藏文008 杂阿含经（汉译藏）^p1
ལུང་དག་ལྡན་བཞུགས་སོ།།^p4
མཁན་པོ་བསོད་དར་རྒྱས་ཀྱིས་བསྒྱུར།^p5
༄༅། །ལུང་དག་ལྡན་བཞུགས་སོ།།^p6
༼༡༽འདི་སྐད་བདག་གིས་ཐོས་པ་དུས་གཅིག་ན། བཅོམ་ལྡན་འདས་རྒྱལ་པོའི་ཁབ་རྒྱལ་བུ་རྒྱལ་བྱེད་ཀྱི་ཚལ་མགོན་མེད་ཟས་སྦྱིན་གྱི་ཀུན་དགའ་ར་བ་ན་བཞུགས་སོ།། དེའི་ཚེ་བཅོམ་ལྡན་འདས་ཀྱིས་དགེ་སློང་རྣམས་ལ་བཀའ་སྩལ་པ། དགེ་སློང་དག་འདི་ལྟ་སྟེ། གཟུགས་མི་རྟག་པའོ།། དེ་བཞིན་དུ་བལྟ་བ་ནི་ཡང་དག་པའི་ལྟ་བའོ།། ཡང་དག་པའི་ལྟ་བ་ནི་ངེས་པར་འབྱུང་བའོ།། ངེས་པར་འབྱུང་བ་ནི་དགའ་བ་དང་ཆགས་པ་ཟད་པའོ།། དགའ་བ་དང་ཆགས་པ་ཟད་པ་ནི་སེམས་རྣམ་པར་གྲོལ་བ་ཞེས་བྱའོ།། དེ་བཞིན་དུ་ཚོར་བ་དང་། འདུ་ཤེས་དང་། འདུ་བྱེད་དང་། རྣམ་པར་ཤེས་པ་རྣམས་མི་རྟག་པའོ།། དེ་བཞིན་དུ་བལྟ་བ་ནི་ཡང་དག་པའི་ལྟ་བའོ།། ཡང་དག་པའི་ལྟ་བ་ནི་ངེས་པར་འབྱུང་བའོ།། ངེས་པར་འབྱུང་བ་ནི་དགའ་བ་དང་ཆགས་པ་ཟད་པའོ།། དགའ་བ་དང་ཆགས་པ་ཟད་པ་ནི་སེམས་རྣམ་པར་གྲོལ་བ་ཞེས་བྱའོ།། དགེ་སློང་དག་འདི་ལྟ་སྟེ། དེ་ལྟར་སེམས་རྣམ་པར་གྲོལ་བས་བདག་ཉིད་མངོན་པར་རྟོགས་པར་འདོད་པས་བདག་ཉིད་མངོན་པར་རྟོགས་པར་བྱ་སྟེ། བདག་གི་སྐྱེ་བ་ནི་ཟད། ཚངས་པ་སྤྱོད་པ་ནི་བསྒྲུབས། བྱ་བ་རྣམས་ནི་བྱས་སོ།། བདག་གི་འབྱུང་བར་འགྱུར་བའི་སྐྱེ་བ་མི་ལེན་པ་ཡང་ཤེས་སོ།། མི་རྟག་པ་དེ་བཞིན་དུ་སྡུག་བསྔལ་དང་། སྟོང་པ་དང་། བདག་མེད་པ་རྣམས་ཀྱང་དེ་བཞིན་ནོ།། དེའི་ཚེ་བཅོམ་ལྡན་འདས་ཀྱིས་དེ་སྐད་ཅེས་བཀའ་སྩལ་ནས། དགེ་སློང་དེ་དག་ཡི་རངས་ཏེ། བཅོམ་ལྡན་འདས་ཀྱི་གསུངས་པ་ལ་མངོན་པར་བསྟོད་དོ།།^p7
༼༢༽འདི་སྐད་བདག་གིས་ཐོས་པ་དུས་གཅིག་ན། བཅོམ་ལྡན་འདས་རྒྱལ་པོའི་ཁབ་རྒྱལ་བུ་རྒྱལ་བྱེད་ཀྱི་ཚལ་མགོན་མེད་ཟས་སྦྱིན་གྱི་ཀུན་དགའ་ར་བ་ན་བཞུགས་སོ།། དེའི་ཚེ། བཅོམ་ལྡན་འདས་ཀྱིས་དགེ་སློང་རྣམས་ལ་བཀའ་སྩལ་པ། དགེ་སློང་དག་འདི་ལྟ་སྟེ། གཟུགས་ཡང་དག་པ་ཡིད་ལ་བྱས་ཤིང་། གཟུགས་མི་རྟག་པ་ཇི་ལྟ་བ་བཞིན་བལྟ་བར་བྱའོ།། དེ་ཅིའི་ཕྱིར་ཞེ་ན། དགེ་སློང་དག་གཟུགས་ཡང་དག་པ་ཡིད་ལ་བྱས་ཤིང་། གཟུགས་མི་རྟག་པ་ཇི་ལྟ་བ་བཞིན་བལྟས་པས་། གཟུགས་ལ་འདོད་པ་ཡོངས་སུ་སྤང་བར་འགྱུར་རོ།། འདོད་པ་རྣམ་པར་སྤངས་བས་སེམས་གྲོལ་བ་ཞེས་བྱའོ།། དེ་བཞིན་དུ། ཚོར་བ་དང་། འདུ་ཤེས་དང་། འདུ་བྱེད་དང་། རྣམ་པར་ཤེས་པ་རྣམས་ཀྱང་དེ་ལྟར་བལྟའོ།རྣམ་པར་ཤེས་པ་ཡང་དག་པ་ཡིད་ལ་བྱས་ཤིང་རྣམ་པར་ཤེས་པ་མི་རྟག་པར་ཤེས་པར་ཡོངས་སུ་བལྟ་བ་བྱའོ།། དེ་ཅིའི་ཕྱིར་ཞེ་ན། རྣམ་པར་ཤེས་པ་ཡིད་ལ་བྱས་ཤིང་། རྣམ་པར་ཤེས་པ་མི་རྟག་པ་ཇི་ལྟ་བ་བཞིན་བལྟས་པས། རྣམ་པར་ཤེས་པ་ལ་འདོད་པ་ཡོངས་སུ་སྤང་བར་འགྱུར་རོ།། འདོད་པ་རྣམ་པར་སྤངས་བས་སེམས་གྲོལ་བ་ཞེས་བྱའོ།། དེ་ལྟར་སེམས་རྣམ་པར་གྲོལ་བའི་བདག་ཉིད་མངོན་པར་རྟོགས་པར་འདོད་པས་བདག་ཉིད་མངོན་པར་རྟོགས་པར་བྱ་སྟེ། བདག་གི་སྐྱེ་བ་ནི་ཟད། ཚངས་པ་སྤྱོད་པ་ནི་བསྒྲུབས། བྱ་བ་རྣམས་ནི་བྱས་སོ།། བདག་གིས་འབྱུང་བར་འགྱུར་བའི་སྐྱེ་བ་མི་ལེན་པ་ཡང་ཤེས་སོ།། དེའི་ཚེ་བཅོམ་ལྡན་འདས་ཀྱིས་དེ་སྐད་ཅེས་བཀའ་སྩལ་ནས། དགེ་སློང་དེ་དག་ཡི་རངས་ཏེ། བཅོམ་ལྡན་འདས་ཀྱི་གསུངས་པ་ལ་མངོན་པར་བསྟོད་དོ།།^p8
༼༣༽འདི་སྐད་བདག་གིས་ཐོས་པ་དུས་གཅིག་ན། བཅོམ་ལྡན་འདས་རྒྱལ་པོའི་ཁབ་རྒྱལ་བུ་རྒྱལ་བྱེད་ཀྱི་ཚལ་མགོན་མེད་ཟས་སྦྱིན་གྱི་ཀུན་དགའ་ར་བ་ན་བཞུགས་སོ།། དེའི་ཚེ། བཅོམ་ལྡན་འདས་ཀྱིས་དགེ་སློང་རྣམས་ལ་བཀའ་སྩལ་པ། དགེ་སློང་དག་འདི་ལྟ་སྟེ། གཟུགས་མ་ཤེས་པ་དང་། གཟུགས་མ་རྟོགས་པ་དང་། གཟུགས་མ་སྤངས་བ་དང་། གཟུགས་ལ་འདོད་པ་དང་མ་བྲལ་ན། སྡུག་བསྔལ་གཅོད་པར་མི་ནུས་སོ།། དེ་བཞིན་དུ་ཚོར་བ་དང་། འདུ་ཤེས་དང་། འདུ་བྱེད་དང་། རྣམ་པར་ཤེས་པ་རྣམས་མ་ཤེས་པ་དང་། མ་རྟོགས་པ་དང་། མ་སྤངས་བ་དང་། འདོད་པ་དང་མ་བྲལ་བས། སྡུག་བསྔལ་སྤོང་བར་མི་ནུས་སོ།། དགེ་སློང་དག་འདི་ལྟ་སྟེ། གཟུགས་ཡོངས་སུ་ཤེས་པ་དང་། གཟུགས་ཡོངས་སུ་རྟོགས་པ་དང་། གཟུགས་ཡོངས་སུ་སྤངས་བ་དང་། གཟུགས་ལ་འདོད་པ་རྣམ་པར་བྲལ་ན། སྡུག་བསྔལ་རྣམས་གཅོད་པར་ནུས་སོ།། དེ་བཞིན་དུ་ཚོར་བ་དང་། འདུ་ཤེས་དང་། འདུ་བྱེད་དང་། རྣམ་པར་ཤེས་པ་རྣམས་ཡོངས་སུ་ཤེས་པ་དང་། ཡོངས་སུ་རྟོགས་པ་དང་། ཡོངས་སུ་སྤངས་བ་དང་། འདོད་པ་དང་བྲལ་བར་གྱུར་ན། སྡུག་བསྔལ་ཐམས་ཅད་ཡོངས་སུ་སྤོང་བར་འགྱུར་རོ།། དེའི་ཚེ་བཅོམ་ལྡན་འདས་ཀྱིས་དེ་སྐད་ཅེས་བཀའ་སྩལ་ནས། དགེ་སློང་དེ་དག་ཡི་རངས་ཏེ། བཅོམ་ལྡན་འདས་ཀྱི་གསུངས་པ་ལ་མངོན་པར་བསྟོད་དོ།།^p9
༼༤༽འདི་སྐད་བདག་གིས་ཐོས་པ་དུས་གཅིག་ན། བཅོམ་ལྡན་འདས་རྒྱལ་པོའི་ཁབ་རྒྱལ་བུ་རྒྱལ་བྱེད་ཀྱི་ཚལ་མགོན་མེད་ཟས་སྦྱིན་གྱི་ཀུན་དགའ་ར་བ་ན་བཞུགས་སོ།། དེའི་ཚེ། བཅོམ་ལྡན་འདས་ཀྱིས་དགེ་སློང་རྣམས་ལ་བཀའ་སྩལ་པ། དགེ་སློང་དག་འདི་ལྟ་སྟེ། གཟུགས་ཡོངས་སུ་མ་ཤེས་པ་དང་། གཟུགས་ཡོངས་སུ་མ་རྟོགས་པ་དང་། གཟུགས་ཡོངས་སུ་མ་སྤངས་བ་དང་། གཟུགས་ལ་འདོད་པ་ཡོངས་སུ་མ་བྲལ་བས། སེམས་རྣམ་པར་གྲོལ་བར་མི་འགྱུར་རོ།། དེ་ལྟར་ན། སྐྱེ་བའི་འཇིགས་པ་དང་། རྒ་བའི་འཇིགས་པ་དང་། ན་བའི་འཇིགས་པ་དང་། འཆི་བའི་འཇིགས་པ་ལས་ཡོངས་སུ་བརྒལ་བར་མི་ནུས་སོ།། དེ་བཞིན་དུ། ཚོར་བ་དང་། འདུ་ཤེས་དང་། འདུ་བྱེད་དང་། རྣམ་པར་ཤེས་པ་རྣམས་ཡོངས་སུ་མ་ཤེས་པ་དང་། ཡོངས་སུ་མ་རྟོགས་པ་དང་། ཡོངས་སུ་མ་སྤངས་བ་དང་། འདོད་པ་ཡོངས་སུ་མ་བྲལ་བས། སེམས་རྣམ་པར་གྲོལ་བར་མི་འགྱུར་རོ།། དེ་ལྟར་ན། སྐྱེ་བའི་འཇིགས་པ་དང་། རྒ་བའི་འཇིགས་པ་དང་། ན་བའི་འཇིགས་པ་དང་། འཆི་བའི་འཇིགས་པ་ལས་ཡོངས་སུ་བརྒལ་བར་མི་ནུས་སོ།། དགེ་སློང་དག་འདི་ལྟ་སྟེ། གཟུགས་ཡོངས་སུ་ཤེས་པ་དང་། གཟུགས་ཡོངས་སུ་རྟོགས་པ་དང་། གཟུགས་ཡོངས་སུ་སྤངས་བ་དང་། གཟུགས་ལ་འདོད་པ་རྣམ་པར་བྲལ་བས་ན། སེམས་རྣམ་པར་གྲོལ་བར་འགྱུར་རོ།། དེ་ལྟར་ན། སྐྱེ་བའི་འཇིགས་པ་དང་། རྒ་བའི་འཇིགས་པ་དང་། ན་བའི་འཇིགས་པ་དང་། འཆི་བའི་འཇིགས་པ་ལས་ཡོངས་སུ་བརྒལ་བར་འགྱུར་རོ།། དེ་བཞིན་དུ། ཚོར་བ་དང་། འདུ་ཤེས་དང་། འདུ་བྱེད་དང་། རྣམ་པར་ཤེས་པ་རྣམས་ཡོངས་སུ་ཤེས་པ་དང་། ཡོངས་སུ་རྟོགས་པ་དང་། ཡོངས་སུ་སྤངས་བ་དང་། འདོད་པ་ཡོངས་སུ་བྲལ་བར་གྱུར་ན། སེམས་རྣམ་པར་གྲོལ་བར་འགྱུར་རོ།། དེ་ལྟར་ན། སྐྱེ་བའི་འཇིགས་པ་དང་། རྒ་བའི་འཇིགས་པ་དང་། ན་བའི་འཇིགས་པ་དང་། འཆི་བའི་འཇིགས་པ་ལས་ཡོངས་སུ་གྲོལ་བར་འགྱུར་རོ།། དེའི་ཚེ་བཅོམ་ལྡན་འདས་ཀྱིས་དེ་སྐད་ཅེས་བཀའ་སྩལ་ནས། དགེ་སློང་དེ་དག་ཡི་རངས་ཏེ། བཅོམ་ལྡན་འདས་ཀྱི་གསུངས་པ་ལ་མངོན་པར་བསྟོད་དོ།།^p10
༼༥༽འདི་སྐད་བདག་གིས་ཐོས་པ་དུས་གཅིག་ན། བཅོམ་ལྡན་འདས་རྒྱལ་པོའི་ཁབ་རྒྱལ་བུ་རྒྱལ་བྱེད་ཀྱི་ཚལ་མགོན་མེད་ཟས་སྦྱིན་གྱི་ཀུན་དགའ་ར་བ་ན་བཞུགས་སོ།། དེའི་ཚེ། བཅོམ་ལྡན་འདས་ཀྱིས་དགེ་སློང་རྣམས་ལ་བཀའ་སྩལ་པ། དགེ་སློང་དག་འདི་ལྟ་སྟེ། གཟུགས་ཡོངས་སུ་མ་ཤེས་པ་དང་། གཟུགས་ཡོངས་སུ་མ་རྟོགས་པ་དང་། འདོད་པ་ཡོངས་སུ་མ་བྲལ་བ་དང་། སེམས་ཡོངས་སུ་མ་གྲོལ་བས། སྡུག་བསྔལ་ཡོངས་སུ་སྤོང་བར་མི་ནུས་སོ།། དེ་བཞིན་དུ་ཚོར་བ་དང་། འདུ་ཤེས་དང་། འདུ་བྱེད་དང་། རྣམ་པར་ཤེས་པ་རྣམས་ཡོངས་སུ་མ་ཤེས་པ་དང་། ཡོངས་སུ་མ་རྟོགས་པ་དང་། འདོད་པ་ཡོངས་སུ་མ་སྤངས་བ་དང་། སེམས་ཡོངས་སུ་མ་གྲོལ་བས། སྡུག་བསྔལ་ཡོངས་སུ་སྤོང་བར་མི་ནུས་སོ།། དེ་ལྟར་ན། གཟུགས་ཡོངས་སུ་ཤེས་པ་དང་། གཟུགས་ཡོངས་སུ་རྟོགས་པ་དང་། འདོད་པ་ཡོངས་སུ་སྤངས་བ་དང་། སེམས་ཡོངས་སུ་གྲོལ་བས། སྡུག་བསྔལ་ཡོངས་སུ་སྤོང་བར་ནུས་སོ།། དེ་བཞིན་དུ་ཚོར་བ་དང་། འདུ་ཤེས་དང་། འདུ་བྱེད་དང་། རྣམ་པར་ཤེས་པ་རྣམས་ཡོངས་སུ་ཤེས་པ་དང་། ཡོངས་སུ་རྟོགས་པ་དང་། འདོད་པ་ཡོངས་སུ་སྤངས་བ་དང་། སེམས་ཡོངས་སུ་གྲོལ་བས། སྡུག་བསྔལ་ཡོངས་སུ་སྤོང་བར་ནུས་སོ།། དེའི་ཚེ་བཅོམ་ལྡན་འདས་ཀྱིས་དེ་སྐད་ཅེས་བཀའ་བསྩལ་ནས། དགེ་སློང་དེ་དག་ཡི་རངས་ཏེ། བཅོམ་ལྡན་འདས་ཀྱི་གསུངས་པ་ལ་མངོན་པར་བསྟོད་དོ།།^p11
༼༦༽འདི་སྐད་བདག་གིས་ཐོས་པ་དུས་གཅིག་ན། བཅོམ་ལྡན་འདས་རྒྱལ་པོའི་ཁབ་རྒྱལ་བུ་རྒྱལ་བྱེད་ཀྱི་ཚལ་མགོན་མེད་ཟས་སྦྱིན་གྱི་ཀུན་དགའ་ར་བ་ན་བཞུགས་སོ།། དེའི་ཚེ། བཅོམ་ལྡན་འདས་ཀྱིས་དགེ་སློང་རྣམས་ལ་བཀའ་སྩལ་པ། དགེ་སློང་དག་འདི་ལྟ་སྟེ། གཟུགས་ཡོངས་སུ་མ་ཤེས་པ་དང་། གཟུགས་ཡོངས་སུ་མ་རྟོགས་པ་དང་། འདོད་པ་ཡོངས་སུ་མ་སྤངས་བ་དང་། སེམས་ཡོངས་སུ་མ་གྲོལ་བས། སྐྱེ་བའི་འཇིགས་པ་དང་། རྒ་བའི་འཇིགས་པ་དང་། ན་བའི་འཇིགས་པ་དང་། འཆི་བའི་འཇིགས་པ་ལས་ཡོངས་སུ་བརྒལ་བར་མི་ནུས་སོ།། དེ་བཞིན་དུ་ཚོར་བ་དང་། འདུ་ཤེས་དང་། འདུ་བྱེད་དང་། རྣམ་པར་ཤེས་པ་རྣམས་ཡོངས་སུ་མ་ཤེས་པ་དང་། ཡོངས་སུ་མ་རྟོགས་པ་དང་། འདོད་པ་ཡོངས་སུ་མ་སྤངས་བ་དང་། སེམས་ཡོངས་སུ་མ་བྲལ་བས། སྐྱེ་བའི་འཇིགས་པ་དང་། རྒ་བའི་འཇིགས་པ་དང་། ན་བའི་འཇིགས་པ་དང་། འཆི་བའི་འཇིགས་པ་ལས་ཡོངས་སུ་བརྒལ་བར་མི་ནུས་སོ།། དགེ་སློང་དག་འདི་ལྟ་སྟེ། གཟུགས་ཡོངས་སུ་ཤེས་པ་དང་། ཡོངས་སུ་རྟོགས་པ་དང་། འདོད་པ་ཡོངས་སུ་སྤངས་བ་དང་། སེམས་ཡོངས་སུ་བྲལ་བས། སྐྱེ་བའི་འཇིགས་པ་དང་། རྒ་བའི་འཇིགས་པ་དང་། ན་བའི་འཇིགས་པ་དང་། འཆི་བའི་འཇིགས་པ་ལས་ཡོངས་སུ་བརྒལ་བར་མི་ནུས་སོ།། དེ་བཞིན་དུ་ཚོར་བ་དང་། འདུ་ཤེས་དང་། འདུ་བྱེད་དང་། རྣམ་པར་ཤེས་པ་རྣམས་ཡོངས་སུ་ཤེས་པ་དང་། ཡོངས་སུ་རྟོགས་པ་དང་། འདོད་པ་ཡོངས་སུ་སྤངས་བ་དང་། སེམས་ཡོངས་སུ་གྲོལ་བས། སྐྱེ་བའི་འཇིགས་པ་དང་། རྒ་བའི་འཇིགས་པ་དང་། ན་བའི་འཇིགས་པ་དང་། འཆི་བའི་འཇིགས་པ་ལས་ཡོངས་སུ་བརྒལ་བར་ནུས་སོ།། དེའི་ཚེ་བཅོམ་ལྡན་འདས་ཀྱིས་དེ་སྐད་ཅེས་བཀའ་སྩལ་ནས། དགེ་སློང་དེ་དག་ཡི་རངས་ཏེ་བཅོམ་ལྡན་འདས་ཀྱི་གསུངས་པ་ལ་མངོན་པར་བསྟོད་དོ།།^p12
༼༧༽འདི་སྐད་བདག་གིས་ཐོས་པ་དུས་གཅིག་ན། བཅོམ་ལྡན་འདས་རྒྱལ་པོའི་ཁབ་རྒྱལ་བུ་རྒྱལ་བྱེད་ཀྱི་ཚལ་མགོན་མེད་ཟས་སྦྱིན་གྱི་ཀུན་དགའ་ར་བ་ན་བཞུགས་སོ།། དེའི་ཚེ་བཅོམ་ལྡན་འདས་ཀྱིས་དགེ་སློང་རྣམས་ལ་བཀའ་སྩལ་པ། དགེ་སློང་དག་འདི་ལྟ་སྟེ། གཟུགས་ལ་དགའ་ཞིང་ཆགས་པས། སྡུག་བསྔལ་ལ་དགའ་ཞིང་ཆགས་པར་འགྱུར་རོ།། སྡུག་བསྔལ་ལ་དགའ་ཞིང་ཆགས་པས། སྡུག་བསྔལ་ལས་ཐར་བར་མི་འགྱུར་རོ།། དེ་བཞིན་དུ་ཚོར་བ་དང་། འདུ་ཤེས་དང་། འདུ་བྱེད་དང་། རྣམ་པར་ཤེས་པ་རྣམས་ལ་དགའ་ཞིང་ཆགས་པས། སྡུག་བསྔལ་ལ་དགའ་ཞིང་ཆགས་པར་འགྱུར་རོ།། སྡུག་བསྔལ་ལ་དགའ་ཞིང་ཆགས་པས། སྡུག་བསྔལ་ལས་ཐར་བར་མི་འགྱུར་རོ།། དགེ་སློང་དག་འདི་ལྟ་སྟེ། གཟུགས་ལ་མི་དགའ་ཞིང་མ་ཆགས་པས། སྡུག་བསྔལ་ལ་མི་དགའ་ཞིང་མ་ཆགས་པར་འགྱུར་རོ།། སྡུག་བསྔལ་ལ་མི་དགའ་ཞིང་མ་ཆགས་པས། སྡུག་བསྔལ་ལས་ཐར་བར་འགྱུར་རོ།། དེ་བཞིན་དུ་ཚོར་བ་དང་། འདུ་ཤེས་དང་། འདུ་བྱེད་དང་། རྣམ་པར་ཤེས་པ་རྣམས་ལ་མི་དགའ་ཞིང་མ་ཆགས་པས། སྡུག་བསྔལ་ལ་མི་དགའ་ཞིང་མ་ཆགས་པར་འགྱུར་རོ།། སྡུག་བསྔལ་ལ་མི་དགའ་ཞིང་མ་ཆགས་པས། སྡུག་བསྔལ་ལས་ཐར་བར་འགྱུར་རོ།། དེའི་ཚེ་བཅོམ་ལྡན་འདས་ཀྱིས་དེ་སྐད་ཅེས་བཀའ་སྩལ་ནས། དགེ་སློང་དེ་དག་ཡི་རངས་ཏེ། བཅོམ་ལྡན་འདས་ཀྱི་གསུངས་པ་ལ་མངོན་པར་བསྟོད་དོ།།^p13
མི་རྟག་སྡུག་བསྔལ་སྟོང་བདག་མེད།།^p14
ཡང་དག་ཡིད་ལ་བྱས་པ་ཡིན།།^p15
མ་ཤེས་ལ་སོགས་བཞི་པོ་དང་།།^p16
གཟུགས་ལ་དགའ་ཞིང་ཆགས་པའོ།།^p17
༼༨༽འདི་སྐད་བདག་གིས་ཐོས་པ་དུས་གཅིག་ན། བཅོམ་ལྡན་འདས་རྒྱལ་པོའི་ཁབ་རྒྱལ་བུ་རྒྱལ་བྱེད་ཀྱི་ཚལ་མགོན་མེད་ཟས་སྦྱིན་གྱི་ཀུན་དགའ་ར་བ་ན་བཞུགས་སོ།། དེའི་ཚེ་བཅོམ་ལྡན་འདས་ཀྱིས་དགེ་སློང་རྣམས་ལ་བཀའ་སྩལ་པ། དགེ་སློང་དག་འདི་ལྟ་སྟེ། འདས་པའི་གཟུགས་མི་རྟག་པ་དང་། མ་འོངས་པའི་གཟུགས་མི་རྟག་པར་གྱུར་ན། ད་ལྟའི་གཟུགས་མི་རྟག་པར་སྨོས་མ་དགོས་སོ།། ཉན་ཐོས་ཀྱི་སློབ་བུ་རྣམས་ཀྱིས་འདི་ལྟར་བལྟ་བར་བྱ་སྟེ། འདས་པའི་གཟུགས་ལ་མ་ཆགས་པ་དང་། མ་འོངས་པའི་གཟུགས་ལ་མི་དགའ་བས། ད་ལྟའི་གཟུགས་ལ་ངེས་པར་འབྱུང་བ་དང་། འདོད་པ་དང་བྲལ་བ་དང་། འགོག་པ་ལ་མངོན་པར་ཕྱོགས་པར་འགྱུར་རོ།། དེ་བཞིན་དུ་འདས་པ་དང་། མ་འོངས་པའི་ཚོར་བ་དང་། འདུ་ཤེས་དང་། འདུ་བྱེད་དང་། རྣམ་པར་ཤེས་པ་རྣམས་མི་རྟག་པར་གྱུར་ན། ད་ལྟ་བའི་རྣམ་པར་ཤེས་པ་སྨོས་མ་དགོས་སོ།། ཉན་ཐོས་ཀྱི་སློབ་བུ་རྣམས་ཀྱིས་འདི་ལྟར་བལྟ་བར་བྱ་སྟེ། འདས་པའི་རྣམ་པར་ཤེས་པ་ལ་མ་ཆགས་པ་དང་། མ་འོངས་པའི་རྣམ་པར་ཤེས་པ་ལ་མི་དགའ་བར་གྱུར་ན། ད་ལྟའི་རྣམ་པར་ཤེས་པ་ལ་ངེས་པར་འབྱུང་བ་དང་། འདོད་པ་དང་བྲལ་བ་དང་། འགོག་པ་ལ་མངོན་པར་ཕྱོགས་པར་འགྱུར་རོ།། མི་རྟག་པ་ཇི་བཞིན་དུ། སྡུག་བསྔལ་དང་། སྟོང་པ་དང་། བདག་མེད་པ་རྣམས་ཀྱང་དེ་བཞིན་ནོ།། དེའི་ཚེ་བཅོམ་ལྡན་འདས་ཀྱིས་དེ་སྐད་ཅེས་བཀའ་སྩལ་ནས། དགེ་སློང་དེ་དག་ཡི་རངས་ཏེ། བཅོམ་ལྡན་འདས་ཀྱི་གསུངས་པ་ལ་མངོན་པར་བསྟོད་དོ།།^p18
༼༩༽འདི་སྐད་བདག་གིས་ཐོས་པ་དུས་གཅིག་ན། བཅོམ་ལྡན་འདས་རྒྱལ་པོའི་ཁབ་རྒྱལ་བུ་རྒྱལ་བྱེད་ཀྱི་ཚལ་མགོན་མེད་ཟས་སྦྱིན་གྱི་ཀུན་དགའ་ར་བ་ན་བཞུགས་སོ།། དེའི་ཚེ་བཅོམ་ལྡན་འདས་ཀྱིས་དགེ་སློང་རྣམས་ལ་བཀའ་སྩལ་པ། དགེ་སློང་དག་འདི་ལྟ་སྟེ། གཟུགས་མི་རྟག་པའོ།། མི་རྟག་པ་ནི་སྡུག་བསྔལ་ལོ།། སྡུག་བསྔལ་ནི་བདག་མེད་པའོ།། བདག་མེད་པ་ནི་བདག་གི་བ་མེད་པའོ།། དེ་བཞིན་དུ་བལྟ་བ་ནི་ཡང་དག་པའི་ལྟ་བའོ།། དེ་བཞིན་དུ་ཚོར་བ་དང་། འདུ་ཤེས་དང་། འདུ་བྱེད་དང་། རྣམ་པར་ཤེས་པ་རྣམས་མི་རྟག་པའོ།། མི་རྟག་པ་ནི་སྡུག་བསྔལ་ལོ།། སྡུག་བསྔལ་ནི་བདག་མེད་པའོ།། བདག་མེད་པ་ནི་བདག་གི་བ་མེད་པའོ།། དེ་བཞིན་དུ་བལྟ་བ་ནི་ཡང་དག་པའི་ལྟ་བའོ།། ཉན་ཐོས་ཀྱི་སློབ་བུ་རྣམས་ཀྱིས་འདི་ལྟར་བལྟ་བར་བྱ་སྟེ། གཟུགས་ལ་ངེས་པར་འབྱུང་བར་བྱའོ།། དེ་བཞིན་དུ་ཚོར་བ་དང་། འདུ་ཤེས་དང་། འདུ་བྱེད་དང་། རྣམ་པར་ཤེས་པ་རྣམས་ལ་ངེས་པར་འབྱུང་བར་བྱའོ།། ངེས་པར་འབྱུང་བས་མི་དགའ་བར་འགྱུར་རོ།། མི་དགའ་བས་རྣམ་པར་གྲོལ་བར་འགྱུར་རོ།། རྣམ་པར་གྲོལ་བས་ཡང་དག་པའི་ཡེ་ཤེས་སྐྱེས་སོ།། བདག་གི་སྐྱེ་བ་ནི་ཟད། ཚངས་པར་སྤྱོད་པ་ནི་བསྒྲུབས། བྱ་བ་རྣམས་ནི་བྱས་སོ།། བདག་གི་འབྱུང་བར་འགྱུར་བའི་སྐྱེ་བ་མི་ལེན་པ་ཡང་ཤེས་སོ།།^p19
དེའི་ཚེ་བཅོམ་ལྡན་འདས་ཀྱིས་དེ་སྐད་ཅེས་བཀའ་སྩལ་ནས། དགེ་སློང་དེ་དག་ཡི་རངས་ཏེ། བཅོམ་ལྡན་འདས་ཀྱི་གསུངས་པ་ལ་མངོན་པར་བསྟོད་དོ།།^p20
༼༡༠༽འདི་སྐད་བདག་གིས་ཐོས་པ་དུས་གཅིག་ན། བཅོམ་ལྡན་འདས་རྒྱལ་པོའི་ཁབ་རྒྱལ་བུ་རྒྱལ་བྱེད་ཀྱི་ཚལ་མགོན་མེད་ཟས་སྦྱིན་གྱི་ཀུན་དགའ་ར་བ་ན་བཞུགས་སོ། དེའི་ཚེ་བཅོམ་ལྡན་འདས་ཀྱིས་དགེ་སློང་རྣམས་ལ་བཀའ་སྩལ་པ། དགེ་སློང་དག་འདི་ལྟ་སྟེ། གཟུགས་མི་རྟག་པའོ།། མི་རྟག་པ་ནི་སྡུག་བསྔལ་ལོ། སྡུག་བསྔལ་ནི་བདག་མེད་པའོ། བདག་མེད་པ་ནི་བདག་གི་བ་མེད་པའོ། དེ་བཞིན་དུ་བལྟ་བ་ནི་ཡང་དག་པའི་ལྟ་བའོ། དེ་བཞིན་དུ་ཚོར་བ་དང་། འདུ་ཤེས་དང་། འདུ་བྱེད་དང་། རྣམ་པར་ཤེས་པ་རྣམས་མི་རྟག་པའོ། མི་རྟག་པ་ནི་སྡུག་བསྔལ་ལོ། སྡུག་བསྔལ་ནི་བདག་མེད་པའོ། བདག་མེད་པ་ནི་བདག་གི་བ་མེད་པའོ།དེ་བཞིན་དུ་བལྟ་བ་ནི་ཡང་དག་པའི་ལྟ་བའོ། ཉན་ཐོས་ཀྱི་སློབ་བུ་རྣམས་ཀྱིས་འདི་ལྟར་བལྟ་བར་བྱ་སྟེ། གཟུགས་རྣམ་པར་གྲོལ་བས། ཚོར་བ་དང་། འདུ་ཤེས་དང་། འདུ་བྱེད་དང་། རྣམ་པར་ཤེས་པ་རྣམས་གྲོལ་བར་འགྱུར་རོ། དེ་བཞིན་དུ་སྐྱེ་བ་དང་། རྒ་བ་དང་། ན་བ་དང་། འཆི་བ་དང་། གདུང་བ་དང་། སྐྱོ་བ་དང་། སྡུག་བསྔལ་བ་དང་། ཉོན་མོངས་པ་རྣམས་ཀྱང་གྲོལ་བར་འགྱུར་རོ་ཞེས་བདག་གིས་སྨྲའོ།།་ཚེ་བཅོམ་ལྡན་འདས་ཀྱིས་དེ་སྐད་ཅེས་བཀའ་སྩལ་ནས། དགེ་སློང་དེ་དག་ཡི་རངས་ཏེ། བཅོམ་ལྡན་འདས་ཀྱི་གསུངས་པ་ལ་མངོན་པར་བསྟོད་དོ།།^p21
༼༡༡༽འདི་སྐད་བདག་གིས་ཐོས་པ་དུས་གཅིག་ན། བཅོམ་ལྡན་འདས་རྒྱལ་པོའི་ཁབ་རྒྱལ་བུ་རྒྱལ་བྱེད་ཀྱི་ཚལ་མགོན་མེད་ཟས་སྦྱིན་གྱི་ཀུན་དགའ་ར་བ་ན་བཞུགས་སོ། དེའི་ཚེ་བཅོམ་ལྡན་འདས་ཀྱིས་དགེ་སློང་རྣམས་ལ་བཀའ་སྩལ་པ། དགེ་སློང་དག་འདི་ལྟ་སྟེ། གཟུགས་མི་རྟག་པ་སྟེ། གཟུགས་རྣམས་རྒྱུ་དང་རྐྱེན་ལས་སྐྱེས་པས་དེ་ཡང་མི་རྟག་པའོ། མི་རྟག་པའི་རྒྱུ་དང་མི་རྟག་པའི་རྐྱེན་ལས་སྐྱེས་པའི་གཟུགས་རྣམས་ཅིའི་ཕྱིར་ན་རྟག་པར་འགྱུར་ཏེ་མི་འགྱུར་རོ། དེ་བཞིན་དུ་ཚོར་བ་དང་། འདུ་ཤེས་དང་། འདུ་བྱེད་དང་། རྣམ་པར་ཤེས་པ་རྣམས་ཀྱང་མི་རྟག་པའོ།། མི་རྟག་པའི་རྒྱུ་དང་མི་རྟག་པའི་རྐྱེན་ལས་སྐྱེས་པའི་རྣམ་པར་ཤེས་པ་རྣམས་ཅིའི་ཕྱིར་ན་རྟག་པར་འགྱུར་ཏེ་མི་འགྱུར་རོ། དགེ་སློང་དག ། གཟུགས་མི་རྟག་པ་དེ་བཞིན་དུ། ཚོར་བ་དང་། འདུ་ཤེས་དང་། འདུ་བྱེད་དང་། རྣམ་པར་ཤེས་པ་རྣམས་ཀྱང་མི་རྟག་པའོ། མི་རྟག་པ་ནི་སྡུག་བསྔལ་ལོ། སྡུག་བསྔལ་ནི་བདག་མེད་པའོ། བདག་མེད་པ་ནི་བདག་གི་བ་མེད་པའོ། ཉན་ཐོས་ཀྱི་སློབ་བུ་རྣམས་ཀྱིས་འདི་ལྟར་བལྟ་བར་བྱ་སྟེ། གཟུགས་ལ་ངེས་པར་འབྱུང་བ་དང་། དེ་བཞིན་དུ་ཚོར་བ་དང་། འདུ་ཤེས་དང་། འདུ་བྱེད་དང་། རྣམ་པར་ཤེས་པ་རྣམས་ལ་ངེས་པར་འབྱུང་བར་བྱའོ། ངེས་པར་འབྱུང་བས། དགའ་བར་མི་འགྱུར་རོ། མི་དགའ་བས། རྣམ་པར་གྲོལ་བར་འགྱུར་རོ། རྣམ་པར་གྲོལ་བས། འདི་ལྟར་མངོན་པར་རྟོགས་པར་བྱ་སྟེ། བདག་གི་སྐྱེ་བ་ནི་ཟད། ཚངས་པར་སྤྱོད་པ་ནི་བསྒྲུབས། བྱ་བ་རྣམས་ནི་བྱས་སོ། བདག་གི་འབྱུང་བར་འགྱུར་བའི་སྐྱེ་བ་མི་ལེན་པ་ཡང་ཤེས་སོ། དེའི་ཚེ་བཅོམ་ལྡན་འདས་ཀྱིས་དེ་སྐད་ཅེས་བཀའ་སྩལ་ནས། དགེ་སློང་དེ་དག་ཡི་རངས་ཏེ། བཅོམ་ལྡན་འདས་ཀྱི་གསུངས་པ་ལ་མངོན་པར་བསྟོད་དོ།།^p22
༼༡༢༽འདི་སྐད་བདག་གིས་ཐོས་པ་དུས་གཅིག་ན། བཅོམ་ལྡན་འདས་རྒྱལ་པོའི་ཁབ་རྒྱལ་བུ་རྒྱལ་བྱེད་ཀྱི་ཚལ་མགོན་མེད་ཟས་སྦྱིན་གྱི་ཀུན་དགའ་ར་བ་ན་བཞུགས་སོ། དེའི་ཚེ་བཅོམ་ལྡན་འདས་ཀྱིས་དགེ་སློང་རྣམས་ལ་བཀའ་སྩལ་པ། དགེ་སློང་དག་འདི་ལྟ་སྟེ། གཟུགས་མི་རྟག་པ་སྟེ། གཟུགས་རྣམས་རྒྱུ་དང་རྐྱེན་ལས་སྐྱེས་པས་དེ་ཡང་མི་རྟག་པའོ། མི་རྟག་པའི་རྒྱུ་དང་མི་རྟག་པའི་རྐྱེན་ལས་སྐྱེས་པའི་གཟུགས་རྣམས་ཅིའི་ཕྱིར་ན་རྟག་པར་འགྱུར་ཏེ་མི་འགྱུར་རོ། དེ་བཞིན་དུ་ཚོར་བ་དང་། འདུ་ཤེས་དང་། འདུ་བྱེད་དང་། རྣམ་པར་ཤེས་པ་རྣམས་ཀྱང་མི་རྟག་པའོ། མི་རྟག་པའི་རྒྱུ་དང་མི་རྟག་པའི་རྐྱེན་ལས་སྐྱེས་པའི་རྣམ་པར་ཤེས་པ་རྣམས་ཅིའི་ཕྱིར་ན་རྟག་པར་འགྱུར་ཏེ་མི་འགྱུར་རོ། དགེ་སློང་དག ། གཟུགས་མི་རྟག་པ་དེ་བཞིན་དུ། ཚོར་བ་དང་། འདུ་ཤེས་དང་། འདུ་བྱེད་དང་། རྣམ་པར་ཤེས་པ་རྣམས་ཀྱང་མི་རྟག་པའོ།མི་རྟག་པ་ནི་སྡུག་བསྔལ་ལོ། སྡུག་བསྔལ་ནི་བདག་མེད་པའོ།བདག་མེད་པ་ནི་བདག་གི་བ་མེད་པའོ། དེ་བཞིན་དུ་བལྟ་བ་ནི། ཡང་དག་པའི་ལྟ་བའོ། ཉན་ཐོས་ཀྱི་སློབ་བུ་རྣམས་ཀྱིས་འདི་ལྟར་བལྟ་བར་བྱ་སྟེ། གཟུགས་རྣམ་པར་གྲོལ་བས། ཚོར་བ་དང་། འདུ་ཤེས་དང་། འདུ་བྱེད་དང་། རྣམ་པར་ཤེས་པ་རྣམས་གྲོལ་བར་འགྱུར་རོ། དེ་བཞིན་དུ་སྐྱེ་བ་དང་། རྒ་བ་དང་། ན་བ་དང་། འཆི་བ་དང་། གདུང་བ་དང་། སྐྱོ་བ་དང་། སྡུག་བསྔལ་བ་དང་། ཉོན་མོངས་པ་རྣམས་ཀྱང་གྲོལ་བར་འགྱུར་རོ་ཞེས་བདག་གིས་སྨྲའོ། དེའི་ཚེ་བཅོམ་ལྡན་འདས་ཀྱིས་དེ་སྐད་ཅེས་བཀའ་སྩལ་ནས། དགེ་སློང་དེ་དག་ཡི་རངས་ཏེ། བཅོམ་ལྡན་འདས་ཀྱི་གསུངས་པ་ལ་མངོན་པར་བསྟོད་དོ།།^p23
༼༡༣༽འདི་སྐད་བདག་གིས་ཐོས་པ་དུས་གཅིག་ན། བཅོམ་ལྡན་འདས་རྒྱལ་པོའི་ཁབ་རྒྱལ་བུ་རྒྱལ་བྱེད་ཀྱི་ཚལ་མགོན་མེད་ཟས་སྦྱིན་གྱི་ཀུན་དགའ་ར་བ་ན་བཞུགས་སོ། དེའི་ཚེ་བཅོམ་ལྡན་འདས་ཀྱིས་དགེ་སློང་རྣམས་ལ་བཀའ་སྩལ་པ། དགེ་སློང་དག་འདི་ལྟ་སྟེ། སེམས་ཅན་རྣམས་གཟུགས་ཀྱི་རོ་ལ་མངོན་པར་མ་ཆགས་ན། གཟུགས་ཀྱིས་གོས་པ་མི་འགྱུར་རོ། འོན་ཀྱང་། སེམས་ཅན་དེ་དག་གཟུགས་ཀྱི་རོ་ལ་ཆགས་པའི་ཕྱིར། དེས་གོས་པ་འགྱུར་རོ། དེ་བཞིན་དུ། སེམས་ཅན་རྣམས་ཚོར་བ་དང་། འདུ་ཤེས་དང་། འདུ་བྱེད་དང་། རྣམ་པར་ཤེས་པ་ལ་མ་ཆགས་ན། སེམས་ཅན་དེ་དག་རྣམ་པར་ཤེས་པས་གོས་པ་མི་འགྱུར་རོ། འོན་ཀྱང་། སེམས་ཅན་དེ་དག་ཚོར་བ་དང་། འདུ་ཤེས་དང་། འདུ་བྱེད་དང་། རྣམ་པར་ཤེས་པ་རྣམས་ཀྱི་རོ་ལ་ཆགས་པའི་ཕྱིར། སེམས་ཅན་དེ་དག་རྣམ་པར་ཤེས་པས་གོས་པ་འགྱུར་རོ། དགེ་སློང་དག ། འདི་ལྟ་སྟེ། སེམས་ཅན་རྣམས་ལ་གཟུགས་ཀྱི་སྐྱོན་དུ་མ་གྱུར་ན། སེམས་ཅན་དེ་དག་གཟུགས་ལས་ངེས་པར་འབྱུང་བར་མི་རིགས་ན་ཡང་། སེམས་ཅན་དེ་དག་ལ་སྐྱོན་དུ་གྱུར་བའི་ཕྱིར། སེམས་ཅན་དེ་དག་གཟུགས་ལས་ངེས་པར་འབྱུང་བར་བྱའོ། དེ་བཞིན་དུ། སེམས་ཅན་རྣམས་ལ་ཚོར་བ་དང་། འདུ་ཤེས་དང་། འདུ་བྱེད་དང་། རྣམ་པར་ཤེས་པ་རྣམས་ཀྱི་སྐྱོན་དུ་མ་གྱུར་ན། སེམས་ཅན་དེ་དག་ངེས་པར་འབྱུང་བར་མི་རིགས་ན་ཡང་། སེམས་ཅན་དེ་དག་ལ་ཚོར་བ་དང་། འདུ་ཤེས་དང་། འདུ་བྱེད་དང་། རྣམ་པར་ཤེས་པ་རྣམས་ཀྱི་སྐྱོན་དུ་གྱུར་བའི་ཕྱིར། སེམས་ཅན་དེ་དག་རྣམ་པར་ཤེས་པ་ལས་ངེས་པར་འབྱུང་བར་བྱའོ། དགེ་སློང་དག ། འདི་ལྟ་སྟེ། སེམས་ཅན་རྣམས་ལ་གཟུགས་ལས་ངེས་པར་འབྱུང་བ་མེད་ན། སེམས་ཅན་དེ་དག་གཟུགས་ལས་ངེས་པར་འབྱུང་བར་མི་རིགས་ན་ཡང་། སེམས་ཅན་རྣམས་གཟུགས་ལས་ངེས་པར་འབྱུང་བའི་ཕྱིར། སེམས་ཅན་དེ་དག་གཟུགས་ལས་ངེས་པར་འབྱུང་བར་བྱའོ། དེ་བཞིན་དུ། སེམས་ཅན་རྣམས་ཚོར་བ་དང་། འདུ་ཤེས་དང་། འདུ་བྱེད་དང་། རྣམ་པར་ཤེས་པ་ལས་ངེས་པར་འབྱུང་བ་མེད་ན། སེམས་ཅན་དེ་དག་རྣམ་པར་ཤེས་པ་ལས་ངེས་པར་འབྱུང་བ་མི་རིགས་ན་ཡང་། སེམས་ཅན་རྣམས་ཚོར་བ་དང་། འདུ་ཤེས་དང་། འདུ་བྱེད་དང་། རྣམ་པར་ཤེས་པ་རྣམས་ལས་ངེས་པར་འབྱུང་བ་ཡོད་པའི་ཕྱིར། སེམས་ཅན་དེ་དག་རྣམ་པར་ཤེས་པ་ལས་ངེས་པར་འབྱུང་བར་བྱའོ། དགེ་སློང་དག ། བདག་གིས་ཕུང་པོ་ལྔ་ཡི་རོ་ལ་རོ་རུ་ཆགས་པ་དང་། སྐྱོན་ལ་སྐྱོན་དུ་བལྟ་བ་དང་། ངེས་པར་འབྱུང་བར་ངེས་པར་འབྱུང་བར་དུ་ཡང་དག་པར་ཇི་ལྟར་བ་བཞིན་དུ་མ་ཤེས་ན། འདོད་པའི་ལྷ་རྣམས་དང་། བདུད་རྣམས་དང་། ཚངས་པ་དང་། དགེ་སྦྱོང་དང་། བྲམ་ཟེ་དང་གཞན་པའི་ལྷ་དང་མི་རྣམས་ཀྱི་ནང་ནས་རྣམ་པར་གྲོལ་བ་དང་། ངེས་པར་འབྱུང་བ་དང་། འདོད་པ་དང་བྲལ་བར་མི་འགྱུར་ཞིང་། རྟག་ཏུ་ཕྱིན་ཅི་ལོག་ལ་གནས་པར་འགྱུར་རོ། དེ་ལྟར་ན། བདག་གིས་ཡང་དག་པར་རྫོགས་པའི་བྱང་ཆུབ་ཐོབ་པར་མི་འགྱུར་རོ། དགེ་སློང་དག། བདག་གིས་ཕུང་པོ་ལྔ་ཡི་རོ་ལ་རོ་རུ་ཆགས་པ་དང་། སྐྱོན་ལ་སྐྱོན་དུ་བལྟ་བ་དང་། ངེས་པར་འབྱུང་བ་ལ་ངེས་པར་འབྱུང་བ་ཇི་ལྟར་བ་བཞིན་དུ་ཡོངས་སུ་ཤེས་པས། འདོད་པའི་ལྷ་རྣམས་དང། བདུད་རྣམས་དང་། ཚངས་པ་དང་། དགེ་སྦྱོང་དང་། བྲམ་ཟེ་དང་གཞན་པའི་ལྷ་དང་མི་རྣམས་ཀྱི་ནང་ནས་རྣམ་པར་གྲོལ་བ་དང་། ངེས་པར་འབྱུང་བ་དང་། འདོད་པ་དང་བྲལ་བར་གྱུར་བས། མདུད་པ་ཐམས་ཅད་ལས་གྲོལ་བ་གྱུར་ཅིང་དུས་རྟག་ཏུ་ཕྱིན་ཅི་ལོག་ལ་གནས་པར་མི་འགྱུར་རོ། དེ་ལྟར་ན། བདག་གིས་ཡང་དག་པར་རྫོགས་པའི་བྱང་ཆུབ་ཐོབ་པར་འགྱུར་རོ། དེའི་ཚེ་བཅོམ་ལྡན་འདས་ཀྱིས་དེ་སྐད་ཅེས་བཀའ་སྩལ་ནས་དགེ་སློང་དེ་དག་ཡི་རངས་ཏེ་བཅོམ་ལྡན་འདས་ཀྱི་གསུངས་པ་ལ་མངོན་པར་བསྟོད་དོ།།^p24
༼༡༤༽འདི་སྐད་བདག་གིས་ཐོས་པ་དུས་གཅིག་ན། བཅོམ་ལྡན་འདས་རྒྱལ་པོའི་ཁབ་རྒྱལ་བུ་རྒྱལ་བྱེད་ཀྱི་ཚལ་མགོན་མེད་ཟས་སྦྱིན་གྱི་ཀུན་དགའ་ར་བ་ན་བཞུགས་སོ། དེའི་ཚེ་བཅོམ་ལྡན་འདས་ཀྱིས་དགེ་སློང་རྣམས་ལ་བཀའ་སྩལ་པ། དགེ་སློང་དག་འདི་ལྟ་སྟེ། སྔོན་བདག་གིས་གཟུགས་ཀྱི་རོ་ལ་དོན་དུ་གཉེར་བ་དང་། རྣམ་པར་སྤྱོད་པ་དང་། གཟུགས་ཀྱི་རོ་ལ་རྗེས་སུ་རྟོགས་པས། ཡང་དག་པའི་ཤེས་རབ་ཀྱིས་གཟུགས་ཀྱི་རོ་ཇི་ལྟར་བ་བཞིན་དུ་མཐོང་ངོ། དེ་བཞིན་དུ་ཚོར་བ་དང་། འདུ་ཤེས་དང་། འདུ་བྱེད་དང་། རྣམ་པར་ཤེས་པའི་རོ་ལ་དོན་དུ་གཉེར་བ་དང་། རྣམ་པར་སྤྱོད་པ་དང་། ཚོར་བ་དང་། འདུ་ཤེས་དང་། འདུ་བྱེད་དང་། རྣམ་པར་ཤེས་པའི་རོ་ལ་རྗེས་སུ་རྟོགས་པས། ཡང་དག་པའི་ཤེས་རབ་ཀྱིས་རྣམ་པར་ཤེས་པའི་རོ་ཇི་ལྟར་བ་བཞིན་དུ་མཐོང་ངོ། དགེ་སློང་དག ། སྔོན་བདག་གིས་གཟུགས་ཀྱི་སྐྱོན་ལ་དོན་དུ་གཉེར་བ་དང་། རྣམ་པར་སྤྱོད་པ་དང་། གཟུགས་ཀྱི་སྐྱོན་ལ་རྗེས་སུ་རྟོགས་པས། ཡང་དག་པའི་ཤེས་རབ་ཀྱིས་གཟུགས་ཀྱི་སྐྱོན་ཇི་ལྟར་བ་བཞིན་དུ་མཐོང་ངོ། དེ་བཞིན་དུ་ཚོར་བ་དང་། འདུ་ཤེས་དང་། འདུ་བྱེད་དང་། རྣམ་པར་ཤེས་པའི་སྐྱོན་ལ་དོན་དུ་གཉེར་བ་དང་། རྣམ་པར་སྤྱོད་པ་དང་། རྣམ་པར་ཤེས་པའི་སྐྱོན་ལ་རྗེས་སུ་རྟོགས་པས། ཡང་དག་པའི་ཤེས་རབ་ཀྱིས་རྣམ་པར་ཤེས་པའི་སྐྱོན་ལ་ཇི་ལྟར་བ་བཞིན་དུ་མཐོང་ངོ། དགེ་སློང་དག ། བདག་གིས་གཟུགས་རྣམ་པར་བྲལ་བ་ལ་དོན་དུ་གཉེར་བ་དང་། རྣམ་པར་སྤྱོད་པ་དང་། གཟུགས་རྣམ་པར་བྲལ་བ་ལ་རྗེས་སུ་རྟོགས་པས། ཡང་དག་པའི་ཤེས་རབ་ཀྱིས་གཟུགས་རྣམ་པར་བྲལ་བ་ཇི་ལྟར་བ་བཞིན་དུ་མཐོང་ངོ། དེ་བཞིན་དུ་ཚོར་བ་དང་། འདུ་ཤེས་དང་། འདུ་བྱེད་དང་། རྣམ་པར་ཤེས་པ་རྣམས་རྣམ་པར་བྲལ་བ་ལ་དོན་དུ་གཉེར་བ་དང་། རྣམ་པར་སྤྱོད་པ་དང་། ཚོར་བ་དང་། འདུ་ཤེས་དང་། འདུ་བྱེད་དང་། རྣམ་པར་ཤེས་པ་རྣམས་རྣམ་པར་བྲལ་བ་ལ་རྗེས་སུ་རྟོགས་པས། ཡང་དག་པའི་ཤེས་རབ་ཀྱིས་ཚོར་བ་དང་། འདུ་ཤེས་དང་། འདུ་བྱེད་དང་། རྣམ་པར་ཤེས་པ་རྣམས་རྣམ་པར་བྲལ་བ་ཇི་ལྟར་བ་བཞིན་དུ་མཐོང་ངོ། དགེ་སློང་དག ། བདག་གིས་ཕུང་པོ་ལྔ་ཡི་རོ་ལ་རོ་རུ་ཆགས་པ་དང་། སྐྱོན་ལ་སྐྱོན་དུ་བལྟ་བ་དང་། ངེས་པར་འབྱུང་བར་ངེས་པར་འབྱུང་བར་དུ་ཡང་དག་པར་ཇི་ལྟར་བ་བཞིན་དུ་མ་ཤེས་ན། འདོད་པའི་ལྷ་རྣམས་དང་། བདུད་རྣམས་དང་། ཚངས་པ་དང་། དགེ་སྦྱོང་དང་། བྲམ་ཟེ་དང་གཞན་པའི་ལྷ་དང་མི་རྣམས་ཀྱི་ནང་ནས་རྣམ་པར་གྲོལ་བ་དང་། ངེས་པར་འབྱུང་བ་དང་། འདོད་པ་དང་བྲལ་བར་མི་འགྱུར་ཞིང་། རྟག་ཏུ་ཕྱིན་ཅི་ལོག་ལ་གནས་པར་འགྱུར་རོ། དེ་ལྟར་ན། བདག་གིས་ཡང་དག་པར་རྫོགས་པའི་བྱང་ཆུབ་ཐོབ་པར་མི་འགྱུར་རོ། དགེ་སློང་དག། བདག་གིས་ཕུང་པོ་ལྔ་ཡི་རོ་ལ་རོ་རུ་ཆགས་པ་དང་། སྐྱོན་ལ་སྐྱོན་དུ་བལྟ་བ་དང་། ངེས་པར་འབྱུང་བ་ལ་ངེས་པར་འབྱུང་བ་ཇི་ལྟར་བ་བཞིན་དུ་ཡོངས་སུ་ཤེས་པས། འདོད་པའི་ལྷ་རྣམས་དང། བདུད་རྣམས་དང་། ཚངས་པ་དང་། དགེ་སྦྱོང་དང་། བྲམ་ཟེ་དང་གཞན་པའི་ལྷ་དང་མི་རྣམས་ཀྱི་ནང་ནས་རྣམ་པར་གྲོལ་བ་དང་། ངེས་པར་འབྱུང་བ་དང་། འདོད་པ་དང་བྲལ་བར་གྱུར་བས། མདུད་པ་ཐམས་ཅད་ལས་གྲོལ་བ་གྱུར་ཅིང་། དུས་རྟག་ཏུ་ཕྱིན་ཅི་ལོག་ལ་གནས་པར་མི་འགྱུར་རོ། དེ་ལྟར་ན། བདག་གིས་ཡང་དག་པར་རྫོགས་པའི་བྱང་ཆུབ་ཐོབ་པར་འགྱུར་རོ། དེའི་ཚེ་བཅོམ་ལྡན་འདས་ཀྱིས་དེ་སྐད་ཅེས་བཀའ་སྩལ་ནས་དགེ་སློང་དེ་དག་ཡི་རངས་ཏེ་བཅོམ་ལྡན་འདས་ཀྱི་གསུངས་པ་ལ་མངོན་པར་བསྟོད་དོ།།^p25
འདས་དང་རྣམ་པ་བཞི་རུ་བཤད།།^p26
ངེས་པར་འབྱུང་དང་རྣམ་པར་གྲོལ།།^p27
རྒྱུ་རྐྱེན་གཉིས་སུ་བཤད་པ་སྟེ།།^p28
རོ་ཡང་རྣམ་པ་གཉིས་སུའོ།།^p29
༼༡༥༽འདི་སྐད་བདག་གིས་ཐོས་པ་དུས་གཅིག་ན། བཅོམ་ལྡན་འདས་རྒྱལ་པོའི་ཁབ་རྒྱལ་བུ་རྒྱལ་བྱེད་ཀྱི་ཚལ་མགོན་མེད་ཟས་སྦྱིན་གྱི་ཀུན་དགའ་ར་བ་ན་བཞུགས་སོ། དེའི་ཚེ་བཅོམ་ལྡན་འདས་ཀྱི་དྲུང་དུ་དགེ་སློང་གཅིག་འོངས་ནས་བཅོམ་ལྡན་འདས་ཀྱི་ཞབས་ལ་མགོ་བོས་རབ་ཏུ་ཕྱག་འཚལ་ཏེ་ཕྱོགས་གཅིག་ཏུ་འདུག་གོ། དེ་ནས་བཅོམ་ལྡན་འདས་ལ་དགེ་སློང་དེས་འདི་སྐད་དུ་གསོལ་ཏོ། ཨེ་མ་བཅོམ་ལྡན་འདས། ཆོས་ཀྱི་གནད་བསྡུས་པའི་སྒོ་ནས་བདག་ལ་བསྟན་དུ་གསོལ། བདག་གིས་ལེགས་པར་ཉན་ནས་དབེན་པའི་གནས་སུ་ཕྱོགས་གཅིག་ཏུ་བསྡད་ནས་བག་མེད་པ་སྤོང་བའི་སྒོ་ནས་སྒོམ་པར་བྱའོ།བག་མེད་པ་སྤངས་ནས་སླར་ཡང་འདི་ལྟར་ཡིད་ལ་བྱ་སྟེ། རིགས་ཀྱི་བུ་གང་ཞིག་རབ་ཏུ་བྱུང་ནས་སྐྲ་དང་ཁ་སྤུ་འབྲེག ། ལུས་ལ་ཆོས་གོས་གསོལ། ཁྱིམ་ལས་ཁྱིམ་མེད་པ་རབ་ཏུ་བྱུང་། བླ་ན་མེད་པའི་ཚངས་པར་སྤྱོད་པ་མཐར་ཕྱིན་པའི་ཆེད་དུ་ཆོས་རྣམས་ཀྱི་ཆོས་ཉིད་མངོན་སུམ་དུ་རྟོགས་པར་བྱ་སྟེ། བདག་གི་སྐྱེ་བ་ནི་ཟད། ཚངས་པ་སྤྱོད་པ་ནི་བསྒྲུབས། བྱ་བ་རྣམས་ནི་བྱས་སོ། བདག་གི་འབྱུང་བར་འགྱུར་བའི་སྐྱེ་བ་མི་ལེན་པ་ཡང་ཤེས་སོ། དེའི་ཚེ། བཅོམ་ལྡན་འདས་ཀྱིས་དགེ་སློང་དེ་ལ་བཀའ་སྩལ་པ། ལེགས་སོ། ལེགས་སོ།དགེ་སློང་ཁྱེད་ཀྱི་སྨྲས་པ་དེ་ཤིན་ཏུ་ལེགས་སོ། ཁྱེད་ཀྱིས་བདག་ལ་འདི་སྐད་དུ། ཆོས་ཀྱི་གནད་བསྡུས་པའི་སྒོ་ནས་བདག་ལ་བསྟན་དུ་གསོལ། བདག་གིས་ལེགས་པར་ཉན་ནས་དབེན་པའི་གནས་སུ་ཕྱོགས་གཅིག་ཏུ་བསྡད་ནས་བག་མེད་པ་སྤོང་བའི་སྒོ་ནས་སྒོམ་པར་བྱའོ། བག་མེད་པ་སྤངས་ནས་སླར་ཡང་འདི་ལྟར་ཡིད་ལ་བྱ་སྟེ། རིགས་ཀྱི་བུ་གང་ཞིག་རབ་ཏུ་བྱུང་ནས་སྐྲ་དང་ཁ་སྤུ་འབྲེག ། ལུས་ལ་ཆོས་གོས་གསོལ། ཁྱིམ་ལས་ཁྱིམ་མེད་པ་རབ་ཏུ་བྱུང་། བླ་ན་མེད་པའི་ཚངས་པར་སྤྱོད་པ་མཐར་ཕྱིན་པའི་ཆེད་དུ་ཆོས་རྣམས་ཀྱི་ཆོས་ཉིད་མངོན་སུམ་དུ་རྟོགས་པར་བྱ་སྟེ། བདག་གི་སྐྱེ་བ་ནི་ཟད། ཚངས་པ་སྤྱོད་པ་ནི་བསྒྲུབས། བྱ་བ་རྣམས་ནི་བྱས་སོ། བདག་གི་འབྱུང་བར་འགྱུར་བའི་སྐྱེ་བ་མི་ལེན་པ་ཡང་ཤེས་སོ་ཞེས་སྨྲས་པ་ཡིན་ནམ། དགེ་སློང་གིས་གསོལ་བ། བཅོམ་ལྡན་འདས། དེ་ལྟར་དུ་ལགས་སོ། དེ་ནས་བཅོམ་ལྡན་འདས་ཀྱིས་དགེ་སློང་དེ་ལ་བཀའ་སྩལ་པ། ལེགས་པར་ཉོན་ལ་ཡིད་ལ་ཟུངས་ཤིག་དང་ངས་ཁྱེད་ལ་བསྟན་པར་བྱའོ། དགེ་སློང་འདི་ལྟ་སྟེ། ཉོན་མོངས་པ་ལ་རྗེས་སུ་ཞུགས་པས། སྐྱེ་བ་ནས་འཆི་བའི་བར་དུ་རྗེས་སུ་ཞུགས་པར་འགྱུར་རོ། སྐྱེ་བ་ནས་འཆི་བའི་བར་དུ་རྗེས་སུ་ཞུགས་པས། ལེན་པ་ལས་ཀུན་ནས་འཆིང་བར་འགྱུར་རོ། དགེ་སློང་འདི་ལྟ་སྟེ། ཉོན་མོངས་པའི་རྗེས་སུ་མ་ཞུགས་པས། སྐྱེ་བ་ནས་འཆི་བའི་བར་དུ་ཉོན་མོངས་པའི་རྗེས་སུ་མི་ཞུགས་པར་འགྱུར་རོ། སྐྱེ་བ་ནས་འཆི་བའི་བར་དུ་ཉོན་མོངས་པའི་རྗེས་སུ་མ་ཞུགས་པས། ལེན་པ་ལས་ཡོངས་སུ་ཐར་བར་འགྱུར་རོ། དགེ་སློང་དེས་བཅོམ་ལྡན་འདས་ལ་གསོལ་བ། བཅོམ་ལྡན་འདས་ལགས་སོ། བདག་གིས་ཤེས་སོ། བདེ་བར་གཤེགས་པ་ལགས་སོ། བདག་གིས་ཤེས་སོ། དེ་ནས་བཅོམ་ལྡན་འདས་ཀྱིས་དགེ་སློང་ལ་བཀའ་སྩལ་པ། ངས་བསྡུས་པའི་སྒོ་ནས་བསྟན་པ་གང་ཡིན་པའི་དོན་དེ་ཁྱེད་ཀྱིས་སླར་ཡང་རྒྱས་པའི་ཚིག་གིས་སྟོན་ཅིག ། དགེ་སློང་དེས་གསོལ་བ། བཅོམ་ལྡན་འདས། གཟུགས་ལ་ཉོན་མོངས་པ་རྗེས་སུ་ཞུགས་པས། སྐྱེ་བ་ནས་འཆི་བའི་བར་དུ་གཟུགས་ལ་ཉོན་མོངས་པ་རྗེས་སུ་ཞུགས་པར་འགྱུར་རོ། ཉོན་མོངས་པ་རྗེས་སུ་ཞུགས་ཤིང་སྐྱེ་བ་ནས་ཤི་བའི་བར་དུ། ཉོན་མོངས་པ་རྗེས་སུ་ཞུགས་པས། ལེན་པ་ལས་ཀུན་ནས་འཆིང་བར་འགྱུར་རོ། དེ་བཞིན་དུ་ཚོར་བ་དང་། འདུ་ཤེས་དང་། འདུ་བྱེད་དང་། རྣམ་པར་ཤེས་པ་རྣམས་ལ་ཉོན་མོངས་པ་རྗེས་སུ་ཞུགས་ཤིང་སྐྱེ་བ་ནས་འཆི་བའི་བར་དུ་ཉོན་མོངས་པ་རྗེས་སུ་ཞུགས་པར་འགྱུར་རོ། ཉོན་མོངས་པ་རྗེས་སུ་ཞུགས་ཤིང་སྐྱེ་བ་ནས་ཤི་བའི་བར་དུ་ཉོན་མོངས་པ་རྗེས་སུ་ཞུགས་པས། ལེན་པ་ལས་ཀུན་ནས་འཆིང་བར་འགྱུར་རོ། བཅོམ་ལྡན་འདས། གཟུགས་ལ་ཉོན་མོངས་པ་རྗེས་སུ་མ་ཞུགས་ཤིང་སྐྱེ་བ་ནས་འཆི་བའི་བར་དུ་ཉོན་མོངས་པ་རྗེས་སུ་མ་ཞུགས་པར་འགྱུར་རོ། ཉོན་མོངས་པ་རྗེས་སུ་མ་ཞུགས་ཤིང་སྐྱེ་བ་ནས་འཆི་བའི་བར་དུ་ཉོན་མོངས་པ་རྗེས་སུ་མ་ཞུགས་པས། ལེན་པ་ལས་ཡོངས་སུ་ཐར་བར་འགྱུར་རོ། དེ་བཞིན་དུ་ཚོར་བ་དང་། འདུ་ཤེས་དང་། འདུ་བྱེད་དང་། རྣམ་པར་ཤེས་པ་རྣམས་ལ་ཉོན་མོངས་པ་རྗེས་སུ་མ་ཞུགས་ཤིང་སྐྱེ་བ་ནས་ཤི་བའི་བར་དུ་ཉོན་མོངས་པ་རྗེས་སུ་མ་ཞུགས་པས། ལེན་པ་ལས་ཡོངས་སུ་ཐར་བར་འགྱུར་རོ། དེ་ལྟར་བཅོམ་ལྡན་འདས་ཀྱིས་བསྡུས་པའི་སྒོ་ནས་གསུངས་པའི་དོན་སླར་ཡང་རྒྱས་པའི་ཚིག་གིས་བསྟན་པའོ། དེ་ནས་བཅོམ་ལྡན་འདས་ཀྱིས་དགེ་སློང་ལ་བཀའ་སྩལ་པ། ལེགས་སོ། ལེགས་སོ། དགེ་སློང་འདི་ལྟ་སྟེ། ཁྱེད་ཀྱིས་ངས་བསྡུས་པའི་སྒོ་ནས་བསྟན་པའི་དོན་དེ་རྒྱས་པའི་ཚིག་གིས་ལེགས་པར་སྨྲས་པའོ། དེ་ཅིའི་ཕྱིར་ཞེ་ན། གཟུགས་ལ་ཉོན་མོངས་པ་རྗེས་སུ་ཞུགས་པས། སྐྱེ་བ་ནས་འཆི་བའི་བར་དུ་ཉོན་མོངས་པ་ཞུགས་པར་འགྱུར་རོ། ཉོན་མོངས་པ་རྗེས་སུ་ཞུགས་ཤིང་སྐྱེ་བ་ནས་འཆི་བའི་བར་དུ། ཉོན་མོངས་པ་རྗེས་སུ་ཞུགས་པས། ལེན་པ་ལས་ཀུན་ནས་འཆིང་བར་འགྱུར་རོ།། དེ་བཞིན་དུ་ཚོར་བ་དང་། འདུ་ཤེས་དང་། འདུ་བྱེད་དང་། རྣམ་པར་ཤེས་པ་རྣམས་ལ་ཉོན་མོངས་པ་རྗེས་སུ་ཞུགས་པས། སྐྱེ་བ་ནས་འཆི་བའི་བར་དུ་ཉོན་མོངས་པ་རྗེས་སུ་ཞུགས་པར་འགྱུར་རོ།ཉོན་མོངས་པ་རྗེས་སུ་ཞུགས་ཤིང་སྐྱེ་བ་ནས་འཆི་བའི་བར་དུ། ཉོན་མོངས་པ་རྗེས་སུ་ཞུགས་པས། ལེན་པ་ལས་ཀུན་ནས་འཆིང་བར་འགྱུར་རོ། དགེ་སློང་འདི་ལྟ་སྟེ། གཟུགས་ལ་ཉོན་མོངས་པ་རྗེས་སུ་མ་ཞུགས་པས། སྐྱེ་བ་ནས་འཆི་བའི་བར་དུ་ཉོན་མོངས་པ་ཞུགས་པར་མི་འགྱུར་རོ། ཉོན་མོངས་པ་རྗེས་སུ་མ་ཞུགས་ཤིང་སྐྱེ་བ་ནས་འཆི་བའི་བར་དུ་ཉོན་མོངས་པ་རྗེས་སུ་མ་ཞུགས་པས། ལེན་པ་ལས་ཡོངས་སུ་ཐར་བར་འགྱུར་རོ།། དེ་བཞིན་དུ་ཚོར་བ་དང་། འདུ་ཤེས་དང་། འདུ་བྱེད་དང་། རྣམ་པར་ཤེས་པ་རྣམས་ཉོན་མོངས་པ་ལ་རྗེས་སུ་མ་ཞུགས་པས། སྐྱེ་བ་ནས་འཆི་བའི་བར་དུ་ཉོན་མོངས་པ་རྗེས་སུ་ཞུགས་པར་མི་འགྱུར་རོ། ཉོན་མོངས་པ་རྗེས་སུ་མ་ཞུགས་ཤིང་སྐྱེ་བ་ནས་འཆི་བའི་བར་དུ་ཉོན་མོངས་པ་རྗེས་སུ་མ་ཞུགས་པས། ལེན་པ་ལས་ཡོངས་སུ་ཐར་བར་འགྱུར་རོ། དེའི་ཚེ་དགེ་སློང་འདིས་བཅོམ་ལྡན་འདས་ཀྱིས་བཀའ་སྩལ་པ་ཐོས་ནས་རྗེས་སུ་ཡི་རངས་སྟེ་སེམས་དགའ་བ་ཆེན་པོས་བཅོམ་ལྡན་འདས་ཀྱི་ཞབས་ལ་མགོ་བོས་རབ་ཏུ་ཕྱག་འཚལ་ནས་སོང་ངོ། དེ་ནས་དགེ་སློང་དེ་དབེན་པའི་གནས་སུ་རང་ཉིད་གཅིག་པུ་བག་མེེད་པ་ཡོངས་སུ་སྤངས་ནས་རྩེ་གཅིག་ཏུ་སྒོམ་པར་བྱས་པའོ། བག་མེད་པ་ཡོངས་སུ་སྤངས་ནས་རྩེ་གཅིག་ཏུ་སྒོམ་པར་བྱས་པས། ཡིད་ལ་འདི་ལྟར་བྱས་པ་སྟེ། རིགས་ཀྱི་བུ་གང་ཞིག་རབ་ཏུ་བྱུང་ནས་སྐྲ་དང་ཁ་སྤུ་འབྲེག ། ལུས་ལ་ཆོས་གོས་གསོལ། ཁྱིམ་ལས་ཁྱིམ་མེད་པ་རབ་ཏུ་བྱུང་། བླ་ན་མེད་པའི་ཚངས་པར་སྤྱོད་པ་མཐར་ཕྱིན་པའི་ཆེད་དུ་ཆོས་རྣམས་ཀྱི་ཆོས་ཉིད་མངོན་སུམ་དུ་རྟོགས་པར་བྱ་སྟེ། བདག་གི་སྐྱེ་བ་ནི་ཟད། ཚངས་པ་སྤྱོད་པ་ནི་བསྒྲུབས། བྱ་བ་རྣམས་ནི་བྱས་སོ། བདག་གི་འབྱུང་བར་འགྱུར་བའི་སྐྱེ་བ་མི་ལེན་པ་ཡང་ཤེས་སོ། དེའི་ཚེ། དགེ་སློང་དེ་དགྲ་བཅོམ་པའི་གོ་འཕང་ཐོབ་སྟེ་སེམས་རྣམ་པར་གྲོལ་བར་གྱུར་ཏོ།།^p30
༼༡༦༽འདི་སྐད་བདག་གིས་ཐོས་པ་དུས་གཅིག་ན། བཅོམ་ལྡན་འདས་རྒྱལ་པོའི་ཁབ་རྒྱལ་བུ་རྒྱལ་བྱེད་ཀྱི་ཚལ་མགོན་མེད་ཟས་སྦྱིན་གྱི་ཀུན་དགའ་ར་བ་ན་བཞུགས་སོ། དེའི་ཚེ། དགེ་སློང་ཞིག་བཅོམ་ལྡན་འདས་ཀྱི་དྲུང་དུ་འོངས་ནས་གོང་ལྟར་དུ་དྲི་བ་རྣམས་བསྡུས་པར་བརྗོད་དོ། དེ་ལྟར་ནའང་། དེའི་ཁྱད་པར་ནི་འདི་ལྟ་སྟེ། ཉོན་མོངས་པ་རྗེས་སུ་ཞུགས་ཤིང་སྐྱེ་བ་ནས་འཆི་བའི་བར་དུ་ཉོན་མོངས་པ་རྗེས་སུ་ཞུགས་པས། འཁོར་བར་སྐྱེ་བའི་གྲངས་འཕེལ་བར་འགྱུར་རོ། ཉོན་མོངས་པ་རྗེས་སུ་མ་ཞུགས་ཤིང་སྐྱེ་བ་ནས་འཆི་བའི་བར་དུ་ཉོན་མོངས་པ་རྗེས་སུ་མ་ཞུགས་པས། འཁོར་བར་སྐྱེ་བའི་གྲངས་འཕེལ་བར་མི་འགྱུར་རོ། བཅོམ་ལྡན་འདས་ཀྱིས་དགེ་སློང་ལ་བཀའ་སྩལ་པ། དགེ་སློང་འདི་ལྟ་སྟེ། ཁྱེད་ཀྱིས་མདོ་བསྡུས་པའི་སྒོ་ནས་ངས་བསྟན་པ་གང་ཡིན་པའི་དོན་དེ་རྒྱས་པའི་ཚིག་གིས་སྟོན་ཅིག ། དགེ་སློང་དེས་བཅོམ་ལྡན་འདས་ལ་འདི་སྐད་ཀྱིས་གསོལ་ཏོ། བཅོམ་ལྡན་འདས། གཟུགས་ལ་ཉོན་མོངས་པ་རྗེས་སུ་ཞུགས་པས། སྐྱེ་བ་ནས་འཆི་བའི་བར་དུ་ཉོན་མོངས་པ་རྗེས་སུ་ཞུགས་པར་འགྱུར་རོ། ཉོན་མོངས་པ་རྗེས་སུ་ཞུགས་ཤིང་སྐྱེ་བ་ནས་འཆི་བའི་བར་དུ་ཉོན་མོངས་པ་རྗེས་སུ་ཞུགས་པས་འཁོར་བར་སྐྱེ་བའི་གྲངས་འཕེལ་བར་འགྱུར་རོ། དེ་བཞིན་དུ་ཚོར་བ་དང་། འདུ་ཤེས་དང་། འདུ་བྱེད་དང་། རྣམ་པར་ཤེས་པ་རྣམས་ལ་ཉོན་མོངས་པ་རྗེས་སུ་ཞུགས་པས། སྐྱེ་བ་ནས་འཆི་བའི་བར་དུ་ཉོན་མོངས་པ་རྗེས་སུ་ཞུགས་པར་འགྱུར་རོ།ཉོན་མོངས་པ་རྗེས་སུ་ཞུགས་ཤིང་སྐྱེ་བ་ནས་འཆི་བའི་བར་དུ་ཉོན་མོངས་པ་རྗེས་སུ་ཞུགས་པས། འཁོར་བར་སྐྱེས་པའི་གྲངས་འཕེལ་བར་འགྱུར་རོ། བཅོམ་ལྡན་འདས། གཟུགས་ལ་ཉོན་མོངས་པ་རྗེས་སུ་མ་ཞུགས་པས། སྐྱེ་བ་ནས་འཆི་བའི་བར་དུ་ཉོན་མོངས་པ་རྗེས་སུ་ཞུགས་པར་མི་འགྱུར་རོ། ཉོན་མོངས་པ་རྗེས་སུ་མ་ཞུགས་ཤིང་སྐྱེ་བ་ནས་འཆི་བའི་བར་དུ་ཉོན་མོངས་པ་རྗེས་སུ་མ་ཞུགས་པས། འཁོར་བར་སྐྱེ་བའི་གྲངས་འཕེལ་བར་མི་འགྱུར་རོ། དེ་བཞིན་དུ་ཚོར་བ་དང་། འདུ་ཤེས་དང་། འདུ་བྱེད་དང་། རྣམ་པར་ཤེས་པ་རྣམས་ལ་ཉོན་མོངས་པ་རྗེས་སུ་མ་ཞུགས་པས། སྐྱེ་བ་ནས་འཆི་བའི་བར་དུ་ཉོན་མོངས་པ་རྗེས་སུ་ཞུགས་པར་མི་འགྱུར་རོ། ཉོན་མོངས་པ་རྗེས་སུ་མ་ཞུགས་ཤིང་སྐྱེ་བ་ནས་འཆི་བའི་བར་དུ་ཉོན་མོངས་པ་རྗེས་སུ་མ་ཞུགས་པས། འཁོར་བར་སྐྱེ་བའི་གྲངས་འཕེལ་བར་མི་འགྱུར་རོ། དེ་བཞིན་དུ་བཅོམ་ལྡན་འདས། བདག་གིས་དོན་བསྡུས་པའི་སྒོ་ནས་ཉིད་ཀྱིས་གསུངས་པའི་དོན་རྒྱས་པར་སྨྲས་པའོ། ཞེས་པ་ནས་དགྲ་བཅོམ་པའི་གོ་འཕང་ཐོབ་སྟེ་སེམས་རྣམ་པར་གྲོལ་བའི་བར་དུའོ།།^p31
༼༡༧༽འདི་སྐད་བདག་གིས་ཐོས་པ་དུས་གཅིག་ན། བཅོམ་ལྡན་འདས་རྒྱལ་པོའི་ཁབ་རྒྱལ་བུ་རྒྱལ་བྱེད་ཀྱི་ཚལ་མགོན་མེད་ཟས་སྦྱིན་གྱི་ཀུན་དགའ་ར་བ་ན་བཞུགས་སོ། དེའི་ཚེ། དགེ་སློང་གཅིག་སྟན་ནས་ལངས་ཏེ་ཆོས་གོས་ཕྲག་པ་གཡས་སུ་གཟར་ནས་བཅོམ་ལྡན་འདས་ག་ལ་བར་དེར་ལོགས་སུ་ཐལ་མོ་སྦྱར་བར་བཏུད་ནས་བཅོམ་ལྡན་འདས་ལ་འདི་སྐད་དུ་གསོལ་ཏོ། ལེགས་སོ། བཙུན་པ་བཅོམ་ལྡན་འདས། བདག་ལ་ཕན་པའི་ཕྱིར་ཆོས་ཀྱི་སྙིང་པོ་བསྟན་དུ་གསོལ། བདག་གིས་ལེགས་པར་ཉན་ནས་དབེན་པའི་གནས་སུ་ཕྱོགས་གཅིག་ཏུ་བསྡད་ནས་བག་མེད་པ་སྤོང་བར་སྒོ་ནས་སྒོམ་པར་བྱའོ། བག་མེད་པ་སྤངས་ནས་སླར་ཡང་འདི་ལྟར་ཡིད་ལ་བྱ་སྟེ། རིགས་ཀྱི་བུ་གང་ཞིག་རབ་ཏུ་བྱུང་ནས་སྐྲ་དང་ཁ་སྤུ་འབྲེག ། ལུས་ལ་ཆོས་གོས་གསོལ། ཁྱིམ་ལས་ཁྱིམ་མེད་པ་རབ་ཏུ་བྱུང་། བླ་ན་མེད་པའི་ཚངས་པར་སྤྱོད་པ་མཐར་ཕྱིན་པའི་ཆེད་དུ་ཆོས་རྣམས་ཀྱི་ཆོས་ཉིད་མངོན་སུམ་དུ་རྟོགས་པར་བྱ་སྟེ། བདག་གི་སྐྱེ་བ་ནི་ཟད། ཚངས་པར་སྤྱོད་པ་ནི་བསྒྲུབས། བྱ་བ་རྣམས་ནི་བྱས་སོ། བདག་གི་འབྱུང་བར་འགྱུར་བའི་སྐྱེ་བ་མི་ལེན་པ་ཡང་ཤེས་སོ། དེའི་ཚེ། བཅོམ་ལྡན་འདས་ཀྱིས་དགེ་སློང་དེ་ལ་བཀའ་སྩལ་པ། ལེགས་སོ། ལེགས་སོ། ཁྱེད་ཀྱིས་བདག་ལ་བཅོམ་ལྡན་འདས། བདག་གི་ཆེད་དུ་ཆོས་ཀྱི་སྙིང་པོ་བསྟན་དུ་གསོལ། ཆོས་ཀྱི་སྙིང་པོ་བསྟན་པའི་དོན་དེ་ཚིག་རྒྱས་པའི་སྒོ་ནས་བསྟན་དུ་གསོལ། བདག་གིས་བག་མེད་པ་ཡོངས་སུ་སྤངས་ནས་དབེན་པའི་གནས་གཅིག་ཏུ་བརྩོན་པ་ཆེན་པོས་ཉམས་སུ་བླང་བར་བྱའོ་ཞེས་པ་ནས་སྐྱེ་བ་ཕྱི་མ་མི་ལེན་པའི་བར་དུ་སྨྲས་པ་ཡིན་ནམ། དགེ་སློང་གིས་གསོལ་བ། བཅོམ་ལྡན་འདས། དེ་ལྟར་དུ་ལགས་སོ། དེ་ནས་བཅོམ་ལྡན་འདས་ཀྱིས་དགེ་སློང་དེ་ལ་བཀའ་སྩལ་པ། ལེགས་པར་ཉོན་ལ་ཡིད་ལ་ཟུངས་ཤིག་དང་ངས་ཁྱེད་ལ་བསྟན་པར་བྱའོ། དགེ་སློང་། འདི་ལྟ་སྟེ། ཁྱེད་ཀྱིས་བདག་དང་མི་མཐུན་པའི་ཆོས་མྱུར་དུ་སྤང་བར་བྱའོ། ཆོས་དེ་སྤངས་ནས་ཆོས་ལ་བརྟེན་པའི་ཕན་པ་འགྱུར་ཞིང་ཡུན་རིང་དུ་བདེ་བ་ལ་གནས་པར་འགྱུར་རོ། དེའི་ཚེ། དགེ་སློང་དེས་བཅོམ་ལྡན་འདས་ལ་གསོལ་བ། ལགས་སོ་བཅོམ་ལྡན་འདས། དེ་ལྟར་དུ་ཤེས་སོ། ལགས་སོ་བདེ་བར་གཤེགས་པ། དེ་ལྟར་དུ་ཤེས་སོ། བཅོམ་ལྡན་འདས་ཀྱིས་དགེ་སློང་ལ་བཀའ་སྩལ་པ། ཅིའི་ཕྱིར་ན་བདག་གིས་ཆོས་ཀྱི་སྙིང་པོ་བསྟན་པའི་དོན་དེ་སླར་ཡང་རྒྱས་པའི་ཚིག་གིས་བསྟན་པར་བྱས་ཏོ། དེ་ནས་དགེ་སློང་དེས་བཅོམ་ལྡན་འདས་ལ་གསོལ་བ། བཙུན་པ་བཅོམ་ལྡན་འདས། གཟུགས་བདག་དང་མི་མཐུན་པ་མྱུར་དུ་སྤང་བར་བྱའོ།དེ་བཞིན་དུ་ཚོར་བ་དང་། འདུ་ཤེས་དང་། འདུ་བྱེད་དང་། རྣམ་པར་ཤེས་པ་རྣམས་བདག་དང་མི་མཐུན་པས་མྱུར་དུ་སྤང་བར་བྱའོ། དེས་ཆོས་ཀྱི་དོན་ལ་བརྟེན་པའི་ཕན་པ་འགྱུར་ཞིང་ཡུན་རིང་དུ་བདེ་བ་ལ་གནས་པར་འགྱུར་རོ། དེའི་ཕྱིར། བཙུན་པ་བཅོམ་ལྡན་འདས། བདག་གིས་ཉིད་ཀྱིས་གསུངས་པའི་ཆོས་ཀྱི་སྙིང་པོའི་དོན་དེ་ཚིག་རྒྱས་པའི་སྒོ་ནས་བསྟན་པའོ། བཅོམ་ལྡན་འདས་ཀྱིས་ལེགས་སོ། ལེགས་སོ། དགེ་སློང་འདི་ལྟ་སྟེ། ཁྱེད་ཀྱིས་བདག་གི་ཆོས་ཀྱི་སྙིང་པོའི་དོན་དེ་ཚིག་རྒྱས་པའི་སྒོ་ནས་བསྟན་པར་ལེགས་སོ། དེ་ཅིའི་ཕྱིར་ཞེ་ན། གཟུགས་བདག་དང་མི་མཐུན་པས་མྱུར་དུ་སྤང་བར་བྱའོ། དེ་བཞིན་དུ་ཚོར་བ་དང་། འདུ་ཤེས་དང་། འདུ་བྱེད་དང་། རྣམ་པར་ཤེས་པ་རྣམས་བདག་དང་མི་མཐུན་པས་མྱུར་དུ་སྤང་བར་བྱའོ། དེ་སྤངས་ནས་ཀྱང་། དེས་ཆོས་ཀྱི་དོན་ལ་བརྟེན་པའི་ཕན་པ་འགྱུར་ཞིང་ཡུན་རིང་དུ་བདེ་བ་ལ་གནས་པར་འགྱུར་རོ། དེའི་ཚེ། དགེ་སློང་དེས་བཅོམ་ལྡན་འདས་ཀྱིས་བཀའ་སྩལ་པ་ཐོས་ནས། རྗེས་སུ་ཡི་རངས་ཏེ་སེམས་དགའ་བ་ཆེན་པོས་བཅོམ་ལྡན་འདས་ཀྱི་ཞབས་ལ་མགོ་བོས་རབ་ཏུ་ཕྱག་འཚལ་ནས་སོང་ངོ། དེ་ནས་དགེ་སློང་དེ་དབེན་པའི་གནས་གཅིག་ཏུ་བག་མེད་པ་སྤོང་བར་སྒོ་ནས་སྒོམ་པར་བྱས་སོ། བག་མེད་པ་སྤངས་ནས་སླར་ཡང་འདི་ལྟར་ཡིད་ལ་བྱས་ཏེ། རིགས་ཀྱི་བུ་གང་ཞིག་རབ་ཏུ་བྱུང་ནས་སྐྲ་དང་ཁ་སྤུ་འབྲེག ། ལུས་ལ་ཆོས་གོས་གསོལ། ཁྱིམ་ལས་ཁྱིམ་མེད་པ་རབ་ཏུ་བྱུང་། བླ་ན་མེད་པའི་ཚངས་པར་སྤྱོད་པ་མཐར་ཕྱིན་པའི་ཆེད་དུ་ཆོས་རྣམས་ཀྱི་ཆོས་ཉིད་མངོན་སུམ་དུ་རྟོགས་པར་བྱས་སྟེ། བདག་གི་སྐྱེ་བ་ནི་ཟད། ཚངས་པ་སྤྱོད་པ་ནི་བསྒྲུབས། བྱ་བ་རྣམས་ནི་བྱས་སོ། བདག་གི་འབྱུང་བར་འགྱུར་བའི་སྐྱེ་བ་མི་ལེན་པ་ཡང་ཤེས་སོ། དེའི་ཚེ། དགེ་སློང་དེས་དགྲ་བཅོམ་པའི་གོ་འཕང་ཐོབ་སྟེ་སེམས་རྣམ་པར་གྲོལ་བར་གྱུར་ཏོ།^p32
༼༡༨༽འདི་སྐད་བདག་གིས་ཐོས་པ་དུས་གཅིག་ན། བཅོམ་ལྡན་འདས་རྒྱལ་པོའི་ཁབ་རྒྱལ་བུ་རྒྱལ་བྱེད་ཀྱི་ཚལ་མགོན་མེད་ཟས་སྦྱིན་གྱི་ཀུན་དགའ་ར་བ་ན་བཞུགས་སོ།། དེའི་ཚེ། དགེ་སློང་གཅིག་སྟན་ནས་ལངས་ཏེ་ཆོས་གོས་ཕྲག་པ་གཡས་སུ་གཟར་ནས་བཅོམ་ལྡན་འདས་ལ་མགོ་བོས་རབ་ཏུ་ཕྱག་འཚལ་ཏེ་གུས་པས་བཏུད་ནས་ཕྱོགས་གཅིག་ཏུ་འཁོད་དོ།། དགེ་སློང་དེས་བཅོམ་ལྡན་འདས་ལ་འདི་སྐད་དུ་གསོལ་དོ།། ལེགས་སོ། བཙུན་པ་བཅོམ་ལྡན་འདས། བདག་ལ་ཕན་པའི་ཕྱིར་ཆོས་ཀྱི་སྙིང་པོ་བསྟན་དུ་གསོལ། བདག་གིས་ལེགས་པར་ཉན་ནས་དབེན་པའི་གནས་སུ་ཕྱོགས་གཅིག་ཏུ་བསྡད་དེ་་བག་མེད་པ་སྤང་བའི་སྒོ་ནས་སྒོམ་པར་བྱའོ།། བག་མེད་པ་སྤངས་ནས་སླར་ཡང་འདི་ལྟར་ཡིད་ལ་བྱ་སྟེ། རིགས་ཀྱི་བུ་གང་ཞིག་རབ་ཏུ་བྱུང་ནས་སྐྲ་དང་ཁ་སྤུ་འབྲེག ། ལུས་ལ་ཆོས་གོས་གསོལ། ཁྱིམ་ནས་ཁྱིམ་མེད་པར་རབ་ཏུ་བྱུང་། བླ་ན་མེད་པའི་ཚངས་པར་སྤྱོད་པ་མཐར་ཕྱིན་པའི་ཕྱིར་དུ་ཆོས་རྣམས་ཀྱི་ཆོས་ཉིད་མངོན་སུམ་དུ་རྟོགས་པར་བྱ་སྟེ། བདག་གི་སྐྱེ་བ་ནི་ཟད། ཚངས་པར་སྤྱོད་པ་ནི་བསྒྲུབས། བྱ་བ་རྣམས་ནི་བྱས་སོ།། བདག་གིས་འབྱུང་བར་འགྱུར་བའི་སྐྱེ་བ་མི་ལེན་པ་ཡང་ཤེས་སོ།། བཅོམ་ལྡན་འདས་ཀྱིས་དགེ་སློང་ལ་བཀའ་སྩལ་པ། ལེགས་སོ། ལེགས་སོ། ཁྱེད་ཀྱིས་བདག་ལ་བཅོམ་ལྡན་འདས། བདག་གི་ཆེད་དུ་ཆོས་ཀྱི་སྙིང་པོ་བསྟན་དུ་གསོལ། ཆོས་ཀྱི་སྙིང་པོ་བསྟན་པའི་དོན་དེ་ཚིག་རྒྱས་པའི་སྒོ་ནས་བསྟན་དུ་གསོལ། བདག་གིས་བག་མེད་པ་ཡོངས་སུ་སྤངས་ནས་དབེན་པའི་གནས་གཅིག་ཏུ་བརྩོན་པ་ཆེན་པོས་ཉམས་སུ་བླང་བར་བྱའོ་ཞེས་པ་ནས་སྐྱེ་བ་ཕྱི་མ་མི་ལེན་པའི་བར་དུ་སྨྲས་པ་ཡིན་ནམ། དེའི་ཚེ། དགེ་སློང་གིས་གསོལ་བ། བཅོམ་ལྡན་འདས། དེ་ལྟར་དུ་ལགས་སོ།། དེ་ནས་བཅོམ་ལྡན་འདས་ཀྱིས་དགེ་སློང་དེ་ལ་བཀའ་སྩལ་པ། ལེགས་པར་ཉོན་ལ་ཡིད་ལ་ཟུངས་ཤིག་དང་ངས་ཁྱེད་ལ་བསྟན་པར་བྱའོ།། དགེ་སློང་། འདི་ལྟ་སྟེ། ཆོས་གང་ཞིག་ཁྱེད་དང་མི་མཐུན་པ་དང་གཞན་དང་ཡང་མི་མཐུན་པ་དེ་མྱུར་དུ་སྤང་བར་བྱའོ།། སྤངས་བར་བྱས་ནས་ཀྱང་། དེས་ཆོས་ཀྱི་དོན་ལ་བརྟེན་པའི་ཕན་པར་འགྱུར་ཞིང་ཡུན་རིང་དུ་བདེ་བ་ལ་གནས་པར་འགྱུར་རོ།། དེའི་ཚེ། དགེ་སློང་དེས་བཅོམ་ལྡན་འདས་ལ་གསོལ་བ། ལགས་སོ་བཅོམ་ལྡན་འདས། དེ་ལྟར་དུ་ཤེས་སོ།། ལགས་སོ་བདེ་བར་གཤེགས་པ། དེ་ལྟར་དུ་ཤེས་སོ། ། བཅོམ་ལྡན་འདས་ཀྱིས་དགེ་སློང་ལ་བཀའ་སྩལ་པ། ཅིའི་ཕྱིར་ན་བདག་གིས་ཆོས་ཀྱི་སྙིང་པོ་བསྟན་པའི་དོན་དེ་སླར་ཡང་རྒྱས་པའི་ཚིག་གིས་བསྟན་པར་བྱ། དགེ་སློང་དེས་བཅོམ་ལྡན་འདས་ལ་གསོལ་བ། བཙུན་པ་བཅོམ་ལྡན་འདས། གཟུགས་བདག་དང་མི་མཐུན་པ། བདག་གི་བ་དང་མི་མཐུན་པ། གཞན་དང་ཡང་མི་མཐུན་པ་དེ་མྱུར་དུ་སྤོང་བར་བྱའོ།། སྤངས་བར་བྱས་ནས་ཀྱང་། དེས་ཆོས་ཀྱི་དོན་ལ་བརྟེན་པའི་ཕན་པར་འགྱུར་ཞིང་ཡུན་རིང་དུ་བདེ་བ་ལ་གནས་པར་འགྱུར་རོ།། དེ་བཞིན་དུ་ཚོར་བ་དང་། འདུ་ཤེས་དང་། འདུ་བྱེད་དང་། རྣམ་པར་ཤེས་པ་རྣམས་བདག་དང་མི་མཐུན་པ། བདག་གི་བ་དང་མི་མཐུན་པ། གཞན་དང་ཡང་མི་མཐུན་པ་དེ་མྱུར་དུ་སྤོང་བར་བྱའོ།། སྤངས་བར་བྱས་ནས་ཀྱང་། དེས་ཆོས་ཀྱི་དོན་ལ་བརྟེན་པའི་ཕན་པར་འགྱུར་ཞིང་ཡུན་རིང་དུ་བདེ་བ་ལ་གནས་པར་འགྱུར་རོ།། དེའི་ཚེ། དགེ་སློང་དེས་བཅོམ་ལྡན་འདས་ཀྱིས་བཀའ་སྩལ་པ་ཐོས་ནས། རྗེས་སུ་ཡི་རངས་ཏེ་སེམས་དགའ་བ་ཆེན་པོས་བཅོམ་ལྡན་འདས་ཀྱི་ཞབས་ལ་མགོ་བོས་རབ་ཏུ་ཕྱག་འཚལ་ནས་སོང་ངོ།། དེ་ནས་དགེ་སློང་དེ་དབེན་པའི་གནས་གཅིག་ཏུ་བག་མེད་པ་སྤོང་བར་སྒོ་ནས་སྒོམ་པར་བྱས་སོ།། བག་མེད་པ་སྤངས་ནས་སླར་ཡང་འདི་ལྟར་ཡིད་ལ་བྱས་ཏེ། རིགས་ཀྱི་བུ་གང་ཞིག་རབ་ཏུ་བྱུང་ནས་སྐྲ་དང་ཁ་སྤུ་འབྲེག ། ལུས་ལ་ཆོས་གོས་གསོལ། ཁྱིམ་ནས་ཁྱིམ་མེད་པར་རབ་ཏུ་བྱུང་། བླ་ན་མེད་པའི་ཚངས་པར་སྤྱོད་པ་མཐར་ཕྱིན་པའི་ཆེད་དུ་ཆོས་རྣམས་ཀྱི་ཆོས་ཉིད་མངོན་སུམ་དུ་རྟོགས་པར་བྱས་ཏེ། བདག་གི་སྐྱེ་བ་ནི་ཟད། ཚངས་པར་སྤྱོད་པ་ནི་བསྒྲུབས། བྱ་བ་རྣམས་ནི་བྱས་སོ།། བདག་གིས་འབྱུང་བར་འགྱུར་བའི་སྐྱེ་བ་མི་ལེན་པ་ཡང་ཤེས་སོ།། དེའི་ཚེ། དགེ་སློང་དེས་དགྲ་བཅོམ་པའི་གོ་འཕང་ཐོབ་སྟེ་སེམས་རྣམ་པར་གྲོལ་བར་གྱུར་ཏོ།།^p33
༼༡༩༽འདི་སྐད་བདག་གིས་ཐོས་པ་དུས་གཅིག་ན། བཅོམ་ལྡན་འདས་རྒྱལ་པོའི་ཁབ་རྒྱལ་བུ་རྒྱལ་བྱེད་ཀྱི་ཚལ་མགོན་མེད་ཟས་སྦྱིན་གྱི་ཀུན་དགའ་ར་བ་ན་བཞུགས་སོ།། དེའི་ཚེ། དགེ་སློང་གཅིག་སྟན་ནས་ལངས་ཏེ་བཅོམ་ལྡན་འདས་ལ་མགོ་བོས་རབ་ཏུ་ཕྱག་འཚལ་ནས་བཅོམ་ལྡན་འདས་ལ་འདི་སྐད་དུ་གསོལ་དོ།། བཙུན་པ་བཅོམ་ལྡན་འདས། བདག་ལ་ཕན་པའི་ཕྱིར་ཆོས་ཀྱི་སྙིང་པོ་བསྟན་དུ་གསོལ། བདག་གིས་ལེགས་པར་ཉན་ནས་དབེན་པའི་གནས་སུ་ཕྱོགས་གཅིག་ཏུ་བསྡད་དེ་་བག་མེད་པ་སྤང་བའི་སྒོ་ནས་སྒོམ་པར་བྱའོ།། བག་མེད་པ་སྤངས་ནས་སླར་ཡང་འདི་ལྟར་ཡིད་ལ་བྱ་སྟེ། རིགས་ཀྱི་བུ་གང་ཞིག་རབ་ཏུ་བྱུང་ནས་སྐྲ་དང་ཁ་སྤུ་འབྲེག ། ལུས་ལ་ཆོས་གོས་གསོལ། ཁྱིམ་ནས་ཁྱིམ་མེད་པར་རབ་ཏུ་བྱུང་། བླ་ན་མེད་པའི་ཚངས་པར་སྤྱོད་པ་མཐར་ཕྱིན་པའི་ཕྱིར་དུ་ཆོས་རྣམས་ཀྱི་ཆོས་ཉིད་མངོན་སུམ་དུ་རྟོགས་པར་བྱ་སྟེ། བདག་གི་སྐྱེ་བ་ནི་ཟད། ཚངས་པར་སྤྱོད་པ་ནི་བསྒྲུབས། བྱ་བ་རྣམས་ནི་བྱས་སོ།། བདག་གིས་འབྱུང་བར་འགྱུར་བའི་སྐྱེ་བ་མི་ལེན་པ་ཡང་ཤེས་སོ།། དེའི་ཚེ། བཅོམ་ལྡན་འདས་ཀྱིས་དགེ་སློང་ལ་བཀའ་སྩལ་པ། ལེགས་སོ། ལེགས་སོ། ཁྱེད་ཀྱིས་བདག་ལ་བཅོམ་ལྡན་འདས། བདག་གི་ཆེད་དུ་ཆོས་ཀྱི་སྙིང་པོ་བསྟན་དུ་གསོལ། ཆོས་ཀྱི་སྙིང་པོ་བསྟན་པའི་དོན་དེ་ཚིག་རྒྱས་པའི་སྒོ་ནས་བསྟན་དུ་གསོལ། བདག་གིས་བག་མེད་པ་ཡོངས་སུ་སྤངས་ནས་དབེན་པའི་གནས་གཅིག་ཏུ་བརྩོན་པ་ཆེན་པོས་ཉམས་སུ་བླང་བར་བྱའོ་ཞེས་པ་ནས་སྐྱེ་བ་ཕྱི་མ་མི་ལེན་པའི་བར་དུ་སྨྲས་པ་ཡིན་ནམ། དེའི་ཚེ། དགེ་སློང་གིས་གསོལ་བ། བཅོམ་ལྡན་འདས། དེ་ལྟར་དུ་ལགས་སོ།། དེ་ནས་བཅོམ་ལྡན་འདས་ཀྱིས་དགེ་སློང་དེ་ལ་བཀའ་སྩལ་པ། ལེགས་པར་ཉོན་ལ་ཡིད་ལ་ཟུངས་ཤིག་དང་ངས་ཁྱེད་ལ་བསྟན་པར་བྱའོ།། དགེ་སློང་། འདི་ལྟ་སྟེ། ཐ་བ་དང་འབྲེལ་བའི་ཆོས་མྱུར་དུ་སྤོང་བར་བྱའོ།། སྤངས་བར་བྱས་ནས་ཀྱང་། དེས་ཆོས་ཀྱི་དོན་ལ་བརྟེན་པའི་ཕན་པར་འགྱུར་ཞིང་ཡུན་རིང་དུ་བདེ་བ་ལ་གནས་པར་འགྱུར་རོ།། དེའི་ཚེ། དགེ་སློང་དེས་བཅོམ་ལྡན་འདས་ལ་གསོལ་བ། ལགས་སོ་བཅོམ་ལྡན་འདས། དེ་ལྟར་དུ་ཤེས་སོ།། ལགས་སོ་བདེ་བར་གཤེགས་པ། དེ་ལྟར་དུ་ཤེས་སོ། ། བཅོམ་ལྡན་འདས་ཀྱིས་དགེ་སློང་ལ་བཀའ་སྩལ་པ། ཅིའི་ཕྱིར་ན་བདག་གིས་ཆོས་ཀྱི་སྙིང་པོ་བསྟན་པའི་དོན་དེ་སླར་ཡང་རྒྱས་པའི་ཚིག་གིས་བསྟན་པར་བྱ། དགེ་སློང་དེས་བཅོམ་ལྡན་འདས་ལ་གསོལ་བ། བཙུན་པ་བཅོམ་ལྡན་འདས། གཟུགས་ནི་ཐ་བ་དང་འབྲེལ་བའི་ཆོས་ཡིན་ལ་ཐ་བ་དང་འབྲེལ་བའི་ཆོས་གང་ཡིན་པ་དེ་མྱུར་དུ་སྤོང་བར་བྱའོ།། སྤངས་བར་བྱས་ནས་ཀྱང་། དེས་ཆོས་ཀྱི་དོན་ལ་བརྟེན་པའི་ཕན་པར་འགྱུར་ཞིང་ཡུན་རིང་དུ་བདེ་བ་ལ་གནས་པར་འགྱུར་རོ།། དེ་བཞིན་དུ་ཚོར་བ་དང་། འདུ་ཤེས་དང། འདུ་བྱེད་དང་། རྣམ་པར་ཤེས་པ་རྣམས་ཐ་བ་དང་འབྲེལ་བའི་ཆོས་ཡིན་ལ་ཐ་བ་དང་འབྲེལ་བའི་ཆོས་གང་ཡིན་པ་དེ་མྱུར་དུ་སྤོང་བར་བྱའོ།། སྤངས་བར་བྱས་ནས་ཀྱང་། དེས་ཆོས་ཀྱི་དོན་ལ་བརྟེན་པའི་ཕན་པར་འགྱུར་ཞིང་ཡུན་རིང་དུ་བདེ་བ་ལ་གནས་པར་འགྱུར་རོ།། བཅོམ་ལྡན་འདས་ཀྱིས་ལེགས་སོ།། ལེགས་སོ། ། དགེ་སློང་འདི་ལྟ་སྟེ། ཁྱེད་ཀྱིས་བདག་གིས་ཆོས་ཀྱི་སྙིང་པོའི་དོན་དེ་ཚིག་རྒྱས་པའི་སྒོ་ནས་བསྟན་པར་ལེགས་སོ།། དེ་ཅིའི་ཕྱིར་ཞེ་ན། གཟུགས་ནི་ཐ་བ་དང་འབྲེལ་བའི་ཆོས་ཡིན་པས་མྱུར་དུ་སྤོང་བར་བྱའོ།། སྤངས་བར་བྱས་ནས་ཀྱང་། དེས་ཆོས་ཀྱི་དོན་ལ་བརྟེན་པའི་ཕན་པར་འགྱུར་ཞིང་ཡུན་རིང་དུ་བདེ་བ་ལ་གནས་པར་འགྱུར་རོ།། དེ་བཞིན་དུ་ཚོར་བ་དང་། འདུ་ཤེས་དང། འདུ་བྱེད་དང་། རྣམ་པར་ཤེས་པ་རྣམས་ཐ་བ་དང་འབྲེལ་བའི་ཆོས་ཡིན་པས་དེ་མྱུར་དུ་སྤོང་བར་བྱའོ།། སྤངས་བར་བྱས་ནས་ཀྱང་། དེས་ཆོས་ཀྱི་དོན་ལ་བརྟེན་པའི་ཕན་པར་འགྱུར་ཞིང་ཡུན་རིང་དུ་བདེ་བ་ལ་གནས་པར་འགྱུར་རོ།། དེའི་ཚེ། དགེ་སློང་དེས་བཅོམ་ལྡན་འདས་ཀྱིས་བཀའ་སྩལ་པ་ཐོས་ནས། རྗེས་སུ་ཡི་རངས་ཏེ་སེམས་དགའ་བ་ཆེན་པོས་བཅོམ་ལྡན་འདས་ཀྱི་ཞབས་ལ་མགོ་བོས་རབ་ཏུ་ཕྱག་འཚལ་ནས་སོང་ངོ།། དེ་ནས་དགེ་སློང་དེ་དབེན་པའི་གནས་གཅིག་ཏུ་བག་མེད་པ་སྤོང་བར་སྒོ་ནས་སྒོམ་པར་བྱས་ནས་དགྲ་བཅོམ་པའི་གོ་འཕང་ཐོབ་སྟེ་སེམས་རྣམ་པར་གྲོལ་བར་གྱུར་ཏོ།།^p34
༼༢༠༽འདི་སྐད་བདག་གིས་ཐོས་པ་དུས་གཅིག་ན། བཅོམ་ལྡན་འདས་རྒྱལ་པོའི་ཁབ་རྒྱལ་བུ་རྒྱལ་བྱེད་ཀྱི་ཚལ་མགོན་མེད་ཟས་སྦྱིན་གྱི་ཀུན་དགའ་ར་བ་ན་བཞུགས་སོ།། དེའི་ཚེ། དགེ་སློང་གཅིག་སྟན་ནས་ལངས་ཏེ་བཅོམ་ལྡན་འདས་ལ་མགོ་བོས་རབ་ཏུ་ཕྱག་འཚལ་ནས་བཅོམ་ལྡན་འདས་ལ་འདི་སྐད་དུ་གསོལ་དོ།། བཙུན་པ་བཅོམ་ལྡན་འདས། བདག་ལ་ཕན་པའི་ཕྱིར་ཆོས་ཀྱི་སྙིང་པོ་བསྟན་དུ་གསོལ། བདག་གིས་ལེགས་པར་ཉན་ནས་དབེན་པའི་གནས་སུ་ཕྱོགས་གཅིག་ཏུ་བསྡད་དེ་་བག་མེད་པ་སྤང་བའི་སྒོ་ནས་སྒོམ་པར་བྱའོ།། བག་མེད་པ་སྤངས་ནས་སླར་ཡང་འདི་ལྟར་ཡིད་ལ་བྱ་སྟེ། རིགས་ཀྱི་བུ་གང་ཞིག་རབ་ཏུ་བྱུང་ནས་སྐྲ་དང་ཁ་སྤུ་འབྲེག ། ལུས་ལ་ཆོས་གོས་གསོལ། ཁྱིམ་ནས་ཁྱིམ་མེད་པར་རབ་ཏུ་བྱུང་། བླ་ན་མེད་པའི་ཚངས་པར་སྤྱོད་པ་མཐར་ཕྱིན་པའི་ཕྱིར་དུ་ཆོས་རྣམས་ཀྱི་ཆོས་ཉིད་མངོན་སུམ་དུ་རྟོགས་པར་བྱ་སྟེ། བདག་གི་སྐྱེ་བ་ནི་ཟད། ཚངས་པར་སྤྱོད་པ་ནི་བསྒྲུབས། བྱ་བ་རྣམས་ནི་བྱས་སོ།། བདག་གིས་འབྱུང་བར་འགྱུར་བའི་སྐྱེ་བ་མི་ལེན་པ་ཡང་ཤེས་སོ།། དེའི་ཚེ། བཅོམ་ལྡན་འདས་ཀྱིས་དགེ་སློང་ལ་བཀའ་སྩལ་པ། ལེགས་སོ། ལེགས་སོ། ཁྱེད་ཀྱིས་བདག་ལ་བཅོམ་ལྡན་འདས། བདག་གི་ཆེད་དུ་ཆོས་ཀྱི་སྙིང་པོ་བསྟན་དུ་གསོལ། ཆོས་ཀྱི་སྙིང་པོ་བསྟན་པའི་དོན་དེ་ཚིག་རྒྱས་པའི་སྒོ་ནས་བསྟན་དུ་གསོལ། བདག་གིས་བག་མེད་པ་ཡོངས་སུ་སྤངས་ནས་དབེན་པའི་གནས་གཅིག་ཏུ་བརྩོན་པ་ཆེན་པོས་ཉམས་སུ་བླང་བར་བྱའོ་ཞེས་པ་ནས་སྐྱེ་བ་ཕྱི་མ་མི་ལེན་པའི་བར་དུ་སྨྲས་པ་ཡིན་ནམ། དེའི་ཚེ། དགེ་སློང་གིས་གསོལ་བ། བཅོམ་ལྡན་འདས། དེ་ལྟར་དུ་ལགས་སོ།། དེ་ནས་བཅོམ་ལྡན་འདས་ཀྱིས་དགེ་སློང་དེ་ལ་བཀའ་སྩལ་པ། ལེགས་པར་ཉོན་ལ་ཡིད་ལ་ཟུངས་ཤིག་དང་ངས་ཁྱེད་ལ་བསྟན་པར་བྱའོ།། དགེ་སློང་། འདི་ལྟ་སྟེ། ཀུན་ནས་ཉོན་མོངས་པ་དང་འབྲེལ་བའི་ཆོས་མྱུར་དུ་སྤོང་བར་བྱའོ།། སྤངས་བར་བྱས་ནས་ཀྱང་། དེས་ཆོས་ཀྱི་དོན་ལ་བརྟེན་པའི་ཕན་པར་འགྱུར་ཞིང་ཡུན་རིང་དུ་བདེ་བ་ལ་གནས་པར་འགྱུར་རོ།། དེའི་ཚེ། དགེ་སློང་དེས་བཅོམ་ལྡན་འདས་ལ་གསོལ་བ། ལགས་སོ་བཅོམ་ལྡན་འདས། དེ་ལྟར་དུ་ཤེས་སོ།། ལགས་སོ་བདེ་བར་གཤེགས་པ། དེ་ལྟར་དུ་ཤེས་སོ། ། བཅོམ་ལྡན་འདས་ཀྱིས་དགེ་སློང་ལ་བཀའ་སྩལ་པ། ཅིའི་ཕྱིར་ན་བདག་གིས་ཆོས་ཀྱི་སྙིང་པོ་བསྟན་པའི་དོན་དེ་སླར་ཡང་རྒྱས་པའི་ཚིག་གིས་བསྟན་པར་བྱ། དགེ་སློང་དེས་བཅོམ་ལྡན་འདས་ལ་གསོལ་བ། བཙུན་པ་བཅོམ་ལྡན་འདས། གཟུགས་ནི་ཀུན་ནས་ཉོན་མོངས་པ་དང་འབྲེལ་བའི་ཆོས་ཡིན་ལ་ཀུན་ནས་ཉོན་མོངས་པ་དང་འབྲེལ་བའི་ཆོས་གང་ཡིན་པ་དེ་མྱུར་དུ་སྤོང་བར་བྱའོ།། སྤངས་བར་བྱས་ནས་ཀྱང་། དེས་ཆོས་ཀྱི་དོན་ལ་བརྟེན་པའི་ཕན་པར་འགྱུར་ཞིང་ཡུན་རིང་དུ་བདེ་བ་ལ་གནས་པར་འགྱུར་རོ།། དེ་བཞིན་དུ་ཚོར་བ་དང་། འདུ་ཤེས་དང། འདུ་བྱེད་དང་། རྣམ་པར་ཤེས་པ་རྣམས་ཀུན་ནས་ཉོན་མོངས་པ་དང་འབྲེལ་བའི་ཆོས་ཡིན་ལ་ཀུན་ནས་ཉོན་མོངས་པ་དང་འབྲེལ་བའི་ཆོས་གང་ཡིན་པ་དེ་མྱུར་དུ་སྤོང་བར་བྱའོ།། སྤངས་བར་བྱས་ནས་ཀྱང་། དེས་ཆོས་ཀྱི་དོན་ལ་བརྟེན་པའི་ཕན་པར་འགྱུར་ཞིང་ཡུན་རིང་དུ་བདེ་བ་ལ་གནས་པར་འགྱུར་རོ།། བཅོམ་ལྡན་འདས་ཀྱིས་ལེགས་སོ།། ལེགས་སོ། ། དགེ་སློང་འདི་ལྟ་སྟེ། ཁྱེད་ཀྱིས་བདག་གིས་ཆོས་ཀྱི་སྙིང་པོའི་དོན་དེ་ཚིག་རྒྱས་པའི་སྒོ་ནས་བསྟན་པར་ལེགས་སོ།། དེ་ཅིའི་ཕྱིར་ཞེ་ན། གཟུགས་ནི་ཀུན་ནས་ཉོན་མོངས་པ་དང་འབྲེལ་བའི་ཆོས་ཡིན་པས་མྱུར་དུ་སྤོང་བར་བྱའོ།། སྤངས་བར་བྱས་ནས་ཀྱང་། དེས་ཆོས་ཀྱི་དོན་ལ་བརྟེན་པའི་ཕན་པར་འགྱུར་ཞིང་ཡུན་རིང་དུ་བདེ་བ་ལ་གནས་པར་འགྱུར་རོ།། དེ་བཞིན་དུ་ཚོར་བ་དང་། འདུ་ཤེས་དང། འདུ་བྱེད་དང་། རྣམ་པར་ཤེས་པ་རྣམས་ཀུན་ནས་ཉོན་མོངས་པ་དང་འབྲེལ་བའི་ཆོས་ཡིན་པས་དེ་མྱུར་དུ་སྤོང་བར་བྱའོ།། སྤངས་བར་བྱས་ནས་ཀྱང་། དེས་ཆོས་ཀྱི་དོན་ལ་བརྟེན་པའི་ཕན་པར་འགྱུར་ཞིང་ཡུན་རིང་དུ་བདེ་བ་ལ་གནས་པར་འགྱུར་རོ།། དེའི་ཚེ། དགེ་སློང་དེས་བཅོམ་ལྡན་འདས་ཀྱིས་བཀའ་སྩལ་པ་ཐོས་ནས། རྗེས་སུ་ཡི་རངས་ཏེ་སེམས་དགའ་བ་ཆེན་པོས་བཅོམ་ལྡན་འདས་ཀྱི་ཞབས་ལ་མགོ་བོས་རབ་ཏུ་ཕྱག་འཚལ་ནས་སོང་ངོ།། དེ་ནས་དགེ་སློང་དེ་དབེན་པའི་གནས་གཅིག་ཏུ་བག་མེད་པ་སྤོང་བར་སྒོ་ནས་སྒོམ་པར་བྱས་ནས་དགྲ་བཅོམ་པའི་གོ་འཕང་ཐོབ་སྟེ་སེམས་རྣམ་པར་གྲོལ་བར་གྱུར་ཏོ།།^p35
༼༢༡༽འདི་སྐད་བདག་གིས་ཐོས་པ་དུས་གཅིག་ན། བཅོམ་ལྡན་འདས་རྒྱལ་པོའི་ཁབ་རྒྱལ་བུ་རྒྱལ་བྱེད་ཀྱི་ཚལ་མགོན་མེད་ཟས་སྦྱིན་གྱི་ཀུན་དགའ་ར་བ་ན་བཞུགས་སོ།། དེའི་ཚེ། དགེ་སློང་གཅིག་སྟན་ནས་ལངས་ཏེ་བཅོམ་ལྡན་འདས་ལ་མགོ་བོས་རབ་ཏུ་ཕྱག་འཚལ་ནས་བཅོམ་ལྡན་འདས་ལ་འདི་སྐད་དུ་གསོལ་དོ།། བཙུན་པ་བཅོམ་ལྡན་འདས། བདག་ལ་ཕན་པའི་ཕྱིར་ཆོས་ཀྱི་སྙིང་པོ་བསྟན་དུ་གསོལ། བདག་གིས་ལེགས་པར་ཉན་ནས་དབེན་པའི་གནས་སུ་ཕྱོགས་གཅིག་ཏུ་བསྡད་དེ་་བག་མེད་པ་སྤང་བའི་སྒོ་ནས་སྒོམ་པར་བྱའོ།། བག་མེད་པ་སྤངས་ནས་སླར་ཡང་འདི་ལྟར་ཡིད་ལ་བྱ་སྟེ། རིགས་ཀྱི་བུ་གང་ཞིག་རབ་ཏུ་བྱུང་ནས་སྐྲ་དང་ཁ་སྤུ་འབྲེག ། ལུས་ལ་ཆོས་གོས་གསོལ། ཁྱིམ་ནས་ཁྱིམ་མེད་པར་རབ་ཏུ་བྱུང་། བླ་ན་མེད་པའི་ཚངས་པར་སྤྱོད་པ་མཐར་ཕྱིན་པའི་ཕྱིར་དུ་ཆོས་རྣམས་ཀྱི་ཆོས་ཉིད་མངོན་སུམ་དུ་རྟོགས་པར་བྱ་སྟེ། བདག་གི་སྐྱེ་བ་ནི་ཟད། ཚངས་པར་སྤྱོད་པ་ནི་བསྒྲུབས། བྱ་བ་རྣམས་ནི་བྱས་སོ།། བདག་གིས་འབྱུང་བར་འགྱུར་བའི་སྐྱེ་བ་མི་ལེན་པ་ཡང་ཤེས་སོ།། དེའི་ཚེ། བཅོམ་ལྡན་འདས་ཀྱིས་དགེ་སློང་ལ་བཀའ་སྩལ་པ། ལེགས་སོ། ལེགས་སོ། ཁྱེད་ཀྱིས་བདག་ལ་བཅོམ་ལྡན་འདས། བདག་གི་ཆེད་དུ་ཆོས་ཀྱི་སྙིང་པོ་བསྟན་དུ་གསོལ། ཆོས་ཀྱི་སྙིང་པོ་བསྟན་པའི་དོན་དེ་ཚིག་རྒྱས་པའི་སྒོ་ནས་བསྟན་དུ་གསོལ། བདག་གིས་བག་མེད་པ་ཡོངས་སུ་སྤངས་ནས་དབེན་པའི་གནས་གཅིག་ཏུ་བརྩོན་པ་ཆེན་པོས་ཉམས་སུ་བླང་བར་བྱའོ་ཞེས་པ་ནས་སྐྱེ་བ་ཕྱི་མ་མི་ལེན་པའི་བར་དུ་སྨྲས་པ་ཡིན་ནམ། དེའི་ཚེ། དགེ་སློང་གིས་གསོལ་བ། བཅོམ་ལྡན་འདས། དེ་ལྟར་དུ་ལགས་སོ།། དེ་ནས་བཅོམ་ལྡན་འདས་ཀྱིས་དགེ་སློང་དེ་ལ་བཀའ་སྩལ་པ། ལེགས་པར་ཉོན་ལ་ཡིད་ལ་ཟུངས་ཤིག་དང་ངས་ཁྱེད་ལ་བསྟན་པར་བྱའོ།། དགེ་སློང་། འདི་ལྟ་སྟེ། སེམས་གཡོ་བ་ལ་བདུད་ཀྱིས་རྣམ་པར་འཆིང་བར་འགྱུར་རོ།། སེམས་མི་གཡོ་བས་བདུད་དགའ་རབ་དབང་ཕྱུག་ལས་རྣམ་པར་གྲོལ་བར་འགྱུར་རོ།། དེའི་ཚེ། དགེ་སློང་དེས་བཅོམ་ལྡན་འདས་ལ་གསོལ་བ། ལགས་སོ་བཅོམ་ལྡན་འདས། དེ་ལྟར་དུ་ཤེས་སོ།། ལགས་སོ་བདེ་བར་གཤེགས་པ། དེ་ལྟར་དུ་ཤེས་སོ། ། བཅོམ་ལྡན་འདས་ཀྱིས་དགེ་སློང་ལ་བཀའ་སྩལ་པ། ཅིའི་ཕྱིར་ན་བདག་གིས་ཆོས་ཀྱི་སྙིང་པོ་བསྟན་པའི་དོན་དེ་སླར་ཡང་རྒྱས་པའི་ཚིག་གིས་བསྟན་པར་བྱ། དགེ་སློང་དེས་བཅོམ་ལྡན་འདས་ལ་གསོལ་བ། བཙུན་པ་བཅོམ་ལྡན་འདས། གཟུགས་ལ་དམིགས་ནས་སེམས་གཡོ་བ་ན་བདུད་ཀྱིས་རྣམ་པར་འཆིང་བར་འགྱུར་རོ།། སེེམས་མི་གཡོ་བས་བདུད་དགའ་རབ་དབང་ཕྱུག་ལས་རྣམ་པར་གྲོལ་བར་འགྱུར་རོ།། དེ་བཞིན་དུ་ཚོར་བ་དང་། འདུ་ཤེས་དང་། འདུ་བྱེད་དང་། རྣམ་པར་ཤེས་པ་རྣམས་ལ་དམིགས་ནས་སེམས་གཡོ་བ་ན་བདུད་ཀྱིས་རྣམ་པར་འཆིང་བར་འགྱུར་རོ།། སེམས་མི་གཡོ་བས་བདུད་དགའ་རབ་དབང་ཕྱུག་ལས་རྣམ་པར་གྲོལ་བར་འགྱུར་རོ།། དེའི་ཕྱིར། བདག་གིས་ཁྱེད་ཀྱིས་བསྟན་པའི་ཆོས་ཀྱི་སྙིང་པོའི་དོན་དེ་ཚིག་རྒྱས་པའི་སྒོ་ནས་བསྟན་པའོ།། བཅོམ་ལྡན་འདས་ཀྱིས་ལེགས་སོ།། ལེགས་སོ། ། དགེ་སློང་འདི་ལྟ་སྟེ། ཁྱེད་ཀྱིས་བདག་གིས་ཆོས་ཀྱི་སྙིང་པོའི་དོན་དེ་ཚིག་རྒྱས་པའི་སྒོ་ནས་བསྟན་པར་ལེགས་སོ།། དེ་ཅིའི་ཕྱིར་ཞེ་ན། གཟུགས་ལ་དམིགས་ནས་སེམས་གཡོ་བ་ན་བདུད་ཀྱིས་རྣམ་པར་འཆིང་བར་འགྱུར་རོ།། སེེམས་མི་གཡོ་བས་བདུད་དགའ་རབ་དབང་ཕྱུག་ལས་རྣམ་པར་གྲོལ་བར་འགྱུར་རོ།། དེ་བཞིན་དུ་ཚོར་བ་དང་། འདུ་ཤེས་དང་། འདུ་བྱེད་དང་། རྣམ་པར་ཤེས་པ་རྣམས་ལ་དམིགས་ནས་སེམས་གཡོ་བ་ན་བདུད་ཀྱིས་རྣམ་པར་འཆིང་བར་འགྱུར་རོ།། སེམས་མི་གཡོ་བས་བདུད་དགའ་རབ་དབང་ཕྱུག་ལས་རྣམ་པར་གྲོལ་བར་འགྱུར་རོ་ཞེས་པ་ནས་བདག་གིས་འབྱུང་བར་འགྱུར་བའི་སྐྱེ་བ་མི་ལེན་པ་ཡང་ཤེས་སོ་ཞེས་པའི་བར་དུའོ།། དེ་ནས་སེམས་རྣམ་པར་གྲོལ་ནས་དགྲ་བཅོམ་པའི་གོ་འཕང་ཐོབ་པའོ།།^p36
༼༢༢༽འདི་སྐད་བདག་གིས་ཐོས་པ་དུས་གཅིག་ན། བཅོམ་ལྡན་འདས་རྒྱལ་པོའི་ཁབ་རྒྱལ་བུ་རྒྱལ་བྱེད་ཀྱི་ཚལ་མགོན་མེད་ཟས་སྦྱིན་གྱི་ཀུན་དགའ་ར་བ་ན་བཞུགས་སོ།། དེའི་ཚེ། དགེ་སློང་ཇེའུ་པོ་ཞེས་བྱ་བ་བཅོམ་ལྡན་འདས་ཀྱི་གནས་ག་ལ་བ་དེེར་འོངས་ནས་བཅོམ་ལྡན་འདས་ཀྱི་ཞབས་ལ་མགོ་བོས་རབ་ཏུ་ཕྱག་འཚལ་ཏེ་ཕྱོགས་གཅིག་ཏུ་འདུག་གོ ། དེ་ནས་དགེ་སློང་དེས་བཅོམ་ལྡན་འདས་ལ་འདི་སྐད་ཅེས་གསོལ་དོ།། བཙུན་པ་བཅོམ་ལྡན་འདས། ཁྱེད་ཀྱིས་དགེ་སློང་རྣམས་ལ་སེམས་རྣམ་པར་གྲོལ་བར་བྱའོ་ཞེས་གསུངས་ན། བཅོམ་ལྡན་འདས་ཁྱེད་ཀྱིས་དགེ་སློང་རྣམས་ལ་ཅིའི་ཕྱིར་སེམས་རྣམ་པར་གྲོལ་བར་བྱ་ཞེས་གསུངས་པ་ལགས། དེའི་ཚེ། བཅོམ་ལྡན་འདས་ཀྱིས་བཙུན་པ་ཇེའུ་པོ་ལ་བཀའ་སྩལ་པ། ལེགས་སོ།། ལེགས་སོ།། ཁྱེད་ཀྱིས་དེ་བཞིན་གཤེགས་པ་ལ་སེམས་རྣམ་པར་གྲོལ་བ་ཞེས་པའི་དྲི་བ་འདྲི་བ་ནི་ཤིན་ཏུ་ལེགས་སོ།། བཙུན་པ་ཇེའུ་པོ། ཁྱེད་ཀྱིས་ལེགས་པར་ཉོན་ལ་ཡིད་ལ་ཟུངས་ཤིག་དང་ངས་ཁྱེད་ལ་བསྟན་པར་བྱའོ།། བཙུན་པ་ཇེའུ་པོ། གཟུགས་རྣམས་ལ་ཡོངས་སུ་བརྟགས་པར་བྱ་སྟེ། དེ་ཡང་འདི་ལྟ་སྟེ། འདས་པ་དང་། མ་འོངས་བ་དང་། ད་ལྟ་དང་། ནང་དང་། ཕྱི་རོལ་དང་། རགས་པ་དང་། ཕྲ་བ་དང་། མཛེས་པ་དང་། བཙོག་པ་དང་། རིང་བ་དང་། ཉེ་བའི་གཟུགས་རྣམས་ལ་ཡོངས་སུ་བརྟགས་ནས་ཐམས་ཅད་མི་རྟག་པའི་རང་བཞིན་དུ་ཤེས་པར་བྱའོ།། དེ་ལྟར་མི་རྟག་པ་ཉིད་དུ་ཡོངས་སུ་ཤེས་པས། གཟུགས་ལ་སྲེད་པ་སྤོང་བར་འགྱུར་རོ།། གང་ཞིག་གཟུགས་ལ་སྲེད་པ་ཡོངས་སུ་སྤངས་བས། སེམས་རྣམ་པར་གྲོལ་བར་འགྱུར་རོ།། དེ་བཞིན་དུ་ཚོར་བ་དང་། འདུ་ཤེས་དང་། འདུ་བྱེད་དང་། རྣམ་པར་ཤེས་པ་རྣམས་ལ་ཡོངས་སུ་བརྟགས་པར་བྱ་སྟེ། འདས་པ་དང་། མ་འོངས་བ་དང་། ད་ལྟ་དང་། ནང་དང་། ཕྱི་རོལ་དང་། རགས་པ་དང་། ཕྲ་བ་དང་། མཛེས་པ་དང་། བཙོག་པ་དང་། རིང་བ་དང་། ཉེ་བའི་ཆོས་དེ་དག་ལ་ཡོངས་སུ་བརྟགས་པས་དེ་དག་ཐམས་ཅད་མི་རྟག་པར་ཤེས་པར་འགྱུར་རོ།། མི་རྟག་པ་ཡོངས་སུ་ཤེས་པས་རྣམ་པར་ཤེས་པ་སོགས་ལ་སྲེད་པ་སྤོང་བར་འགྱུར་རོ།། གང་ཞིག་རྣམ་པར་ཤེས་པ་སོགས་ལ་སྲེད་པ་ཡོངས་སུ་སྤངས་བས་སེམས་རྣམ་པར་གྲོལ་བར་འགྱུར་རོ་ཞེས་བདག་བདག་སྨྲའོ།། བཙུན་པ་ཇེའུ་པོ། དེ་ལྟར་དགེ་སློང་དག་གི་སེམས་རྣམ་པར་གྲོལ་བས་སེམས་རྣམ་པར་གྲོལ་བར་ཞེས་དེ་བཞིན་གཤེགས་པ་སྨྲའོ།། དེ་ཅིའི་ཕྱིར་ཞེ་ན། འདོད་པའི་སྲེད་པ་ཡོངས་སུ་སྤངས་བའི་ཕྱིར་རོ།། གང་ཞིག་འདོད་པའི་སྲེད་པ་ཡོངས་སུ་སྤངས་བས་སེམས་རྣམ་པར་གྲོལ་བར་འགྱུར་རོ་ཞེས་དེ་བཞིན་གཤེགས་པ་སྨྲའོ།། དེའི་ཚེ། དགེ་སློང་ཇེའུ་པོས་བཅོམ་ལྡན་འདས་ཀྱིས་དེ་སྐད་ཅེས་བཀའ་སྩལ་པ་ཐོས་ནས་སེམས་རབ་ཏུ་དགའ་ནས་བཅོམ་ལྡན་འདས་ཀྱི་ཞབས་ལ་མགོ་བོས་ཕྱག་འཚལ་ཏེ་སོང་ངོ།། དེའི་ཚེ། དགེ་སློང་ཇེའུ་པོས་དེ་བཞིན་གཤེགས་པའི་གདམས་པ་ཡོངས་སུ་ནས་དབེན་པའི་གནས་སུ་ཕྱོགས་གཅིག་ཏུ་བསྡད་ནས་བག་མེད་པ་སྤོང་བར་སྒོ་ནས་ནན་ཏན་གྱིས་ཡང་དག་པའི་དོན་ལ་ཞུགས་སོ་ཞེས་པ་ནས་སྐྱེ་བ་ཕྱི་མ་མི་ལེན་པའི་བར་དུའོ།། དེ་ནས་སེམས་རྣམ་པར་གྲོལ་ནས་དགྲ་བཅོམ་པའི་གོ་འཕང་ཐོབ་པའོ།།^p37
༼༢༣༽འདི་སྐད་བདག་གིས་ཐོས་པ་དུས་གཅིག་ན། བཅོམ་ལྡན་འདས་རྒྱལ་པོའི་ཁབ་ཀ་ལན་ཏ་ཀའི་སྨྱུག་མའི་ཚལ་ན་བཞུགས་སོ།། དེའི་ཚེ། བཙུན་པ་སྒྲ་གཅན་འཛིན་བཅོམ་ལྡན་འདས་ག་ལ་བ་དེར་སོང་ནས་བཅོམ་ལྡན་འདས་ཀྱི་ཞབས་ལ་མགོ་བོས་རབ་ཏུ་ཕྱག་འཚལ་ཏེ་ཕྱོགས་གཅིག་ཏུ་འདུག་གོ ། དེ་ནས་བཅོམ་ལྡན་འདས་ལ་གསོལ་བ། བཅོམ་ལྡན་འདས། ཇི་ལྟར་བྱས་ཏེ་བདག་གི་རྣམ་པར་ཤེས་པ་དང་། ལུས་དང་། ཕྱི་རོལ་གྱི་དངོས་པོ་རྣམས་ཡོངས་སུ་ཤེས་ཤིང་མཐོང་ནས་བདག་དང་། བདག་གི་བ་དང་། བདག་ཏུ་ང་རྒྱལ་བ་བཅས་ཀྱི་འཆིང་བ་རྣམས་མེད་པར་འགྱུར་རོ།། དེ་ནས་བཅོམ་ལྡན་འདས་ཀྱིས་བཙུན་པ་སྒྲ་གཅན་འཛིན་ལ་བཀའ་སྩལ་པ། ལེགས་སོ།། ལེགས་སོ།། ཁྱེད་ཀྱིས་བདག་ལ་བཅོམ་ལྡན་འདས། ཇི་ལྟར་བྱས་ཏེ་བདག་གི་རྣམ་པར་ཤེས་པ་དང་། ལུས་དང་། ཕྱི་རོལ་གྱི་དངོས་པོ་རྣམས་ཡོངས་སུ་ཤེས་ཤིང་མཐོང་ནས་བདག་དང་། བདག་གི་བ་དང་། བདག་ཏུ་ང་རྒྱལ་བ་བཅས་ཀྱི་འཆིང་བ་རྣམས་མེད་པར་འགྱུར་རོ་ཞེས་དྲིས་པ་ཡིན་ནམ། བཙུན་པ་སྒྲ་གཅན་འཛིན་གྱིས་གསོལ་བ། བཅོམ་ལྡན་འདས། དེ་ལྟར་ལགས་སོ།། དེ་ནས་བཅོམ་ལྡན་འདས་ཀྱིས་བཙུན་པ་སྒྲ་གཅན་འཛིན་ལ་བཀའ་སྩལ་པ། ཁྱེད་ཀྱིས་ལེགས་པར་ཉོན་ལ་ཡིད་ལ་ཟུངས་ཤིག་དང་ངས་ཁྱེད་ལ་བསྟན་པར་བྱའོ།། བཙུན་པ་སྒྲ་གཅན་འཛིན། འདི་ལྟ་སྟེ། འདས་པ་དང་། མ་འོངས་བ་དང་། ད་ལྟ་དང་། ནང་དང་། ཕྱི་རོལ་དང་། རགས་པ་དང་། ཕྲ་བ་དང་། མཛེས་པ་དང་། བཙོག་པ་དང་། རིང་བ་དང་། ཉེ་བའི་གཟུགས་རྣམས་ལ་ཡོངས་སུ་བརྟགས་པས་དེ་དག་ཐམས་ཅད་བདག་མ་ཡིན་པ་དང་། བདག་ལས་གཞན་མ་ཡིན་པ་དང་། བདག་ཤེས་རིག་གི་སྐྱེ་བུ་མི་ལྡན་པའོ་ཞེས་མཉམ་པ་ཉིད་ཀྱི་ཤེས་རབ་ཀྱིས་ཡོངས་སུ་བལྟ་བར་བྱའོ།། དེ་བཞིན་དུ་ཚོར་བ་དང་། འདུ་ཤེས་དང་། འདུ་བྱེད་དང་། རྣམ་པར་ཤེས་པ་རྣམས་ལ་ཡོངས་སུ་བརྟགས་པར་བྱ་སྟེ། འདས་པ་དང་། མ་འོངས་བ་དང་། ད་ལྟ་དང་། ནང་དང་། ཕྱི་རོལ་དང་། རགས་པ་དང་། ཕྲ་བ་དང་། མཛེས་པ་དང་། བཙོག་པ་དང་། རིང་བ་དང་། ཉེ་བའི་ཆོས་དེ་དག་ལ་ཡོངས་སུ་བརྟགས་པས་དེ་དག་ཐམས་ཅད་ཀྱང་བདག་མ་ཡིན་པ་དང་། བདག་ལས་གཞན་མ་ཡིན་པ་དང་། བདག་ཤེས་རིག་གི་སྐྱེ་བུ་མི་ལྡན་པའོ་ཞེས་མཉམ་པ་ཉིད་ཀྱི་ཤེས་རབ་ཀྱིས་ཡོངས་སུ་བལྟ་བར་བྱའོ།། བཙུན་པ་སྒྲ་གཅན་འཛིན། དགེ་སློང་གང་གིས་དེ་ལྟར་ཤེས་པ་དང་། དེ་ལྟར་མཐོང་བར་བྱའོ།། གང་ཞིག་དེ་ལྟར་ཤེས་པ་དང་། དེ་ལྟར་དུ་མཐོང་བས་རྣམ་པར་ཤེས་པ་དང་། ལུས་དང་། ཕྱི་རོལ་གྱི་དངོས་པོ་རྣམས་ལ་བདག་དང་། བདག་གི་བ་དང་། བདག་ཏུ་ང་རྒྱལ་བ་བཅས་ཀྱི་འཆིང་བ་རྣམས་མེད་པར་འགྱུར་རོ།། བཙུན་པ་སྒྲ་གཅན་འཛིན། དགེ་སློང་གང་ཞིག་བདག་གི་རྣམ་པར་ཤེས་པ་དང་། ལུས་དང་། ཕྱི་རོལ་གྱི་དངོས་པོ་རྣམས་ལ་བདག་དང་། བདག་གི་བ་དང་།བདག་ཏུ་ང་རྒྱལ་བ་བཅས་ཀྱི་འཆིང་བ་རྣམས་མེད་པས། དགེ་སློང་དེ་ལ་ནི་འདོད་པའི་སྲེད་པ་རྣམས་བཅད་པ་དང་། ཉོན་མོངས་པའི་མདུད་པ་རྣམས་གྲོལ་བ་དང་། སྒྲིབ་པ་རྣམ་པར་དག་པ་དང་། སྡུག་བསྔལ་ཐམས་ཅད་ཀྱིས་མཐའ་ཟད་པ་ཞེས་བྱའོ།། དེའི་ཚེ། བཙུན་པ་སྒྲ་ཅན་འཛིན་གྱིས་བཅོམ་ལྡན་འདས་ཀྱིས་བཀའ་སྩལ་པ་ཐོས་ནས། སེམས་རབ་ཏུ་དགའ་ནས་ཉམས་སུ་བླངས་པའོ།།^p38
༼༢༤༽འདི་སྐད་བདག་གིས་ཐོས་པ་དུས་གཅིག་ན། བཅོམ་ལྡན་འདས་རྒྱལ་པོའི་ཁབ་ཀ་ལན་ཏ་ཀའི་སྨྱུག་མའི་ཚལ་ན་བཞུགས་སོ།། དེའི་ཚེ། བཅོམ་ལྡན་འདས་ཀྱིས་སྒྲ་གཅན་འཛིན་ལ་བཀའ་སྩལ་པ། དགེ་སློང་། ཇི་ལྟར་བྱས་ཏེ་བདག་གི་རྣམ་པར་ཤེས་པ་དང་། ལུས་དང་། ཕྱི་རོལ་གྱི་དངོས་པོ་རྣམས་ཡོངས་སུ་ཤེས་ཤིང་མཐོང་ནས་བདག་དང་། བདག་གི་བ་དང་། བདག་ཏུ་ང་རྒྱལ་བ་བཅས་ཀྱི་འཆིང་བ་རྣམས་མེད་པར་འགྱུར་རོ།། སྒྲ་ཅན་འཛིན་གྱིས་གསོལ་བ། བཅོམ་ལྡན་འདས་ནི་ཆོས་ཀྱི་བདག་པོ་དང་། འདྲེན་པར་གྱུར་པ་དང་། མགོན་དུ་གྱུར་པ་ཡིན་ལ། ལགས་སོ།། བཅོམ་ལྡན་འདས། ཉིད་ཀྱིས་དགེ་སློང་རྣམས་ལ་དེའི་དོན་བསྟན་དུ་གསོལ། དགེ་སློང་རྣམས་ཀྱིས་ཐོས་ནས་ཀྱང་ཚུལ་བཞིན་དུ་ཉམས་སུ་ལེན་པར་འགྱུར་རོ།། དེ་ནས་བཅོམ་ལྡན་འདས་ཀྱིས་བཙུན་པ་སྒྲ་གཅན་འཛིན་ལ་བཀའ་སྩལ་པ། ཁྱེད་ཀྱིས་ལེགས་པར་ཉོན་ལ་ཡིད་ལ་ཟུངས་ཤིག་དང་ངས་ཁྱེད་ལ་བསྟན་པར་བྱའོ།། དེ་ནས་སྒྲ་གཅན་འཛིན་གྱིས་གསོལ་བ། ལགས་སོ།། དེ་དེ་བཞིན་དུ་འཛིན་ཏོ།། དེ་ནས་བཅོམ་ལྡན་འདས་ཀྱིས་བཙུན་པ་སྒྲ་གཅན་འཛིན་ལ་བཀའ་སྩལ་པ། སྒྲ་གཅན་འཛིན། འདི་ལྟ་སྟེ། འདས་པ་དང་། མ་འོངས་བ་དང་། ད་ལྟ་དང་། ནང་དང་། ཕྱི་རོལ་དང་། རགས་པ་དང་། ཕྲ་བ་དང་། མཛེས་པ་དང་། བཙོག་པ་དང་། རིང་བ་དང་། ཉེ་བའི་གཟུགས་རྣམས་ལ་ཡོངས་སུ་བརྟགས་པས་དེ་དག་ཐམས་ཅད་བདག་མ་ཡིན་པ་དང་། བདག་ལས་གཞན་མ་ཡིན་པ་དང་། བདག་ཤེས་རིག་གི་སྐྱེ་བུ་མི་ལྡན་པའོ་ཞེས་མཉམ་པ་ཉིད་ཀྱི་ཤེས་རབ་ཀྱིས་ཡོངས་སུ་བལྟ་བར་བྱའོ།། དེ་བཞིན་དུ་ཚོར་བ་དང་། འདུ་ཤེས་དང་། འདུ་བྱེད་དང་། རྣམ་པར་ཤེས་པ་རྣམས་ལ་ཡོངས་སུ་བརྟགས་པར་བྱ་སྟེ། འདས་པ་དང་། མ་འོངས་པ་དང་། ད་ལྟ་དང་། ནང་དང་། ཕྱི་རོལ་དང་། རགས་པ་དང་། ཕྲ་བ་དང་། མཛེས་པ་དང་། བཙོག་པ་དང་། རིང་བ་དང་། ཉེ་བའི་ཆོས་དེ་དག་ལ་ཡོངས་སུ་བརྟགས་པས་དེ་དག་ཐམས་ཅད་ཀྱང་བདག་མ་ཡིན་པ་དང་། བདག་ལས་གཞན་མ་ཡིན་པ་དང་། བདག་ཤེས་རིག་གི་སྐྱེ་བུ་མི་ལྡན་པའོ་ཞེས་མཉམ་པ་ཉིད་ཀྱི་ཤེས་རབ་ཀྱིས་ཡོངས་སུ་བལྟ་བར་བྱའོ།། དགེ་སློང་གང་གིས་དེ་ལྟར་ཤེས་པ་དང་། དེ་ལྟར་དུ་མཐོང་བས་རྣམ་པར་ཤེས་པ་དང་། ལུས་དང་། ཕྱི་རོལ་གྱི་དངོས་པོ་རྣམས་ལ་བདག་དང་། བདག་གི་བ་དང་། བདག་ཏུ་ང་རྒྱལ་བ་བཅས་ཀྱི་འཆིང་བ་རྣམས་མེད་པར་འགྱུར་རོ།། སྒྲ་ཅན་འཛིན། དེ་ལྟར་དུ་ཤེས་པ་དང་། དེ་ལྟར་དུ་མཐོང་བས། རྣམ་པར་ཤེས་པ་དང་། ལུས་དང་། ཕྱི་རོལ་གྱི་དངོས་པོ་རྣམས་ལ་བདག་དང་། བདག་གི་བ་དང་། བདག་ཏུ་ང་རྒྱལ་བ་བཅས་ཀྱི་འཆིང་བ་རྣམས་མེད་པར་འགྱུར་བས། སོམ་ཉི་ལས་ཡོངས་སུ་བརྒལ་བ་དང་། མཚན་མ་ལས་ཡོངས་སུ་འདས་པ་དང་། ཞི་བ་དང་། རྣམ་པར་གྲོལ་བར་འགྱུར་རོ།། དགེ་སློང་དེ་ལ་ནི་འདོད་པས་སྲེད་པ་རྣམས་བཅད་པ་དང་། ཉོན་མོངས་པས་མདུད་པ་རྣམས་གྲོལ་བ་དང་། སྒྲིབ་པ་རྣམ་པར་དག་པ་དང་། སྡུག་བསྔལ་ཐམས་ཅད་ཀྱིས་མཐའ་ཟད་པ་ཞེས་བྱའོ།། དེའི་ཚེ། བཙུན་པ་སྒྲ་ཅན་འཛིན་གྱིས་བཅོམ་ལྡན་འདས་ཀྱིས་བཀའ་སྩལ་པ་ཐོས་ནས། རྗེས་སུ་ཡི་རངས་ཏེ་བཅོམ་ལྡན་འདས་ཀྱི་གསུངས་པ་ལ་མངོན་པར་བསྟོད་དོ།། དེ་ལྟར་ཉོན་མོངས་པའི་རྗེས་སུ་འབྲེལ་བ་དང་། འཁོར་བའི་གྲངས་རྣམ་པར་འཕེལ་བ་དང་། བདག་མ་ཡིན་པ་དང་། དེ་ཉིད་མ་ཡིན་པ་དང་། མདུད་པའི་འཆིང་བ་དང་། ཉོན་མོངས་པའི་གོས་པ་དང་། བདུད་ཀྱིས་གཡོ་བ་དང་། ཇེའུ་པོ་ཞེས་པའི་མདོ་དང་། སྒྲ་གཅན་འཛིན་གྱིས་ཞུས་པའི་མདོ་གཉིས་ཞེས་བསྟན་པའོ།།^p39
༼༢༥༽འདི་སྐད་བདག་གིས་ཐོས་པ་དུས་གཅིག་ན། བཅོམ་ལྡན་འདས་རྒྱལ་པོའི་ཁབ་རྒྱལ་བུ་རྒྱལ་བྱེད་ཀྱི་ཚལ་མགོན་མེད་ཟས་སྦྱིན་གྱི་ཀུན་དགའ་ར་བ་ན་བཞུགས་སོ།། དེའི་ཚེ། དགེ་སློང་གཅིག་བཅོམ་ལྡན་འདས་ག་ལ་བ་དེར་འོངས་ནས་བཅོམ་ལྡན་འདས་ཀྱི་ཞབས་ལ་མགོ་བོས་རབ་ཏུ་ཕྱག་འཚལ་ཏེ་ཕྱོགས་གཅིག་ཏུ་འདུག་གོ ། དེ་ནས་དགེ་སློང་དེས་བཅོམ་ལྡན་འདས་ལ་གསོལ་བ། བཅོམ་ལྡན་འདས། ཉིད་ཀྱིས་མང་དུ་ཐོས་པ་ཞེས་གསུངས་ན། མང་དུ་ཐོས་པ་དེ་གང་ལགས། དེ་ནས་བཅོམ་ལྡན་འདས་ཀྱིས་དགེ་སློང་ལ་བཀའ་སྩལ་བ། ལེགས་སོ།། ལེགས་སོ།། ཁྱེད་ཀྱིས་བདག་ལ་མང་དུ་ཐོས་པའི་དོན་འདྲི་བ་ཡིན་ནམ། དགེ་སློང་དེས་བཅོམ་ལྡན་འདས་ལ་གསོལ་བ། ལགས་སོ།། བཅོམ་ལྡན་འདས། དེ་ལྟར་དུ་ལགས་སོ།། དེ་ནས་བཅོམ་ལྡན་འདས་ཀྱིས་དགེ་སློང་ལ་བཀའ་སྩལ་བ། ཁྱེད་ཀྱིས་ལེགས་པར་ཉོན་ལ་ཡིད་ལ་ཟུངས་ཤིག་དང་ངས་ཁྱེད་ལ་བསྟན་པར་བྱའོ།། དགེ་སློང་། འདི་ལྟ་སྟེ། གང་ཞིག་གཟུགས་ངེས་པར་འབྱུང་བ་དང་། འདོད་པ་དང་བྲལ་བ་དང་། འགོག་པར་གྱུར་བ་དང་། ཞི་བར་གྱུར་བའི་ཆོས་སུ་ཐོས་པར་གྱུར་ན། དེ་ལ་མང་དུ་ཐོས་པ་ཞེས་བྱའོ།། དེ་བཞིན་དུ་ཚོར་བ་དང་། འདུ་ཤེས་དང་། འདུ་བྱེད་དང་། རྣམ་པར་ཤེས་པ་རྣམས་ཀྱང་ངེས་པར་འབྱུང་བ་དང་། འདོད་པ་དང་བྲལ་བ་དང་། འགོག་པར་གྱུར་བ་དང་། ཞི་བའི་ཆོས་སུ་ཐོས་པར་གྱུར་ན། དེ་ལ་མང་དུ་ཐོས་པ་ཞེས་བྱའོ།། དགེ་སློང་། འདི་ལྟ་སྟེ། དེ་ལ་དེ་བཞིན་གཤེགས་པས་གསུངས་བའི་མང་དུ་ཐོས་པ་ཞེས་བྱའོ།། དེའི་ཚེ། དགེ་སློང་དེས་བཅོམ་ལྡན་འདས་ཀྱིས་བཀའ་སྩལ་པ་ཐོས་ནས། སེམས་རབ་ཏུ་དགའ་སྟེ་བཅོམ་ལྡན་འདས་ཀྱི་ཞབས་ལ་མགོ་བོས་ཕྱག་འཚལ་ནས་རང་གི་གནས་སུ་སོང་ངོ།།^p40
༼༢༦༽འདི་སྐད་བདག་གིས་ཐོས་པ་དུས་གཅིག་ན། བཅོམ་ལྡན་འདས་རྒྱལ་པོའི་ཁབ་རྒྱལ་བུ་རྒྱལ་བྱེད་ཀྱི་ཚལ་མགོན་མེད་ཟས་སྦྱིན་གྱི་ཀུན་དགའ་ར་བ་ན་བཞུགས་སོ།། དེའི་ཚེ། དགེ་སློང་གཅིག་བཅོམ་ལྡན་འདས་ག་ལ་བ་དེར་འོངས་ནས་བཅོམ་ལྡན་འདས་ཀྱི་ཞབས་ལ་མགོ་བོས་རབ་ཏུ་ཕྱག་འཚལ་ཏེ་ཕྱོགས་གཅིག་ཏུ་འདུག་གོ ། དེ་ནས་དགེ་སློང་དེས་བཅོམ་ལྡན་འདས་ལ་གསོལ་བ། བཅོམ་ལྡན་འདས། ཉིད་ཀྱིས་ཆོས་སྨྲ་བའི་དགེ་བའི་བཤེས་གཉེན་ཞེས་གསུངས་ན། ཆོས་སྨྲ་བའི་དགེ་བའི་བཤེས་གཉེན་དེ་གང་ལགས། དེ་ནས་བཅོམ་ལྡན་འདས་ཀྱིས་དགེ་སློང་ལ་བཀའ་སྩལ་བ། ལེགས་སོ།། ལེགས་སོ།། ཁྱེད་ཀྱིས་བདག་ལ་ཆོས་སྨྲ་བའི་དགེ་བའི་བཤེས་གཉེན་གྱི་དོན་འདྲི་བ་ཡིན་ནམ། དགེ་སློང་དེས་བཅོམ་ལྡན་འདས་ལ་གསོལ་བ། ལགས་སོ།། བཅོམ་ལྡན་འདས། དེ་ལྟར་དུ་ལགས་སོ།། དེ་ནས་བཅོམ་ལྡན་འདས་ཀྱིས་དགེ་སློང་ལ་བཀའ་སྩལ་བ། ཁྱེད་ཀྱིས་ལེགས་པར་ཉོན་ལ་ཡིད་ལ་ཟུངས་ཤིག་དང་ངས་ཁྱེད་ལ་བསྟན་པར་བྱའོ།། དགེ་སློང་། འདི་ལྟར་ཤེས་པར་བྱ་སྟེ། གང་ཞིག་གཟུགས་ངེས་པར་འབྱུང་བ་དང་། འདོད་པ་དང་བྲལ་བ་དང་། འགོག་པར་གྱུར་བ་དང་། ཞི་བར་གྱུར་བའི་ཆོས་སུ་སྨྲ་བར་གྱུར་ན། དེ་ལ་ཆོས་སྨྲ་བའི་དགེ་བའི་བཤེས་གཉེན་ཞེས་བྱའོ།། དེ་བཞིན་དུ་ཚོར་བ་དང་། འདུ་ཤེས་དང་། འདུ་བྱེད་དང་། རྣམ་པར་ཤེས་པ་རྣམས་ཀྱང་ངེས་པར་འབྱུང་བ་དང་། འདོད་པ་དང་བྲལ་བ་དང་། འགོག་པར་གྱུར་བ་དང་། ཞི་བའི་ཆོས་སུ་སྨྲ་བར་གྱུར་ན། དེ་ལ་ཆོས་སྨྲ་བའི་དགེ་བའི་བཤེས་གཉེན་ཞེས་བྱའོ།། དགེ་སློང་། འདི་ལྟ་སྟེ། དེ་ལ་དེ་བཞིན་གཤེགས་པས་གསུངས་བའི་ཆོས་སྨྲ་བའི་དགེ་བའི་གཤེས་གཉེན་ཞེས་བྱའོ།། དེའི་ཚེ། དགེ་སློང་དེས་བཅོམ་ལྡན་འདས་ཀྱིས་བཀའ་སྩལ་པ་ཐོས་ནས། སེམས་རབ་ཏུ་དགའ་སྟེ་བཅོམ་ལྡན་འདས་ཀྱི་ཞབས་ལ་མགོ་བོས་ཕྱག་འཚལ་ནས་རང་གི་གནས་སུ་སོང་ངོ།།^p41
༼༢༧༽འདི་སྐད་བདག་གིས་ཐོས་པ་དུས་གཅིག་ན། བཅོམ་ལྡན་འདས་རྒྱལ་པོའི་ཁབ་རྒྱལ་བུ་རྒྱལ་བྱེད་ཀྱི་ཚལ་མགོན་མེད་ཟས་སྦྱིན་གྱི་ཀུན་དགའ་ར་བ་ན་བཞུགས་སོ།། དེའི་ཚེ། དགེ་སློང་གཅིག་བཅོམ་ལྡན་འདས་ག་ལ་བ་དེར་འོངས་ནས་བཅོམ་ལྡན་འདས་ཀྱི་ཞབས་ལ་མགོ་བོས་རབ་ཏུ་ཕྱག་འཚལ་ཏེ་ཕྱོགས་གཅིག་ཏུ་འདུག་གོ ། དེ་ནས་དགེ་སློང་དེས་བཅོམ་ལྡན་འདས་ལ་ལ་གསོལ་བ། བཅོམ་ལྡན་འདས། ཉིད་ཀྱིས་ཆོས་ཀྱི་རྗེས་སུ་འབྲངས་བ་དང་ཆོས་ཀྱི་རྗེས་སུ་ཞུགས་པ་ཞེས་གསུངས་ན། ཆོས་ཀྱི་རྗེས་སུ་འབྲངས་བ་དང་ཆོས་ཀྱི་རྗེས་སུ་ཞུགས་པ་དེ་གང་ལགས། དེ་ནས་བཅོམ་ལྡན་འདས་ཀྱིས་དགེ་སློང་ལ་བཀའ་སྩལ་བ། ལེགས་སོ།། ལེགས་སོ།། ཁྱེད་ཀྱིས་བདག་ལ་ཆོས་ཀྱི་རྗེས་སུ་འབྲངས་བ་དང་ཆོས་ཀྱི་རྗེས་སུ་ཞུགས་པ་ཞེས་པའི་དོན་འདྲི་བ་ཡིན་ནམ། དགེ་སློང་དེས་བཅོམ་ལྡན་འདས་ལ་གསོལ་བ། ལགས་སོ།། བཅོམ་ལྡན་འདས། དེ་ལྟར་དུ་ལགས་སོ།། དེ་ནས་བཅོམ་ལྡན་འདས་ཀྱིས་དགེ་སློང་ལ་བཀའ་སྩལ་བ། ཁྱེད་ཀྱིས་ལེགས་པར་ཉོན་ལ་ཡིད་ལ་ཟུངས་ཤིག་དང་ངས་ཁྱེད་ལ་བསྟན་པར་བྱའོ།། དགེ་སློང་། འདི་ལྟ་སྟེ། གང་ཞིག་གཟུགས་ངེས་པར་འབྱུང་བ་དང་། འདོད་པ་དང་བྲལ་བ་དང་། འགོག་པར་གྱུར་བ་ན། དེ་ལ་ཆོས་ཀྱི་རྗེས་སུ་འབྲངས་བ་དང་ཆོས་ཀྱི་རྗེས་སུ་ཞུགས་པ་ཞེས་བྱའོ།། དེ་བཞིན་དུ་ཚོར་བ་དང་། འདུ་ཤེས་དང་། འདུ་བྱེད་དང་། རྣམ་པར་ཤེས་པ་རྣམས་ཀྱང་ངེས་པར་འབྱུང་བ་དང་། འདོད་པ་དང་བྲལ་བ་དང་། འགོག་པར་གྱུར་བ་ན། དེ་ལ་ཆོས་ཀྱི་རྗེས་སུ་འབྲངས་བ་དང་ཆོས་ཀྱི་རྗེས་སུ་ཞུགས་པ་ཞེས་བྱའོ།། དགེ་སློང་། འདི་ལྟ་སྟེ། དེ་ལ་དེ་བཞིན་གཤེགས་པས་གསུངས་བའི་ཆོས་ཀྱི་རྗེས་སུ་འབྲངས་བ་དང་ཆོས་ཀྱི་རྗེས་སུ་ཞུགས་པ་ཞེས་བྱའོ།། དེའི་ཚེ། དགེ་སློང་དེས་བཅོམ་ལྡན་འདས་ཀྱིས་བཀའ་སྩལ་པ་ཐོས་ནས། སེམས་རབ་ཏུ་དགའ་སྟེ་བཅོམ་ལྡན་འདས་ཀྱི་ཞབས་ལ་མགོ་བོས་ཕྱག་འཚལ་ནས་རང་གི་གནས་སུ་སོང་ངོ།།^p42
༼༢༨༽འདི་སྐད་བདག་གིས་ཐོས་པ་དུས་གཅིག་ན། བཅོམ་ལྡན་འདས་རྒྱལ་པོའི་ཁབ་རྒྱལ་བུ་རྒྱལ་བྱེད་ཀྱི་ཚལ་མགོན་མེད་ཟས་སྦྱིན་གྱི་ཀུན་དགའ་ར་བ་ན་བཞུགས་སོ།། དེའི་ཚེ། དགེ་སློང་གཅིག་བཅོམ་ལྡན་འདས་ག་ལ་བ་དེར་འོངས་ནས་བཅོམ་ལྡན་འདས་ཀྱི་ཞབས་ལ་མགོ་བོས་རབ་ཏུ་ཕྱག་འཚལ་ཏེ་ཕྱོགས་གཅིག་ཏུ་འདུག་གོ ། དེ་ནས་དགེ་སློང་དེས་བཅོམ་ལྡན་འདས་ལ་ལ་གསོལ་བ། བཅོམ་ལྡན་འདས། ཉིད་ཀྱིས་ཆོས་མཐོང་ནས་མྱ་ངན་ལས་འདས་པ་ཐོབ་པར་གསུངས་ན། དགེ་སློང་གང་གིས་ཆོས་མཐོང་ནས་མྱ་ངན་ལས་འདས་པ་ཐོབ་པ་དེ་གང་ལགས།། དེ་ནས་བཅོམ་ལྡན་འདས་ཀྱིས་དགེ་སློང་ལ་བཀའ་སྩལ་བ། ལེགས་སོ།། ལེགས་སོ།། ཁྱེད་ཀྱིས་ཆོས་མཐོང་ནས་མྱ་ངན་ལས་འདས་པ་ཐོབ་པའི་དོན་འདྲི་བ་ཡིན་ནམ། དགེ་སློང་དེས་བཅོམ་ལྡན་འདས་ལ་གསོལ་བ། ལགས་སོ།། བཅོམ་ལྡན་འདས། དེ་ལྟར་དུ་ལགས་སོ།། དེ་ནས་བཅོམ་ལྡན་འདས་ཀྱིས་དགེ་སློང་ལ་བཀའ་སྩལ་བ། ཁྱེད་ཀྱིས་ལེགས་པར་ཉོན་ལ་ཡིད་ལ་ཟུངས་ཤིག་དང་ངས་ཁྱེད་ལ་བསྟན་པར་བྱའོ།། དགེ་སློང་། འདི་ལྟ་སྟེ། གང་ཞིག་གཟུགས་ངེས་པར་འབྱུང་བ་དང་། འདོད་པ་དང་བྲལ་བ་དང་། འགོག་པར་གྱུར་བ་དང་། ཟག་པའི་ཉོན་མོངས་པ་མི་འབྱུང་བ་དང་། སེམས་ཡང་དག་པར་གྲོལ་བ་ལ་ཆོས་མཐོང་ནས་མྱ་ངན་ལས་འདས་པའི་དགེ་སློང་ཞེས་བྱའོ།། དེ་བཞིན་དུ་ཚོར་བ་དང་། འདུ་ཤེས་དང་། འདུ་བྱེད་དང་། རྣམ་པར་ཤེས་པ་རྣམས་ཀྱང་ངེས་པར་འབྱུང་བ་དང་། འདོད་པ་དང་བྲལ་བ་དང་། འགོག་པར་གྱུར་བ་དང་། ཟག་པའི་ཉོན་མོངས་པ་མི་འབྱུང་བ་དང་། སེམས་ཡང་དག་པར་གྲོལ་བ་ལ་ཆོས་མཐོང་ནས་མྱ་ངན་ལས་འདས་པའི་དགེ་སློང་ཞེས་བྱའོ།། དེའི་ཚེ། དགེ་སློང་དེས་བཅོམ་ལྡན་འདས་ཀྱིས་བཀའ་སྩལ་པ་ཐོས་ནས། སེམས་རབ་ཏུ་དགའ་སྟེ་བཅོམ་ལྡན་འདས་ཀྱི་ཞབས་ལ་མགོ་བོས་ཕྱག་འཚལ་ནས་རང་གི་གནས་སུ་སོང་ངོ།།^p43
༼༢༩༽འདི་སྐད་བདག་གིས་ཐོས་པ་དུས་གཅིག་ན། བཅོམ་ལྡན་འདས་རྒྱལ་པོའི་ཁབ་རྒྱལ་བུ་རྒྱལ་བྱེད་ཀྱི་ཚལ་མགོན་མེད་ཟས་སྦྱིན་གྱི་ཀུན་དགའ་ར་བ་ན་བཞུགས་སོ།། དེའི་ཚེ། དགེ་སློང་ཟན་མིས་ནེའུ་ཐུའུ་ ཞེས་པ་ཞིག་བཅོམ་ལྡན་འདས་ག་ལ་བ་དེར་འོངས་ནས་བཅོམ་ལྡན་འདས་ཀྱི་ཞབས་ལ་མགོ་བོས་རབ་ཏུ་ཕྱག་འཚལ་ཏེ་ཕྱོགས་གཅིག་ཏུ་འདུག་གོ ། དེ་ནས་དགེ་སློང་དེས་བཅོམ་ལྡན་འདས་ལ་གསོལ་བ། བཅོམ་ལྡན་འདས། ཉིད་ཀྱིས་ཆོས་སྨྲ་བའི་དགེ་བའི་བཤེས་གཉེན་ཞེས་གསུངས་ན། ཆོས་སྨྲ་བའི་དགེ་བའི་བཤེས་གཉེན་དེ་གང་ལགས། དེ་ནས་བཅོམ་ལྡན་འདས་ཀྱིས་དགེ་སློང་ལ་བཀའ་སྩལ་བ། ཁྱེད་ཀྱིས་ཆོས་སྨྲ་བའི་དགེ་བའི་བཤེས་གཉེན་གྱི་དོན་འདྲི་བ་ཡིན་ནམ། དགེ་སློང་དེས་བཅོམ་ལྡན་འདས་ལ་གསོལ་བ། ལགས་སོ།། བཅོམ་ལྡན་འདས། དེ་ལྟར་དུ་ལགས་སོ།། དེ་ནས་བཅོམ་ལྡན་འདས་ཀྱིས་དགེ་སློང་ལ་བཀའ་སྩལ་བ། ཁྱེད་ཀྱིས་ལེགས་པར་ཉོན་ལ་ཡིད་ལ་ཟུངས་ཤིག་དང་ངས་ཁྱེད་ལ་བསྟན་པར་བྱའོ།། དགེ་སློང་། འདི་ལྟ་སྟེ། གང་ཞིག་གཟུགས་ངེས་པར་འབྱུང་བ་དང་། འདོད་པ་དང་བྲལ་བ་དང་། འགོག་པར་གྱུར་བ་ན། དེ་ལ་ཆོས་སྨྲ་བའི་དགེ་བའི་བཤེས་གཉེན་ཞེས་བྱའོ།། དེ་བཞིན་དུ་ཚོར་བ་དང་། འདུ་ཤེས་དང་། འདུ་བྱེད་དང་། རྣམ་པར་ཤེས་པ་རྣམས་ཀྱང་ངེས་པར་འབྱུང་བ་དང་། འདོད་པ་དང་བྲལ་བ་དང་། འགོག་པར་གྱུར་བ་ན། དེ་ལ་ཆོས་སྨྲ་བའི་དགེ་བའི་བཤེས་གཉེན་ཞེས་བྱའོ།། དེའི་ཚེ། དགེ་སློང་དེས་བཅོམ་ལྡན་འདས་ཀྱིས་བཀའ་སྩལ་པ་ཐོས་ནས། སེམས་རབ་ཏུ་དགའ་སྟེ་བཅོམ་ལྡན་འདས་ཀྱི་ཞབས་ལ་མགོ་བོས་ཕྱག་འཚལ་ནས་རང་གི་གནས་སུ་སོང་ངོ།། མང་དུ་ཐོས་པ་དང་། ཆོས་སྨྲ་བ་དང་། ཆོས་སུ་ཞུགས་པ་དང་། མྱ་ངན་ལས་འདས་པ་དང་། ཟན་མིས་ནེའུ་ཐུའུ་ཡིས་སྤྲིངས་པའི་ཆོས་སྨྲ་བའི་དགེ་བའི་བཤེས་གཉེན་ཞེས་པའོོ།།^p44
༼༣༠༽འདི་སྐད་བདག་གིས་ཐོས་པ་དུས་གཅིག་ན། བཅོམ་ལྡན་འདས་རྒྱལ་པོའི་ཁབ་ཀ་ལན་ཏ་ཀའི་སྨྱུག་མའི་ཚལ་ན་བཞུགས་སོ།། དེའི་ཚེ། བཙུན་པ་ཤཱ་རིའི་བུ་བྱ་རྒོད་ཕུང་པོ་རི་བོ་ལ་བཞུགས་སོ།། ཡང་དུས་གཅིག་ན། ཁྱིམ་བདག་གི་བུ་གྲོ་བཞིན་སྐྱེས་རྣ་བ་བྱེ་བ་རི་ཞེས་བྱ་བ། ཉིན་རེ་ལྟར། ཡུལ་བྱ་རྒོད་ཕུང་པོ་རི་བོར་བཙུན་པ་ཤཱ་རིའི་བུ་ག་ལ་བ་དེར་སྤྲོ་གསེང་དུ་ཕྱིན་ཏོ།། གང་གི་ཚེ་དེར་ཕྱིན་ནས་ཀྱང་ཁམས་དྲི་བ་སྔོན་དུ་སོང་ནས་ཕྱོགས་གཅིག་ཏུ་འདུག་གོ ། དེ་ནས་གྲོ་བཞིན་སྐྱེས་ཀྱིས་ཤཱ་རིའི་བུ་ལ་གསོལ་བ། དགེ་སྦྱོང་དང་བྲམ་ཟེ་གང་གིས་མི་རྟག་པ་དང་། འགྱུར་སླ་བ་དང་། བདེ་བ་མ་ཡིན་པའི་གཟུགས་ལ། འདི་ནི་བདག་ལས་མཆོག་གོ། འདི་ནི་བདག་དང་མཉམ་པའོ།། འདི་ནི་བདག་ལས་དམན་པའོ་ཞེས་སྨྲ་ན། དེ་ཅིའི་ཕྱིར་དགེ་སྦྱོང་དང་། བྲམ་ཟེ་དེ་དག་གིས་དེ་ལྟར་དུ་སེམས་པ་ནི་ཡང་དག་པ་མ་མཐོང་བ་ཡིན། དེ་བཞིན་དུ་དགེ་སྦྱོང་དང་། བྲམ་ཟེ་གང་གིས་མི་རྟག་པ་དང་། འགྱུར་སླ་བ་དང་། བདེ་བ་མ་ཡིན་པའི་ཚོར་བ་དང་། འདུ་ཤེས་དང་། འདུ་བྱེད་དང་། རྣམ་པར་ཤེས་པ་རྣམས་ལ་ཡང་འདི་ནི་བདག་ལས་མཆོག་གོ། འདི་ནི་བདག་དང་མཉམ་པའོ།། འདི་ནི་བདག་ལས་དམན་པའོ་ཞེས་སྨྲ་ན། དེ་ཅིའི་ཕྱིར་དགེ་སྦྱོང་དང་། བྲམ་ཟེ་དེ་དག་གིས་དེ་ལྟར་དུ་སེམས་པ་ནི་ཡང་དག་པ་མ་མཐོང་བ་ཡིན། དེ་ནས་ཤཱ་རིའི་བུས་གྲོ་བཞིན་སྐྱེས་ལ་བརྗོད་པ། ཇདགེ་སྦྱོང་དང་བྲམ་ཟེ་གང་གིས་མི་རྟག་པ་དང་། འགྱུར་སླ་བ་དང་། བདེ་བ་མ་ཡིན་པའི་གཟུགས་ལ་འདི་ནི་བདག་ལས་མཆོག་གོ། འདི་ནི་བདག་དང་མཉམ་པའོ།། འདི་ནི་བདག་ལས་དམན་པའོ་ཞེས་སྨྲ་ན། དེ་ཅིའི་ཕྱིར་ཡང་དག་པ་མཐོང་བ་མ་ཡིན་པའོ།། དེ་བཞིན་དུ་མི་རྟག་པ་དང་། འགྱུར་སླ་བ་དང་། བདེ་བ་མ་ཡིན་པའི་ཚོར་བ་དང་། འདུ་ཤེས་དང་། འདུ་བྱེད་དང་། རྣམ་པར་ཤེས་པ་རྣམས་ལ་འདི་ནི་བདག་ལས་མཆོག་གོ། འདི་ནི་བདག་དང་མཉམ་པའོ།། འདི་ནི་བདག་ལས་དམན་པའོ་ཞེས་སྨྲ་ན། དེ་ཅིའི་ཕྱིར་ཡང་དག་པ་མཐོང་བ་མ་ཡིན་པ་ཞེས་སྨྲ་ན། གྲོ་བཞིན་སྐྱེས། ཁྱེད་ཀྱིས་ཅི་སྙམ་དུ་སེམས། གཟུགས་རྟག་པ་ཡིན་ནམ་འོན་ཏེ་མི་རྟག་པ་ཡིན། སྨྲས་པ། དེ་ནི་མི་རྟག་པའོ།། བརྗོད་པ། གྲོ་བཞིན་སྐྱེས། མི་རྟག་པ་དེ་སྡུག་བསྔལ་བ་ཡིན་ནམ། སྨྲས་པ། དེ་ནི་སྡུག་བསྔལ་བའོ།། བརྗོད་པ། གྲོ་བཞིན་སྐྱེས། མི་རྟག་པ་དང་སྡུག་བསྔལ་བ་ནི་འགྱུར་སླ་བའི་ཆོས་ཡིན་ན། ཁྱེད་ཀྱིས་ཅི་སྙམ་དུ་སེམས། འཕགས་པའི་སློབ་མ་རྣམས་ཀྱིས་གཟུགས་ལ་བདག་དང་། བདག་ལས་གཞན་པ་དང་། བདག་ཤེས་རིག་གི་སྐྱེས་བུ་ལྡན་པར་མཐོང་ངམ། སྨྲས་པ། དེ་ནི་མ་མཐོང་ངོ།། བརྗོད་པ།། གྲོ་བཞིན་སྐྱེས། ཁྱེད་ཀྱིས་ཅི་སྙམ་དུ་སེམས། ཚོར་བ་དང་། འདུ་ཤེས་དང་། འདུ་བྱེད་དང་། རྣམ་པར་ཤེས་པ་རྣམས་རྟག་པ་ཡིན་ནམ་འོན་ཏེ་མི་རྟག་པ་ཡིན། སྨྲས་པ། དེ་ནི་མི་རྟག་པའོ།། བརྗོད་པ། མི་རྟག་པ་དེ་སྡུག་བསྔལ་བ་ཡིན་ནམ། སྨྲས་པ། དེ་ནི་སྡུག་བསྔལ་བའོ།། བརྗོད་པ། གྲོ་བཞིན་སྐྱེས། མི་རྟག་པ་དང་སྡུག་བསྔལ་བའི་རྣམ་པར་ཤེས་པ་འགྱུར་བའི་ཆོས་ཡིན་ན། ཁྱེད་ཀྱིས་ཅི་སྙམ་དུ་སེམས། འཕགས་པའི་སློབ་མ་རྣམས་ཀྱིས་རྣམ་པར་ཤེས་པ་ལ་བདག་དང་། བདག་ལས་གཞན་པ་དང་། བདག་ཤེས་རིག་གི་སྐྱེས་བུ་ལྡན་པར་མཐོང་ངམ། སྨྲས་པ། དེ་ནི་མ་མཐོང་ངོ།། བརྗོད་པ། གྲོ་བཞིན་སྐྱེས། འདི་ལྟ་སྟེ། འདས་པ་དང་། མ་འོངས་བ་དང་། ད་ལྟ་དང་། ནང་དང་། ཕྱི་རོལ་དང་། རགས་པ་དང་། ཕྲ་བ་དང་། མཛེས་པ་དང་། བཙོག་པ་དང་། རིང་བ་དང་། ཉེ་བའི་གཟུགས་ལ་ཡོངས་སུ་བརྟགས་པས་དེ་དག་ཐམས་ཅད་བདག་མ་ཡིན་པ་དང་། བདག་ལས་གཞན་མ་ཡིན་པ་དང་། བདག་ཤེས་རིག་གི་སྐྱེ་བུ་མི་ལྡན་པའོ་ཞེས་ཤེས་རབ་ཀྱིས་ཡོངས་སུ་བལྟ་བར་བྱའོ།། དེ་བཞིན་དུ་ཚོར་བ་དང་། འདུ་ཤེས་དང་། འདུ་བྱེད་དང་། རྣམ་པར་ཤེས་པ་རྣམས་ལ་ཡོངས་སུ་བརྟགས་པར་བྱ་སྟེ། འདས་པ་དང་། མ་འོངས་བ་དང་། ད་ལྟ་དང་། ནང་དང་། ཕྱི་རོལ་དང་། རགས་པ་དང་། ཕྲ་བ་དང་། མཛེས་པ་དང་། བཙོག་པ་དང་། རིང་བ་དང་། ཉེ་བའི་ཆོས་དེ་དག་ལ་ཡོངས་སུ་བརྟགས་པས་དེ་དག་ཐམས་ཅད་ཀྱང་བདག་མ་ཡིན་པ་དང་། བདག་ལས་གཞན་མ་ཡིན་པ་དང་། བདག་ཤེས་རིག་གི་སྐྱེ་བུ་མི་ལྡན་པའོ་ཞེས་ཤེས་རབ་ཀྱིས་ཡོངས་སུ་བལྟ་བར་བྱའོ།། གྲོ་བཞིན་སྐྱེས། འདི་ལྟ་སྟེ། གང་ཞིག་གཟུགས་དང་། ཚོར་བ་དང་། འདུ་ཤེས་དང་། འདུ་བྱེད་དང་། རྣམ་པར་ཤེས་པ་རྣམས་ལ་ངེས་པར་འབྱུང་བ་དང་། འདོད་པ་དང་བྲལ་བ་དང་། འགོག་པར་གྱུར་བ་དང་། རྣམ་པར་གྲོལ་བ་དང་། རྣམ་པར་གྲོལ་བའི་ལྟ་བ་དང་ལྡན་པས་བདག་གི་སྐྱེ་བ་ནི་ཟད། ཚངས་པར་སྤྱོད་པ་ནི་བསྒྲུབས། བྱ་བ་རྣམས་ནི་བྱས་སོ།། བདག་གིས་འབྱུང་བར་འགྱུར་བའི་སྐྱེ་བ་མི་ལེན་པ་ཡང་ཤེས་སོ།། དེའི་ཚེ། བཙུན་པ་ཤཱ་རིའི་བུས་དེ་སྐད་དུ་མདོ་འདི་བསྟན་ནས་ཁྱིམ་བདག་གི་བུ་གྲོ་བཞིན་སྐྱེས་རྡུལ་དང་དྲི་མ་བྲལ་ཏེ་ཆོས་ལ་ཆོས་ཀྱི་མིག་ཐོབ་པར་གྱུར་ཏོ།། དེའི་ཚེ། ཁྱིམ་བདག་གི་བུ་གྲོ་བཞིན་སྐྱེས་ཀྱིས་ཆོས་མཐོང་བ་དང་ཆོས་ཐོབ་པས། གཞན་རྣམས་དང་ཆོས་རྣམས་ལ་འཇིགས་པ་དང་དངངས་བ་མེད་པ་ཐོབ་བོ།། དེ་ནས་གྲོ་བཞིན་སྐྱེས་སྟན་ནས་ལངས་ཏེ་ཆོས་གོས་ཕྲག་པ་གཡས་པར་གཟར་ཞིང་པུས་མོ་གཡས་པའི་ལྷ་ང་ས་ལ་བཙུགས་ནས་བཙུན་པ་ཤཱ་རིའི་བུ་ལ་འདི་སྐད་དུ་གསོལ་ཏོ།། ཤཱ་རིའི་བུ། བདག་ནི་ད་ལྟ་ཐར་བ་ཡང་དག་པ་ཐོབ་པས། དེང་ན་བཟུང་དེ་བདག་གིས་སངས་རྒྱས་ལ་སྐྱབས་སུ་མཆིའོ།། ཆོས་ལ་སྐྱབས་སུ་མཆིའོ།། དགེ་འདུན་ལ་སྐྱབས་སུ་མཆིའོ།། བདག་དགེ་བསྙེན་དུ་གྱུར་བས། དེང་ནས་བཟུང་དེ་ཇི་སྲིད་འཚོའི་བར་དུ་དཀོན་མཆོག་གསུམ་ལ་ཡང་དག་པ་སྐྱབས་སུ་འགྲོའོ།། དེའི་ཚེ། ཁྱིམ་བདག་གི་བུ་གྲོ་བཞིན་སྐྱེས་དེས་འཕགས་པ་ཤཱ་རིའི་བུས་གསུང་ཐོས་ནས་སེམས་རབ་ཏུ་དགའ་ཞིང་མགོ་བོས་ཕྱག་འཚལ་ནས་རང་གི་གནས་སུ་སོང་ངོ་།།^p45
