ལྔ་པ། ཀུན་ལ་བྱམས་སྐྱོང་གི་སྐོར།^p1
五 泛爱众^p2
凡是人 皆须爱 天同覆 地同载^p4
གང་ཟག་སུ་ཡིན་ཡང༌། །^p5
ངེས་པར་བྱམས་པས་སྐྱོང༌། །^p6
ས་སྟེང་གནམ་འོག་ན། །^p7
མཉམ་དུ་གནས་པས་སོ། །^p8
འཇིག་རྟེན་ཁམས་འདིའི་མི་སུ་ཡིན་ཡང་དེ་ཐམས་ཅད་ལ་ངེས་པར་དུ་ཕན་ཚུན་བྱམས་པས་སྐྱོང་ཞིང་བརྩི་བཀུར་བྱེད་དགོས་ཏེ། ཚང་མ་གནམ་སྔོན་པོའི་འོག་མཉམ་དུ་གནས་ནས་འཚོ་བ་སྐྱེལ་བ་ཡིན་པས་སོ། །^p9
行高者 名自高 人所重 非貌高^p11
སྤྱོད་བཟང་ལྡན་པའི་མིའི། །^p12
མཚན་སྙན་ངང་གིས་འཕེལ། །^p13
མི་རྣམས་དེ་ལ་གུས། །^p14
མཛེས་པའི་གཟུགས་ཀྱིས་མིན། །^p15
ཡ་རབས་སྤྱོད་བཟང་ལྡན་པའི་མི་ཡི་མཚན་སྙན་ནི་མ་བསྒྲགས་ངང་གིས་འཕེལ་བར་འགྱུར་ལ། དེ་ཡང་མི་རྣམས་ཀྱིས་ཀུན་སྤྱོད་གཙང་ཞིང་ཤེས་རིག་ལྡན་པའི་མི་ལ་རྟག་ཏུ་གུས་པར་བྱེད་པ་ལས། ཕྱི་རོལ་མཛེས་པའི་གཟུགས་ཙམ་ལྡན་པ་ལ་ནི་དེ་ལྟར་བཀུར་བ་མ་ལགས་སོ། །^p16
才大者 望自大 人所服 非言大^p18
ཤེས་ཡོན་ལྡན་པའི་མིའི། །^p19
མཚན་སྙན་ངང་གིས་རྒྱས། །^p20
མི་རྣམས་དེ་ལ་དགའ། །^p21
རང་བསྟོད་བསྔགས་པས་མིན། །^p22
ཤེས་རིག་ཡོན་ཏན་ལྡན་པའི་མི་ཡི་མཚན་སྙན་ནི་མ་བསྒྲགས་ཤུགས་ཀྱིས་ཕྱོགས་ཀུན་ཏུ་རྒྱས་པར་འགྱུར་ལ། དེ་ཡང་མི་རྣམས་ཤེས་ཡོན་ཅན་ལ་རྟག་ཏུ་དགའ་བ་ལས་རང་གིས་རང་ཉིད་ཐབས་ཚུལ་དུ་མས་བསྟོད་བསྔགས་བྱས་པ་ལ་དེ་ལྟར་དགའ་བ་མ་ཡིན་ནོ། །^p23
己有能 勿自私 人所能 勿轻訾^p25
རང་གི་ཡོན་ཏན་གྱིས། །^p26
རང་དོན་བསྒྲུབ་མི་བྱ། །^p27
གཞན་གྱི་ཡོན་ཏན་ལ། །^p28
ཁྱད་གསོད་བྱེད་མི་རུང༌། །^p29
རང་ལ་བདོག་པའི་ནུས་པ་དང་ཤེས་ཡོན་ཀྱིས་ཤིན་ཏུ་དམན་པའི་རང་དོན་ཁོ་ན་བསྒྲུབ་པར་མི་བྱ། དེས་གཞན་སྤྱི་ཚོགས་དང་སེམས་ཅན་ལ་ཕན་པའི་བྱ་བ་དོན་ལྡན་བསྒྲུབ་དགོས། གཞན་ལ་ཡོན་ཏན་ཡོད་པ་མཐོང་སྐབས་དེ་ལ་ཕྲག་དོག་གིས་ཁྱད་གསོད་སྨ་འབེབས་སོགས་བྱེད་མི་རུང་ངོ་། །^p30
勿谄富 勿骄贫 勿厌故 勿喜新^p32
ཕྱུག་པོར་ངོ་བསྟོད་དང༌། །^p33
དབུལ་པོར་ཁེངས་དྲེགས་མིན། །^p34
གྲོགས་རྙིང་འདོར་བ་སྤང༌། །^p35
གྲོགས་གསར་དགའ་ཞེན་མིན། །^p36
ཕྱུག་པོ་མཐོན་པོ་རྣམས་ཀྱི་དྲུང་དུ་ཁ་ཡག་ངོ་བསྟོད་དང་དབུལ་པོ་ཉམ་ཐག་གི་མདུན་དུ་ཁེངས་དྲེགས་ང་རྒྱལ་མི་བྱ། དེ་བཞིན་སྔོན་གྱི་གྲོགས་པོ་རྙིང་པ་རྣམས་རྒྱང་ཏུ་འདོར་བ་དང་གྲོགས་གསར་དག་ལ་ཨ་གསར་བྱས་ཏེ་དགའ་ཞེན་ཆེ་བ་ཡང་མི་བྱའོ། །^p37
人不闲 勿事搅 人不安 勿话扰^p39
གཞན་དག་བྲེལ་བའི་དུས། །^p40
ལས་འགོག་བྱེད་མི་རུང༌། །^p41
གཞན་སེམས་སྐྱོ་བའི་དུས། །^p42
གཏམ་ཉོག་སྨྲ་མི་བྱ། །^p43
གཞན་ལ་བརྟེན་ནས་བྱ་བ་བསྒྲུབ་པའམ་སྐད་ཆ་བཤད་དགོས་ན་དེའི་གནས་ཚུལ་ལ་བལྟ་བ་གཅེས་ཏེ། གལ་ཏེ་མི་གཞན་པ་ལས་ཀ་ཤིན་ཏུ་བྲེལ་ཚབས་ཆེ་བའི་དུས་སུ་དེའི་ལས་ཀ་ལ་བཀག་འགོག་བྱེད་པའི་ལས་གཙབ་གཏོང་མི་རུང་ཞིང༌། དེ་བཞིན་གཞན་ལུས་སེམས་མི་བདེ་བར་སྡུག་བསྔལ་གྱིས་ནོན་སྐབས་དེ་ལ་རང་དོན་སོགས་གཏམ་ཉོག་མང་པོ་སྨྲ་བར་མི་བྱའོ། །^p44
人有短 切莫揭 人有私 切莫说^p46
གཞན་གྱི་སྐྱོན་ཆ་རྣམས། །^p47
ངེས་པར་བསྒྲག་མི་རུང༌། །^p48
གཞན་གྱི་གསང་བ་རྣམས། །^p49
ནམ་ཡང་སྨྲ་མི་བྱ། །^p50
མི་གཞན་གྱི་སྐྱོན་ཆ་རྣམས་གོ་ཚོར་བྱུང་དུས་དེ་ཉིད་མཚར་གཏམ་དུ་བརྩིས་ནས་མི་ཐམས་ཅད་ལ་སྦ་གསང་མེད་པར་བསྒྲག་པར་བྱ་མི་རུང༌། གཞན་གྱི་གསང་བའི་དོན་རྣམས་དུས་ནམ་ཡང་མི་སུ་ལ་ཡང་སྨྲ་བར་མི་བྱ་སྟེ། གལ་ཏེ་ཉུང་ཤས་ལ་སྨྲས་ནའང༌། གཏམ་མི་བཤད་རྒན་མོས་མི་བཤད་རྒན་མོར་བཤད་ཅེས་པ་དང༌། གཏམ་ཁ་སྒོར་བུད་དུས་རྒྱ་སྒོ། རྒྱ་སྒོར་བུད་དུས་རྒྱལ་ཁམས་ཟེར་བ་ལྟར་ཀུན་ལ་ཁྱབ་པར་འགྱུར་བས་ན་རང་ལ་མི་ཕན་ཞིང་གཞན་ལ་གནོད་པའི་ལས་དེ་རིང་དུ་སྤང་བ་གལ་ཆེའོ། །^p51
道人善 即是善 人知之 愈思勉^p53
གཞན་གྱི་ཡོན་ཏན་རྣམས། །^p54
བརྗོད་ན་དགེ་བ་ཡིན། །^p55
གཞན་གྱིས་ཤེས་པའི་རྗེས། །^p56
བརྩོན་པས་ཇེ་བཟང་འགྲོ། །^p57
གཞན་གྱི་ཡོན་ཏན་རྣམས་མི་ཀུན་ལ་བརྗོད་ན་དེ་ནི་ནམ་ཡང་དགེ་ཞིང་ཕུལ་ཕྱིན་གྱི་སྤྱོད་པ་བཟང་པོ་ཞིག་ཡིན། མི་གཞན་པས་དེ་དག་ཤེས་པའི་རྗེས་སུ་བསྐུལ་མ་ཐེབས་ནས་སྤྱོད་པ་ཇེ་བཟང་ཇེ་ལེགས་སུ་འགྲོ་བར་འགྱུར་རོ། །^p58
扬人恶 即是恶 疾之甚 祸且作^p60
གཞན་གྱི་ཉེས་སྐྱོན་རྣམས། །^p61
བསྒྲགས་ན་མི་དགེའི་ལས། །^p62
བརྗོད་པ་ཐལ་དྲགས་ན། །^p63
ཉེར་འཚེ་རང་ལ་འབྱུང༌། །^p64
གཞན་གྱི་ཉེས་སྐྱོན་རྣམས་བརྟག་དཔྱད་མེད་པར་ཀུན་ལ་བསྒྲགས་པར་བྱས་ན་དེ་ནི་ཐ་ཆད་མི་དགེ་བའི་ལས་ངན་པ་ཞིག་ཡིན། དེའི་སྐྱོན་བརྗོད་ལ་ཚོད་བཟུང་མེད་པར་ཧ་ཅང་ཐལ་དྲགས་ན་ཐ་མ་ཉེར་འཚེ་མང་པོ་རང་ཉིད་ལ་འབྱུང་བར་གདོན་མི་ཟའོ། །^p65
善相劝 德皆建 过不规 道两亏^p67
གྲོགས་ལ་ཕན་ཚུན་བསྐུལ། །^p68
མཉམ་དུ་ཤེས་ཡོན་བསྐྲུན། །^p69
ཚུལ་མིན་ལམ་ཞུགས་ན། །^p70
ཐ་མ་གཉིས་ཀ་ཕུང་། །^p71
གྲོགས་པོ་ལ་ཕན་ཚུན་བསྐུལ་མ་བྱས་ཏེ་ཡ་རབས་སྤྱོད་བཟང་ལྡན་པའི་ཤེས་ཡོན་ངེས་ཅན་ཞིག་སྐྲུན་པར་བྱ་དགོས། གལ་ཏེ་ཚུལ་བཞིན་མ་ཡིན་པའི་ལམ་ལ་ཞུགས་ན་དེའི་ཀུན་སྤྱོད་ལ་སྐྱོན་ཤོར་ནས་མཐར་རང་གཞན་གཉིས་ཀ་ཕུང་བར་འགྱུར་རོ། །^p72
凡取与 贵分晓 与宜多 取宜少^p74
དངོས་རྫས་གཏོང་ལེན་ལ། །^p75
དབྱེ་འབྱེད་གསལ་བོར་བྱ། །^p76
ཕར་གཏོང་མང་བ་དང༌། །^p77
ཚུར་ལེན་ཉུང་ན་ལེགས། །^p78
རྒྱུ་ནོར་དངོས་རྫས་རྣམས་ཕན་ཚུན་གཏོང་ལེན་བྱེད་སྐབས་དབྱེ་འབྱེད་གསལ་བོ་བྱ་དགོས་ཏེ། དེ་ཡང་ཕར་ལ་གཏོང་བ་མང་ན་བཟང་ཞིང༌། ཚུར་ལ་ལེན་པ་ཉུང་ན་ལེགས། དེ་ལྟར་བྱས་ན་རང་འདོད་རྔམ་ཆུང་བར་མཚོན་ཞིང་ཕན་ཚུན་ཡིད་ཆེས་ལ་མཛའ་མཐུན་ཡུན་དུ་བརྟན་པའི་དགོས་པ་ཡོད་དོ། །^p79
将加人 先问己 己不欲 即速已^p81
གཞན་ལ་བཅོལ་པའི་ལས། །^p82
ཐོག་མར་རང་ལ་འདྲི། །^p83
རང་གིས་མི་འདོད་ན། །^p84
མྱུར་དུ་མཚམས་འཇོག་བྱ། །^p85
གཞན་ལ་བཅོལ་བའི་ལས་གང་ཡིན་ཡང་ཐོག་མར་རང་གིས་རང་ཉིད་ལ་འདྲི་བར་བྱ་སྟེ། བྱ་བ་འདི་རང་ཉིད་ཀྱིས་བསྒྲུབ་དགོས་ན་འདོད་དམ་མི་འདོད་བརྟག་པར་བྱ། གལ་ཏེ་རང་གིས་བསྒྲུབ་པར་འདོད་ན་དེ་གཞན་ལ་བསྒྲུབ་ཏུ་བཅུག གལ་ཏེ་རང་གིས་ཀྱང་མི་འདོད་ན་དེ་ཉིད་གཞན་ལ་བྱེད་དུ་བཅུག་ན་ཚུལ་དང་མི་མཐུན་པས་མྱུར་དུ་མཚམས་འཇོག་བྱ་དགོས། འུ་ཅག་གི་གཞུང་ལས། རང་གི་ལུས་ལ་དཔེ་ལོངས་ལ། །གཞན་ལ་གནོད་པ་མ་བྱེད་ཅིག །ཅེས་དང༌། མཁས་པ་ཁུང་ཙིས་ཀྱང༌། རང་ཉིད་མི་འདོད་པ། །གཞན་ལ་བྱིན་མི་བྱ། །ཞེས་པ་ལྟར་རོ། །^p86
恩欲报 怨欲忘 抱怨短 报恩长^p88
དྲིན་ལ་གཟོ་སེམས་དང༌། །^p89
འཁོན་ལ་བརྗེད་སེམས་དགོས། །^p90
གནོད་ལན་ཡུན་ཐུང་ཙམ། །^p91
དྲིན་ལན་ཡུན་རིང་གཟོ། །^p92
རང་ལ་བཀའ་དྲིན་ཆེ་བ་དག་ལ་དུས་རྒྱུན་དུ་དྲིན་དྲན་པ་དྲིན་གཟོ་བའི་བསམ་པ་དང་། རང་ལ་གནོད་པ་བྱེད་པ་ལ་དེའི་འཁོན་འཛིན་བརྗེད་པའི་བསམ་པ་དགོས། དེ་ལྟར་མ་ནུས་ན་གནོད་ལན་ཡུན་ཐུང་ངུ་གྲངས་ཉུང་ཙམ་འཇལ་ནས་ཆོག་པར་བྱ། དྲིན་ལ་དེ་ལྟར་མ་ཡིན་པར་བཀའ་དྲིན་ཡུན་རིང་དུ་མི་བརྗེད་ཅིང་དྲིན་ལན་ཐེངས་མང་དུ་གཟོ་བར་བྱའོ། །^p93
待婢仆 身贵端 虽贵端 慈而宽^p95
རང་གི་གཡོག་འཁོར་ལ། །^p96
དྲང་བདེན་སྤྱོད་པས་སྐྱོང༌། །^p97
དྲང་ཞིང་བདེན་ལས་ཀྱང༌། །^p98
བྱམས་བརྩེ་ཁོག་ཡངས་གཙོ། །^p99
རང་གི་གཡོག་པོ་གཡོག་མོ་དང་ཉེ་འཁོར་སུ་ལ་ཡང་ཐོག་མར་རང་ཉིད་ཀྱི་སྤྱོད་ལམ་ལ་བརྟག་དཔྱད་བྱས་ཏེ་ཕྱོགས་ལྷུང་མེད་པའི་དྲང་བདེན་དང་དྲི་མ་མེད་པའི་ཀུན་སྤྱོད་གཙང་མས་སྐྱོང་བར་བྱ། དྲང་ཞིང་བདེན་པ་ལས་ཀྱང་དེ་དག་ལ་དུས་རྒྱུན་དུ་བྱམས་བརྩེའི་སྒོ་ནས་ཁོག་ཡངས་བྱེད་པ་འདི་ཤིན་ཏུ་གལ་ཆེའོ། །^p100
势服人 心不然 理服人 方无言^p102
དབང་ཆས་གཞན་མནན་ན། །^p103
སྙིང་ནས་དང་ལེན་མེད། །^p104
རྒྱུ་མཚན་ལྡན་གྱུར་ན། །^p105
དེ་ལ་ལེ་བརྡ་མེད། །^p106
གལ་ཏེ་སྟོབས་ཤུགས་ལ་བརྟེན་ནས་དབང་ཆའི་སྒོ་ནས་གཞན་དྲག་གནོན་བྱས་ན་དེ་ལ་ཁ་ཙམ་མ་གཏོགས་སྙིང་ནས་དང་ལེན་བྱེད་པ་ནི་མེད། རྒྱུ་མཚན་སྟོབས་ལྡན་ཡོད་པར་གྱུར་ན་དེ་ལ་ཐམས་ཅད་ཀྱིས་དགའ་བས་དང་དུ་ལེན་པ་ལས་ལེ་ལན་བརྡ་བ་ཅི་ཡང་མེད་དོ། །^p107