གཉིས་པ། རྒན་ལ་གུས་བཀུར་གྱི་སྐོར།^p1
二 出则弟^p2
兄道友 弟道恭 兄弟睦 孝在中^p4
ཕུ་བོས་ནུ་བོ་སྐྱོང༌། །^p5
ནུ་བོས་ཕུ་བོར་གུས། །^p6
ཕུ་ནུ་ནང་མཐུན་ན། །^p7
ཕ་མའི་སྲི་ཞུ་ལགས། །^p8
ཕུ་བོས་རང་གི་ནུ་བོ་དང་ནུ་མོ་སོགས་རྟག་ཏུ་གཅེས་སྐྱོང་བྱེད་པ་དང༌། ནུ་བོ་ནུ་མོ་དག་གིས་ཀྱང་ཕུ་བོ་ལ་གུས་བཀུར་བྱས་ཏེ་ཕུ་ནུ་ནང་ཕན་ཚུན་འགྲན་རྩོད་མེད་པར་མཐུན་པར་གྱུར་ན་ཕ་མ་དག་གི་སེམས་དགའ་བར་འགྱུར་བས་དེས་ན་སྲི་ཞུ་མཐར་ཐུག་ཀྱང་དེ་ལགས་པས་དུས་རྒྱུན་དུ་རང་ལས་གོང་མ་ལ་གུས་བཀུར་དང་འོག་མ་ལ་གཅེས་སྐྱོང༌། རང་དང་མཉམ་པ་ལ་མཛའ་མཐུན་བྱེད་པ་ནི་ཤིན་ཏུ་གལ་ཆེ་བས་སེམས་ལ་བཅང་བའི་གཅེས་ནོར་ཉག་གཅིག་གོ །^p9
财物轻 怨和生 言语忍 忿自泯^p11
ནོར་ལ་ཞེན་ཆུང་ན། །^p12
འཁོན་པ་གང་ནས་འབྱུང༌། །^p13
གཏམ་ངན་ལ་བཟོད་ན། །^p14
ཁྲོ་སེམས་རང་སར་ཞི། །^p15
ནོར་རྫས་ལོངས་སྤྱོད་ལ་བདག་གིར་བྱེད་པའི་ཞེན་ཆགས་ཆུང་བར་གྱུར་ན་དེ་ལ་བརྟེན་པའི་འཁོན་རྩོད་སོགས་གང་ལས་འབྱུང་བར་འགྱུར་ཏེ་མི་འགྱུར་རོ། །གཞན་གྱིས་སྨྲས་པའི་མིང་འདོགས་མཚང་འབྲུ་སོགས་གཏམ་ངན་དག་ལ་བཟོད་བསྲན་ཚུགས་ཤིང་ཁོག་ཡངས་བྱེད་ཐུབ་ན་དེ་ལ་བརྟེན་པའི་ཁྲོ་བའི་སེམས་ཀྱང་མེ་ལ་ཆུ་བཏབ་པ་བཞིན་རང་སར་ཞི་བར་འགྱུར་རོ། །^p16
或饮食 或坐走 长者先 幼者后^p18
བཟའ་བཏུང་བྱེད་པ་དང༌། །^p19
འགྲོ་འདུག་སོགས་ཀྱང་རུང༌། །^p20
རྒན་རབས་སྔོན་ལ་སྟེ། །^p21
གཞོན་པས་རྗེས་ནས་བྱ། །^p22
རྒན་གཞོན་གྲལ་རིམ་ལྡན་པའི་ཡ་རབས་ཀྱི་འཚོ་བའི་གོམས་སྲོལ་འདི་ཆུང་ངུའི་དུས་ནས་སློབ་སྦྱོང་བྱེད་པ་གལ་ཆེ་སྟེ། རྒྱུན་དུ་བཟའ་བཏུང་བྱེད་པ་དང་འགྲོ་འདུག་སོགས་སྤྱོད་ལམ་གང་ཡང་རུང༌། སྔོན་ལ་རྒན་པ་རྣམས་ཀྱིས་ཏེ་དེ་ནས་གཞོན་པ་དག་གིས་བྱའོ། །^p23
长呼人 即代叫 人不在 己即到^p25
རྒན་པས་གཞན་འབོད་ན། །^p26
མྱུར་དུ་འཚོལ་རོགས་བྱ། །^p27
མི་དེ་མེད་གྱུར་ན། །^p28
རང་ཉིད་དེའི་ཚབ་འགྲོ། །^p29
རྒན་པས་མི་གཞན་གྱི་མིང་ནས་འབོད་པ་བྱུང་ན་དེ་ལ་འབྲེལ་བ་མེད་དོ་སྙམ་དུ་མ་ཐོས་པ་ལྟར་མི་བྱ་བར་མྱུར་དུ་མི་དེ་འཚོལ་རོགས་བྱ་ཞིང༌། གལ་ཏེ་མི་དེ་ཉེ་འཁོར་ན་མེད་ནས་རྙེད་པར་མ་གྱུར་ན་རང་ཉིད་རྒན་པའི་གམ་དུ་འགྲོ་སྟེ་བྱ་བ་ཅི་ཡོད་དྲིས་ཏེ་སྒྲུབ་པར་ནུས་ན་བསྒྲུབ་རོགས་བྱའོ། །དེས་ན་རང་ནུས་གང་ཡོད་ཀྱིས་གཞན་ལ་ཕན་པའི་བྱ་བ་ཕྲན་བུ་ཡན་ཆོད་སྒྲུབ་པ་ནི་རིན་ཐང་ཆེ་བའི་ལས་སུ་ཤེས་དགོས་སོ། །^p30
称尊长 勿呼名 对尊长 勿见能^p32
རྒན་ལ་ཞེ་ས་བགྱི། །^p33
ཐད་ཀར་མིང་མི་གཟུང༌། །^p34
རྒན་རབས་དག་གི་མདུན། །^p35
རང་ཆེ་གདོན་མི་བྱ། །^p36
རང་ལས་རྒན་པ་རྣམས་ལ་ཞེ་ས་དང་གུས་བཀུར་བགྱི་བ་ལས་ཐད་ཀར་དེའི་མིང་ནས་བཟུང་སྟེ་འབོད་པ་སོགས་མི་བྱ་ཞིང་རྒན་རབས་དེ་དག་གི་མདུན་དུ་གནས་སྐབས་ཡང་རང་གི་ཡོན་ཏན་བརྗོད་པ་ལྟ་བུའི་རང་ཆེ་གདོན་པ་གཏན་ནས་མི་བྱའོ། །^p37
路遇长 疾趋揖 长无言 退恭立^p39
ལམ་འཕྲད་རྒན་རབས་ལ། །^p40
མྱུར་དུ་གུས་འདུད་ཞུ། །^p41
གསུང་གླེང་མེད་གྱུར་ན། །^p42
གུས་པས་གམ་དུ་གཟུར། །^p43
ལམ་དུ་འཕྲད་པའི་རྒན་རབས་རྣམས་ལ་མྱུར་དུ་གུས་འདུད་དང་འཚམས་འདྲི་ཞུ་ཞིང་། གལ་ཏེ་ཁོང་ལ་གསུང་གླེང་བཀའ་བཀོད་གཞན་མེད་གྱུར་ན་གུས་བཀུར་བཅས་པས་ལམ་གྱི་གམ་དུ་གཟུར་ནས་ཁོང་སོང་རྗེས་གཟོད་ལམ་དུ་ཆས་པར་བྱའོ། །^p44
骑下马 乘下车 过犹待 百步余^p46
རྒན་རབས་ལ་འཕྲད་སྐབས། །^p47
ཁྱོགས་རྟ་སོགས་ལས་འབབ། །^p48
གོམ་བརྒྱ་ཙམ་ཕེབས་རྗེས། །^p49
གཟོད་ནས་ལམ་དུ་ཞུགས། །^p50
རྒན་རབས་དག་ལ་འཕྲད་སྐབས་སུ་གལ་ཏེ་རང་ཉིད་ཁྱོགས་དང་རྟ་ལ་ཞོན་ཡོད་ན། དེ་མ་ཐག་མར་བབས་ནས་རྒན་པ་དག་གོམ་པ་བརྒྱ་ཕྲག་ཙམ་ལ་ལྷགས་ཚར་རྗེས། གཟོད་རྟ་སོགས་ལ་ཞོན་ནས་ལམ་དུ་མུ་མཐུད་དུ་ཞུགས་པར་བྱའོ། །^p51
长者立 幼勿坐 长者坐 命乃坐^p53
རྒན་པ་བཞེངས་པའི་དུས། །^p54
གཞོན་པ་འདུག་མི་རུང༌། །^p55
རྒན་པ་བཞུགས་པའི་རྗེས། །^p56
གནང་ན་གཟོད་ནས་འདུག །^p57
རྒན་གཞོན་མཉམ་དུ་གནས་སྐབས་གལ་ཏེ་རྒན་པ་ཡར་བཞེངས་ཡོད་པའི་དུས་སུ་གཞོན་པ་ཡང་དེ་དང་མཉམ་དུ་ཡར་ལངས་བ་ལས་རང་གར་སྡོད་མི་རུང་ཞིང༌། རྒན་པ་བཞུགས་པའི་རྗེས་སུ་བཀའ་གནང་ཐོབ་ན་གཟོད་ནས་གཞོན་པ་ཡང་འདུག་རུང་ངོ༌། །^p58
尊长前 声要低 低不闻 却非宜^p60
རྒན་པ་རྣམས་ཀྱི་དྲུང༌། །^p61
སྐད་སྒྲ་ཆེ་མི་རུང༌། །^p62
ཆུང་ནས་མི་ཐོས་པ། །^p63
དེ་ཡང་མ་ཡིན་ནོ། །^p64
རྒན་པ་རྣམས་ཀྱི་དྲུང་དུ་སྐད་ཆ་འཆད་སྐབས་རྣ་བ་འགས་པ་ལྟ་བུའི་སྐད་སྒྲ་ཧ་ཅང་ཆེ་བ་ཡང་མི་རུང༌། སྐད་སྒྲ་ཤིན་ཏུ་ཆུང་ནས་ཕ་རོལ་པོས་མི་ཐོས་པ་ལྟ་བུ་དེ་ཡང་མ་ཡིན་པར་འོས་ཤིང་འཚམ་པོར་བྱ་བའོ། །དེས་མཚོན་བྱ་བ་གང་ལ་ཡང་ཕྱོགས་སུ་མ་ལྷུང་བ་གལ་ཆེའོ། །^p65
进必趋 退必迟 问起对 视勿移^p67
མདུན་ལ་མྱུར་བོས་གཅར། །^p68
དལ་གྱིས་ཕྱིར་ལ་འོངས། །^p69
ཐད་ཀར་དྲིས་ལན་ལྡོན། །^p70
ལྟ་སྟངས་བསྒྱུར་མི་བྱ། །^p71
རྒན་རབས་ཀྱི་མདུན་ལ་གོམ་སྟབས་མྱུར་མོས་ཕར་གཅར་ཞིང༌། དོན་དག་བསྒྲུབས་རྗེས་དལ་གྱིས་གུས་འདུད་བཅས་ཕྱིར་འོང་བར་བྱ། རྒན་པས་དྲི་བ་སོགས་བཀོད་ན་ཐད་ཀར་ལན་ལྡོན་ཞིང༌། ཡོན་པོར་བལྟ་བ་སོགས་ཀྱི་ལྟ་སྟངས་བསྒྱུར་བར་མི་བྱའོ། །^p72
事诸父 如事父 事诸兄 如事兄^p74
ཉེ་བའི་རྒན་རབས་ལ། །^p75
རང་གི་ཕ་ལྟར་བཀུར། །^p76
ཉེ་བའི་སྤུན་ཟླ་ལ། །^p77
རང་གི་སྤུན་ལྟར་གཅེས། །^p78
ཨ་ཞང་དང་ཨ་ཁུ་སོགས་ཉེ་བའི་རྒན་རབས་གཞན་རྣམས་ལ་རང་གི་ད་ལྟའི་ཕ་རྒན་དངོས་ལྟ་བུའི་གུས་བཀུར་སྲི་ཞུ་བྱ་ཞིང་། གཉེན་ཉེ་བའི་སྤུན་ཟླ་གཞན་རྣམས་ལ་ཡང་རང་གི་ཕ་མ་གཅིག་པའི་སྤུན་ཟླ་ལྟ་བུས་གཅེས་སྐྱོང་བྱའོ། །^p79