ་མངོན་སུམ་གྱིས་མཐོང་བས་ཤེས་སོ། །^p9
果仁者 人多畏 言不讳 色不媚^p11
ཤེས་ལྡན་དམ་པ་ལ། །^p12
ཐམས་ཅད་གུས་ཤིང་སྐྲག །^p13
དེས་ཀྱང་རྫུན་ཚིག་དང༌། །^p14
གཡོ་སྒྱུས་བསླུ་མི་སྲིད། །^p15
ཀུན་སྤྱོད་གཙང་ཞིང་ཤེས་རབ་དང་ལྡན་པའི་དམ་པ་རྣམས་ལ་ཆོས་ཉིད་ཀྱིས་མི་ཐམས་ཅད་གུས་ཤིང་སྐྲག་པར་འགྱུར། དེས་ཀྱང་དེ་དག་ལ་གནས་སྐབས་མཐར་ཐུག་གི་ཕན་པ་སྒྲུབ་པ་ལས། གནས་ལུགས་དང་མི་མཐུན་པའི་རྫུན་ཚིག་དང་ཁ་གསེག་སོགས་གཡོ་སྒྱུས་བསླུ་བ་གཏན་མི་སྲིད་ཏེ། དེ་དམ་པའི་ངང་ཚུལ་མ་ཡིན་པའི་ཕྱིར་རོ། །^p16
能亲仁 无限好 德日进 过日少^p18
དམ་པ་བསྟེན་བྱས་ན། །^p19
ལེགས་ཚོགས་དཔག་མེད་འབྱུང༌། །^p20
ཡོན་ཏན་ཉིན་བཞིན་འཕེལ། །^p21
ཉེས་སྐྱོན་ཉིན་བཞིན་འགྲིབ། །^p22
ཡོན་ཏན་ཅན་གྱི་སྐྱེ་བོ་དམ་པ་བསྟེན་པར་བྱས་ན། ཇི་སྐད་དུ་གང་ལ་བསྟེན་པ་དེ་ཡི་རྗེས་སུ་འགྲོ་ཟེར་བ་ལྟར་ཆོས་འཇིག་རྟེན་གྱི་ལེགས་ཚོགས་དཔག་ཏུ་མེད་པ་ཞིག་མ་འབད་ངང་གིས་འབྱུང་བར་འགྱུར། རང་རྒྱུད་ཀྱི་ཡོན་ཏན་རྣམས་ཡར་ངོའི་ཟླ་བ་ལྟར་ཉིན་རེ་བཞིན་གོང་དུ་འཕེལ་ཞིང༌། ཉེས་སྐྱོན་ཐམས་ཅད་མར་འགྲིབ་པར་འགྱུར་བས་གྲོགས་བཟང་བསྟེན་པ་འདི་ཡོན་ཏན་ཀུན་གྱི་གཞི་རྩ་ཡིན་པས་སེམས་ལ་འཆང་བར་བྱའོ། །^p23
不亲仁 无限害 小人进 百事坏^p25
དམ་པ་དོར་གྱུར་ན། །^p26
ཉེས་ཚོགས་དཔག་མེད་འབྱུང༌། །^p27
དམན་པས་གླགས་རྙེད་ནས། །^p28
དོན་ཀུན་བརླག་པར་འགྱུར། །^p29
གལ་ཏེ་དམ་པའི་སྐྱེ་བོ་རྣམས་རིང་དུ་དོར་བར་བྱས་ན་ཡོན་ཏན་གསར་བ་མི་སྐྱེ་ཞིང་། སྔར་ཡོད་ཀྱང་ཉམས་པར་གྱུར་ཏེ་ཉེས་ཚོགས་དཔག་མེད་ཅིག་ངམ་ངམ་ཤུགས་ཀྱིས་འབྱུང་ཞིང༌། ལྟ་སྤྱོད་དམན་པའི་སྐྱེ་བོ་རྣམས་ཀྱང་དེ་ལ་གླགས་རྙེད་ནས་མཐར་རང་གཞན་གཉིས་ཀའི་དོན་ཀུན་ཐལ་བ་རླུང་གིས་གཏོར་བ་བཞིན་བརླག་པར་འགྱུར་བས། འདིའི་དོན་ལ་ཡང་ཡང་སེམས་པ་ཤིན་ཏུ་གལ་ཆེ་བར་སྣང་ངོ༌། །^p30