དང་པོ། ནང་དུ་ཕ་མར་སྲི་ཞུའི་སྐོར།^p1
一 入则孝^p2
父母呼 应勿缓 父母命 行勿懒^p4
ཕ་མས་འབོད་པའི་དུས། །^p5
མྱུར་དུ་ཨ་ལན་བྱ། །^p6
ཕ་མས་མངག་པའི་ལས། །^p7
ཕྱིར་འགྱངས་མེད་པར་བསྒྲུབ། །^p8
ཕ་མས་རང་ལ་འབོད་པའི་དུས་སུ་དེ་ལ་དལ་དལ་ལྷོད་ལྷོད་ཀ་རེ་ཀོ་རེ་མ་ཡིན་པར་མྱུར་བ་མྱུར་དུ་ཨ་ལན་གདབ་པར་བྱའོ། །ཕ་མས་མངག་པའི་ལས་གང་ཡོད་ན། དེ་མ་ཐག་ཏུ་ཕྱིར་འགྱངས་ཅུང་ཟད་ཀྱང་མེད་པར་སྒྲུབ་པར་བྱེད་དགོས།^p9
父母教 须敬听 父母责 须顺承^p11
ཕ་མའི་བསླབ་བྱ་དག །^p12
གུས་པས་མཉན་པར་བྱ། །^p13
ཕ་མས་བཀའ་བཀྱོན་སྐབས། །^p14
བཀུར་བས་དང་ལེན་བྱ། །^p15
ཕ་མས་རང་ལ་མི་ཆོས་དང་ལྷ་ཆོས་ཀྱི་ཕན་པའི་བསླབ་བྱ་གང་ཞིག་གནང་བ་དེ་ལ་ཤིན་ཏུ་གུས་པའི་སྒོ་ནས་རྩེ་གཅིག་ཏུ་མཉན་པར་བྱ་དགོས། གལ་ཏེ་རང་གིས་ནོར་འཁྲུལ་ཅན་གྱི་བྱ་བ་བྱས་ཏེ་ཕ་མས་བཀའ་བཀྱོན་དྲག་པོ་བྱེད་སྐབས། དེ་ལ་ཁེངས་དྲེགས་མེད་པའི་བཀུར་སེམས་ཀྱིས་དང་ལེན་བྱ་བ་ལས་མི་བདེན་བདེན་ཚུལ་གྱིས་ལན་ལྡོན་པ་སོགས་མི་བྱའོ། །^p16
冬则温 夏则凊 晨则省 昏则定^p18
དབྱར་དགུན་ཕ་མ་ལ། །^p19
དྲོད་བསིལ་གང་དགོས་སྦྱིན། །^p20
ནངས་ནུབ་ཕ་མ་ལ། །^p21
ཁམས་འདྲི་བསྙེན་བཀུར་ཞུ། །^p22
ཕ་མ་གཉིས་ལ་དབྱར་ཚ་བའི་དུས་སུ་བསིལ་ཕབ་པ་དང་དགུན་གྲང་བའི་དུས་སུ་དེ་དག་ལ་དྲོད་སྟེར་བ་སོགས་བྱ། ནངས་མོ་ཡར་ལངས་ནས་ཐོག་མར་ཕ་མའི་གམ་དུ་སོང་སྟེ་ཁམས་འདྲི་བ་དང་ནུབ་མོ་ཉལ་ཁེབ་འགེབས་པ་སོགས་བསྙེན་བཀུར་བྱའོ། །^p23
出必告 反必面 居有常 业无变^p25
ཕར་འགྲོ་ཕ་མར་ཞུ། །^p26
ཚུར་སླེབས་སྙན་གསན་དབུལ། །^p27
སྡོད་གནས་གཏན་འཁེལ་དང༌། །^p28
ལས་ཀ་བརྟན་པོ་བྱ། །^p29
རང་ཁྱིམ་ནས་ཕར་ཡུལ་ཁམས་གཞན་སོགས་སུ་འགྲོ་དགོས་བྱུང་ན། ངེས་པར་ཕ་མ་གཉིས་ལ་ཞུས་ཏེ་འགྲོ་ཞིང༌ཚུར་རང་ཁྱིམ་དུ་སླེབས་དུས། སླར་ཡང་ཕ་མ་ལ་ཁོ་བོ་ཕྱིར་ཐོན་ནོ་ཞེས་སྙན་གསན་ཕུལ་ན་དེ་གཉིས་ཀྱང་སེམས་བདེ་བར་འགྱུར། གལ་ཏེ་རང་གི་འཚོ་བ་དང་སྤྱོད་པ་ལ་འགྱུར་ལྡོག་མང་པོ་བྱས་ན་ཕ་མ་ལ་སེམས་ཁྲལ་ཆེན་པོ་འབྱུང་བས། དུས་རྒྱུན་དུ་རང་གི་སྡོད་གནས་སོགས་འཚོ་བ་ལ་གཏན་འཁེལ་བའི་གོམས་གཤིས་རྒྱུན་ལྡན་ཆགས་པར་བྱ་ཞིང་། དོན་དང་ལྡན་པའི་ལས་ཀ་གང་བསྒྲུབས་ཀྱང་ལས་སླ་བོས་འགྱུར་བ་གཏོང་བར་མི་བྱའོ། །^p30
事虽小 勿擅为 苟擅为 子道亏^p32
བྱ་བ་ཆུང་ན་ཡང༌། །^p33
རང་དགར་བྱེད་མི་རུང༌། །^p34
རང་དགར་བྱས་གྱུར་ན། །^p35
ཡ་རབས་ལུགས་དང་འགལ། །^p36
བྱ་བ་ཤིན་ཏུ་ཆུང་ན་ཡང་ཕ་མ་སོགས་ལ་མ་དྲིས་པར་རང་འདོད་རང་འཚམས་ཀྱིས་ཐག་གཅོད་བྱས་ཏེ་སྒྲུབ་པར་བྱེད་མི་རུང༌། གལ་སྲིད་རང་བློ་སྒེར་གཅོད་ཀྱིས་རང་དགར་བསྒྲུབས་ན། དེ་ནི་ཡ་རབས་བུ་ཕྲུག་གི་ལུགས་བཟང་དང་གཏིང་ནས་འགལ་བར་འགྱུར་རོ། །^p37
物虽小 勿私藏 苟私藏 亲心伤^p39
དངོས་པོ་ཆུང་ན་ཡང༌། །^p40
རང་དགར་སྦ་མི་རུང༌། །^p41
རང་དགར་སྦས་གྱུར་ན། །^p42
ཕ་མའི་སེམས་པ་གསོད། །^p43
དངོས་པོ་ཤིན་ཏུ་ཆུང་ངུ་ཡང་གཞན་གྱིས་མི་ཚོར་བར་ལྐོག་ཏུ་བདག་གིར་བྱས་ཏེ་སྦ་བར་བྱ་མི་རུང༌། གལ་ཏེ་རང་དགར་སྦས་པའི་དངོས་རྫས་དེ་ནམ་ཞིག་གཞན་གྱིས་ཤེས་པར་གྱུར་ན། དེའི་ཚེ་བུ་ཕྲུག་གི་སྤྱོད་ལམ་ཉམས་པ་མཐོང་སྟེ་ཕ་མ་ལ་སེམས་སྡུག་ཆེན་པོ་སྐྱེ་བར་འགྱུར་རོ། །^p44
亲所好 力为具 亲所恶 谨为去^p46
ཕ་མ་དགའ་བའི་གནས། །^p47
ཅི་ནུས་བསྒྲུབ་པར་བྱ། །^p48
ཕ་མ་མི་དགའི་རིགས། །^p49
བག་ཡོད་སྒོ་ནས་འདོར། །^p50
ཕ་མ་དགའ་བའི་གནས་གང་ཡིན་ཡང་དེ་ཅི་ནུས་ཀྱིས་བསྒྲུབ་པར་བྱ། ཕ་མ་མི་དགའ་བའི་གནས་ཅ་ལག་དང་སྤྱོད་ངན་སོགས་ཅི་ཡིན་ཡང་དེ་དག་བག་ཡོད་ཀྱི་སྒོ་ནས་འདོར་བར་བྱའོ། །^p51
身有伤 贻亲忧 德有伤 贻亲羞^p53
ལུས་ལ་སྙད་བྱུང་ན། །^p54
ཕ་མས་སེམས་ཁྲལ་བྱེད། །^p55
ཀུན་སྤྱོད་ཉམས་གྱུར་ན། །^p56
ཕ་མར་ངོ་ཚ་སྐྱེ། །^p57
རང་གི་ལུས་ལ་ན་ཚ་དང་རྨས་སྐྱོན་སོགས་སྙད་ཀ་བྱུང་ན་ཕ་མ་ལ་སེམས་ཁྲལ་ཆེན་པོ་འབྱུང༌། དེ་བཞིན་ཡ་རབས་ཚུལ་ལྡན་གྱི་ཀུན་སྤྱོད་བཟང་པོ་ཉམས་ནས་ལོག་པའི་བྱ་ངན་བསྒྲུབས་ན། ཕ་མ་ལ་གཞན་གྱི་མདུན་དུ་འགྲོར་མི་ཕོད་པ་ལྟ་བུའི་ངོ་ཚ་སྐྱེ་བར་འགྱུར་རོ། །^p58
亲爱我 孝何难 亲憎我 孝方贤^p60
ཕ་མ་དགའ་ན་བདག །^p61
བཀུར་སྟི་ཅི་ཞིག་དཀའ། །^p62
ཕ་མ་སྡང་ཡང་བདག །^p63
གུས་བཀུར་དེ་ནི་མཆོག །^p64
ཕ་མ་དགའ་བར་གྱུར་ན་བདག་གིས་བཀུར་སྟི་བྱ་བ་ནི་ཅི་ཞིག་དཀའ་སྟེ་ཤིན་ཏུ་ལས་སླ་བོ་ཡིན་ནོ། །གལ་ཏེ་ཕ་མ་མི་དགའ་བར་སྡང་བར་གྱུར་བའམ་བཀའ་བཀྱོན་དང་རྡུང་རྡེག་བྱེད་པ་སོགས་བྱུང་ནའང་། དེ་ལ་ཞེ་འཁོན་མེད་པར་རང་སྐྱོན་ལ་བརྟགས་ཏེ་མུ་མཐུད་ནས་གུས་བཀུར་ཞུ་བ་ནི་རིན་ཐང་ལྡན་ཞིང་སྲི་ཞུ་ཐམས་ཅད་ཀྱི་མཆོག་ཡིན་ནོ། །^p65
亲有过 谏使更 怡吾色 柔吾声^p67
ཕ་མའི་ཉེས་སྐྱོན་ལ། །^p68
ཞི་དུལ་འཛུམ་མདངས་བཅས། །^p69
འཇམ་པོའི་ངག་ཚིག་གིས། །^p70
བསྐུལ་ཏེ་བཅོས་པར་བྱ། །^p71
ཕ་མ་ལ་ཉེས་སྐྱོན་ནོར་འཁྲུལ་ཡོད་དུས་དེ་མ་ཐག་སྐྱོན་བརྗོད་དྲག་པོ་མི་བྱེད་པར་ཞི་དུལ་འཛུམ་དམུལ་གྱི་ངང་ནས་འཇམ་པོའི་ངག་ཚིག་གི་སྒོ་ནས་རིམ་གྱིས་བསྐུལ་ཏེ་སྐྱོན་དེ་དག་བཅོས་པར་བྱའོ། །^p72
谏不入 悦复谏 号泣随 挞无怨^p74
སྐྱོན་ངོས་མི་ལེན་ན། །^p75
ཕ་མ་དགའ་བའི་དུས། །^p76
ངུས་ཏེ་སླར་ཡང་ཞུ། །^p77
བརྡུངས་ཀྱང་འཁོན་མི་བྱ། །^p78
དེ་ལྟར་སྐྱོན་བཅོས་པར་བསྐུལ་ཀྱང་དེ་ལ་དང་ལེན་ཡེ་མི་བྱེད་ན་ཕ་མ་ཐུགས་དགའ་བའི་དུས་སུ་མདུན་དུ་བཅར་ཏེ་ངུས་ནས་སླར་ཡང་མུ་མཐུད་དུ་ཞུ་བ་ཕུལ། གལ་ཏེ་ཁོང་ཐུགས་ཁྲོས་ཏེ་ལྕག་གིས་བྲབ་པ་སོགས་བརྡུངས་ཀྱང་ཞེ་འཁོན་གཏན་ནས་མི་བྱའོ། །^p79
亲有疾 药先尝 昼夜侍 不离床^p81
ཕ་མ་ན་བའི་དུས། །^p82
སྨན་བྲོ་རང་གིས་བལྟ། །^p83
ཉིན་མཚན་བསྙེན་བཀུར་ཞུ། །^p84
གམ་ནས་འབྲལ་མི་བྱ། །^p85
ཕ་མ་ན་བའི་དུས་སུ་ཐང་སྨན་སོགས་ཀྱི་བྲོ་བར་ཚ་བ་དང་ཁ་བ་ཡིན་མིན་བརྟག་ཕྱིར་ཐོག་མར་རང་གིས་བཏུང་སྟེ་གཟོད་ནད་པ་ལ་དྲངས་དགོས། ཉིན་མཚན་ཀུན་ཏུ་ནད་གཡོག་བསྙེན་བཀུར་ཞུ་ཞིང་ནད་པའི་གམ་ནས་ནམ་ཡང་འབྲལ་བར་མི་བྱའོ། །^p86
丧三年 常悲咽 居处变 酒肉绝^p88
ཕ་མ་གཤེགས་རྗེས་སུ། །^p89
ལོ་གསུམ་མྱ་ངན་བྱེད། །^p90
འཚོ་བ་སྟབས་བདེའི་ངང༌། །^p91
ཤ་ཆང་སོགས་མི་བསྟེན། །^p92
ཕ་མ་གཤེགས་པའི་རྗེས་སུ་ལོ་གསུམ་གྱི་རིང་ལ་དེའི་བཀའ་དྲིན་དྲན་པ་སོགས་ཀྱི་སྒོ་ནས་མྱ་ངན་གྱི་ལུགས་སྲོལ་འཛིན་པར་བྱེད་ཅིང༌། དེའི་རིང་ལ་རྒྱུན་ལྡན་གྱི་འཚོ་བ་ཡང་སྟབས་བདེ་བབ་ཆགས་ངང་སྐྱེལ་བ་མ་གཏོགས་ཤ་ཆང་འདོད་པ་གླུ་གར་སོགས་རྒོད་གཡེང་གི་རིགས་ཐམས་ཅད་བསྟེན་པར་མི་བྱའོ། །^p93
丧尽礼 祭尽诚 事死者 如事生^p95
ལྷག་བསམ་དག་པའི་ངང༌། །^p96
སྲོལ་བཞིན་འདས་མཆོད་བྱ། །^p97
འདས་རྗེས་བྱ་གཞག་རྣམས། །^p98
འཚོ་གཞེས་སྐབས་ལྟར་བྱ། །^p99
གཞན་གྱིས་ཁ་ཟེར་བ་འགོག་ཆེད་ཙམ་མ་ཡིན་པར་ལྷག་བསམ་རྣམ་པར་དག་པའི་སྒོ་ནས་ཡུལ་དུས་ཀྱི་ལུགས་སྲོལ་བཞིན་ཕ་མའི་འདས་མཆོད་དེ་མ་ཆགས་པར་བྱ་ཞིང་མདོར་ན་འདས་རྗེས་ཀྱི་བྱ་གཞག་ཅི་ཡོད་རྣམས་ཇི་ལྟར་ཕ་མ་འཚོ་ཞིང་གཞེས་པའི་སྐབས་ལྟར་ནན་གཟབ་ཀྱིས་བསྒྲུབ་པར་བྱའོ། །^p100